EH Bilduk "covid tasa" ezartzea proposatuko du, une honetako beharrei erantzuteko
Euskal Autonomia Erkidegoan (EAE) "covid tasa" ezartzeko foru-arau proposamen bana aurkeztuko du EH Bilduk Gipuzkoako, Bizkaiko eta Arabako Batzar Nagusietan. Hain zuzen ere, ahalmen ekonomiko handiena duten pertsona eta enpresei ezarriko liekete zerga-tasen gaineko "aldi baterako eta aparteko errekargua", une honetako beharrei erantzuteko.
Errekarguak datozen lau urteetan aplikatuko litzaizkieke PFEZari, sozietateen gaineko zergari, oinordetzen eta dohaintzen gaineko zergari, eta ondarearen gaineko zergari (Bizkaian eta Araban soilik igoko litzateke, Gipuzkoako egoerarekin parekatzeko asmoz), Marian Beitialarrangoitia koalizio abertzaleko buruzagiak asteazken honetan Donostian emandako prentsaurrekoan iragarri duenez.
EH Bilduko Politika Instituzionaleko arduradunak azaldu duenez, ekimenaren helburua pandemiak eragindako krisiari eta euskal erakundeen "finantziazio beharrei aurre egin ahal izatea" da, "baliabide gehien dituzten pertsonek ekarpen handiagoa eginez".
Beitialarrangoitiaren iritziz, COVID-19aren ondorio sozial, sanitario eta ekonomikoei erantzuteko "ezinbestekoa da politika publikoak indartzea", baina "diru-sarrerak murrizten ari diren honetan" bi aukera baino ez daude: "murrizketak egitea edo baliabide gehiago ematea".
Testuinguru horretan, EH Bilduk bigarren aukeraren alde egin du, "ezohiko diru-iturri berriak bilatzearen alde", alegia, eta "krisiari elkartasunetik eta erantzunkidetasunetik heltzearen alde", azpimarratu du Beitialarrangoitiak.
Koalizioaren proposamena errekargu batean oinarritzen da. Errekargu hori, pertsona fisikoen errentaren gaineko zergaren kasuan, 48.090 euroko likidazio-oinarri orokorra gainditzen dutenei aplikatuko litzaieke, % 1etik % 5era, lau tarte desberdinetan, igoera hori mailakatua izan dadin.
Aurrezkiaren likidazio-oinarriari, PFEZari eta pertsonei zein ondare-sozietateei dagokienez, % 2tik % 5era igoko litzateke 10.000 eurotik aurrera.
Sozietateen gaineko zergari dagokionez, likidazio-oinarrietan % 5eko errekargua proposatzen du 300.000 eurotik gorakoen kasuan, % 8koa 3 eta 6 milioi artean dituztenen kasuan, eta % 10ekoa azken kopuru horretatik gorakoen kasuan.
Oinordetza eta dohaintzen gaineko zergari dagokionez, % 0,5eko igoera proposatzen du 600.000 euroraino, % 1ekoa 600.000 eurotik milioi bateraino eta % 1,5ekoa kopuru horretatik aurrera.
EH Bilduko buruzagiak argitu duenez, bere alderdiak "ez dio uko egiten diru iturri bakar bati ere, hala nola Europako funtsetatik etor daitekeenari. Halaber, ez dio uko egiten "zorpetzeko ahalmen handiagoa izateari", ezta "zerga bidez gehiago biltzeari" ere, tresna horietako "bakar batek ere" ez baitu balioko berak bakarrik osasun krisiak eragindako "behar guztiei konponbide osoa emateko".
Albiste gehiago politika
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.