Alderdiak kritiko agertu dira Juan Carlos I.ak hartutako erabakiarekin
Juan Carlos I.a errege emerituak Espainiatik kanpo bizitzera joateko hartutako erabakia "keinu eskasa" dela uste du EAJk, eta, azpimarratu duenez, "justiziak denontzat berdina izan behar du, Zarzuelan edo Estorilen bizi".
Jeltzaleek sare sozialetan zabaldutako mezu batean adierazi dutenez, errege emerituak hartutako "erabaki horrek ezin du inola ere esan nahi bere erregealdian eta abdikazioaren ondoren ustez egindako delituengatik justiziaren aurrean azalpenak eman behar ez dituenik".
Bestalde, Mertxe Aizpurua EH Bilduk Diputatuen Kongresuan duen bozeramaileak uste du errege emerituaren ihesa Espainiako monarkiaren "izaera ustela ezkutatzeko" ahalegina besterik ez dela.
Ildo horretatik, koalizio subiranistaren ordezkariak ondorengoa esan du: "Juan Carlos joan egingo da, baina Felipe geratzen da". Hori dela eta, alderdiak "irregulartasun guztiak sakon ikertzeko, egia ezagutzeko, zigorgabetasunari amaiera emateko eta herritarrei hitza emateko" lan egiteko konpromisoa hartu du."Badoa Juan Carlos, baina berak ondoen ordezkatzen duen 78ko Erregimena geratzen da", azpimarratu du Arnaldo Otegi EH Bilduko koordinatzaile nagusiak.
Espainiako Gobernuak, berriz, "errespetua" agertu du Juan Carlos I.aren erabakiaren aurrean, eta nabarmendu ditu egungo Estatuburu Felipe VI.aren "eredugarritasuna eta gardentasuna". Uztailaren 8an, Pedro Sanchez Espainiako presidenteak ohartarazi zuen errege emerituaren gaineko informazioak "kezkagarriak" zirela; halaber, aldeztu zuen komenigarria zela Errege Etxeak aurrerapausoak ematea, "gardentasuna eta eredugarritasuna sendotze aldera".
Dena dela, Unidas Podemosek Estatu ereduari buruzko eztabaida mahai gainean jartzeko unea dela esan du, "Errepublika solidario eta plurinazional batekin"; izan ere, koalizioaren ustez, "ez dago inolako arrazoirik gutxieneko balio etikoak ez dituen monarkiarekin kargatzen jarraitzeko".
Bestalde, Espainian demokrazia ezartzeko Juan Carlosek izan zuen "jarrera erabakigarria" nabarmendu du PPk, eta batasunerako deia egin du estatuburuaren inguruan eta hark ordezkatzen duen instituzioaren inguruan. Alderdi Popularrak azpimarratu duenez, "monarkia parlamentarioak ezinbesteko zutabea izaten jarraitzen du lurraldearen egituraketan, nazioarteko ordezkaritzan eta Espainiaren aurrerapen ekonomiko, sozial eta kulturalean".
Albiste gehiago politika
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da epailearen aginduz, Santos Cerdanen posta klonatzeko
Ikerketako iturriek jakitera eman dutenez, agenteek PSOEren egoitzan, Adifen instalazioetan eta Errepide Zuzendaritza Nagusian jardun dute, Leopoldo Puente Auzitegi Nagusiko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosek azpimarratu du Cerdan eta Garciaren ustelkeria “dinamika” Nafarroatik zetorrela eta “erabili” egin zutela
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok ministerioan jarri zuten eta ondoren “presio” egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".