Ortuzar EAJko presidente izango da berriro
EBBko buru Andoni Ortuzar EAJko presidente izango da beste lau urtez, buruzagiak aldatzeko egin ohi duten barne prozesuan ez baita beste hautagairik aurkeztu. Ortuzarrek berak eman du albistea Radio Euskadin astearte honetan telefono bidez egin dioten elkarrizketan. Prozesua bukatzeko egin behar duten Batzar Nagusiari buruz esan du, pandemia egoera dela eta, atzeratu egin dutela, eta "ahal denean" egingo dutela.
Ortuzarren esanetan, "zailtasunak zailtasun" eta pandemiagatik ezarritako edukiera mugak gorabehera, EAJko afiliatuek "asko eta ondo" parte hartu dute, baina azkenean hautagaitza bakarra egon da, berea. "Niretzako ohorea da, baita erantzukizuna ere", adierazi du.
Buruzagi jeltzaleak onartu du "zalantzak" zituela, "politikan aldaketak beharrezkoak direlako". "Militantziak ulertu du alderdi barruan gauzak ondo doazela, eta kanpoko egoera, berriz, zaila dela. Batzuetan hobeto da ezagunaren alde egitea, aldaketa aukeratzea baino", erantsi du.
Era berean, Ortuzarrek azaldu du Bizkaian, Gipuzkoan, Araban eta Nafarroan ere ez dela aldaketarik egongo, hots, Itxaso Atutxa, Joseba Egibar, Jose Antonio Suso eta Unai Uhalde izango direla alderdiko presidente aurrerantzean ere. Ipar Euskal Herrian, aldiz, Peio Etxelekuk hartuko du Pako Arizmendiren lekua.
Batzar Nagusiari dagokienez, atzeratu egin behar izan dute, gaur egun ezinezkoa delako 700 pertsona gehi haien gonbidatuak batzea. "Ez dugu legea urratuko, ezta gure barne antolaketa osasunaren aurretik jarriko ere", baieztatu du.
Zure interesekoa izan daiteke
Espainiako Gobernuak asilo legea eta atzerritarrei buruzko legearen erreforma onartu ditu, Ceutako migrazio-krisiaren ostean
Testuek "ikuspegi bermatzailea" dute eta migratzaileen giza eskubideak errespetatzen dituzte. Halaber, Espainiako esparru juridikoa Migrazioaren eta Asiloaren Europako Itunera egokitu dute.
Roblesek esan du CNIk bere lana egin zuela Ceutan, eta Marlaskak berretsi du ez zela "txostenik" egon
Defentsa eta Barne ministroek bertsio kontrajarriak eman dituzte uztailaren 30ean migratzaileak hiri autonomora sartu ziren egunaren bezperan gertatutakoari buruz.
Ceutako krisia bideratzeko Segurtasun Nazionaleko Kontseiluaren ezohiko bilera eta aginte bakarra deitu du Sanchezek gaurko
Margarita Robles Defentsa ministroak agerraldia egingo du gaur Kongresuko Defentsa Batzordean, Ceutako krisiaren berri emateko. Datozen egunotan Behe Ganberako hainbat batzordetan hitz egingo duten zortzi ministroetatik lehena izango da.
Udal eta foru hauteskundeetarako eta Nafarroako Parlamenturako prozesua prestatzen ari da EH Bildu
Bere oinarriei dei egin die "parte har dezaten eta ezkerreko soberanismoaren eskaintza politiko eta elektorala osatzeko lanaren parte izan daitezen, erronkaren tamainako anbizioarekin".
Saizek Feijooren aurka egin du Ceutan konfinamendua eskatzeagatik: "Xenofobia da kutsakorra"
Elma Saiz Inklusio, Gizarte Segurantza eta Migrazio ministroaren arabera, Alberto Nuñez Feijoo PPren presidenteak Ceuta konfinatzeko eskatu izana "arduragabekeria larria" da, ez baitago kutsatzeko arriskurik, eta buruzagi popularraren "ezjakintasuna" kritikatu du.
EAJk Frantziarekin hitz egiteko eskatu dio Espainiako Gobernuari, Irungo trafikoaren "itogunea" konpontzeko
Halaber, Cristina Laborda Irungo alkatearen "demagogia" kritikatu du, eta adierazi du arazoa ez dela "errepide gutxi" dagoela, baizik eta Frantziak muga "itogune" bihurtu duela herria.
Pradalesek humanismoaren alde egin du ziurgabetasunaren aurrean, Euskadiren "euskarri sendoena" delakoan
Lehendakariak Jose Maria Arizmendiarrieta, euskal kooperatiben mugimenduaren sortzailea, eta Jose Antonio Agirre lehendakaria aipatu ditu humanismoaren erreferente gisa, eta kontzeptu hori eguneratzea beharrezkotzat jo du.
Eusko Jaurlaritzak ostegunean hasiko du urte politiko berria
Besteak beste, etxebizitzaren prezioak, Osakidetzako itxaron-zerrendek, transferentziek eta erreforma fiskalak markatuko dute agertoki politikoa udazkenean.
Valcalderan fusilatutakoak omendu dituzte Iruñean eta Cadreitan, 90 urte betetzen direnean
1936an, agintari militarrek 52 preso errepublikano atera zituzten Iruñeko kartzelatik, askatuko zituztelako aitzakian, baina hil egin zituzten. Bederatzi hamarkada geroago, ez dakite non dauden haien gorpuzkiak.
Ceutan konfinamendua ezartzeko eskatu dio Feijook Sanchezi "osasun arriskuagatik"
Alberto Nuñez Feijoo PPko buruak Ceutan konfinamendua ezartzeko eskatu dio Pedro Sanchez Espainiako Gobernuko presidenteari, uztailaren amaieran migratzaileak masiboki sartu ostean atzeman diren gaixotasun infekzioso eta kutsakorrak direla eta. Horren hitzetan, sarna eta tuberkulosi kasuak daude eta "osasun-arriskua" dago.