Irungo Gobernu berria oposizioarekin "batera" hiria eraikitzeko prest agertu da
PSE-EEk eta Elkarrekin Podemos-IUk aurreakordioa itxi zuten ostiralean Irunen (Gipuzkoa), koalizio Gobernua osatzeko. Udal Exekutibo berria gainerako talde politikoekin "batera" hiria eraikitzeko prest azaldu da larunbat honetan, COVID-19 pandemiaren ondorioz egoera "larria" delako, eta "elkarrizketa, adostasuna, batasuna eta ezberdinen arteko akordioak" beharrezkoak direlako.
Irungo udaletxean prentsaurrekoa eman du Jose Antonio Santano alkateak, David Soto eta Miren Etxebeste Elkarrekin Podemos-IUko zinegotziek lagunduta. Hiria gobernatzeko aurrekordioaren berri eman du alkateak. Sozialistak gutxiengoan gobernatzen ari ziren, iragan otsailean PSE-EAJ akordioa hautsi ondoren. Horrela, aurrerantzean Exekutiboak gehiengoa izango du Udalbatzan, eta Elkarrekin Podemos-IUko hiru zinegotzi Gobernuko kide izatera pasako dira.
Irungo alkateak azpimarratu duenez, COVID-19 pandemiaren eraginez “une larriak bizi ditugu”, eta ondorioek “datozen urteetan gure bizitza baldintzatuko dute”.
“Edozein arduradun publikok egonkortasuna eta sendotasuna eskaini behar ditu, guztiaren gainetik pertsonen beharrizanak jarriz, pertsonetan eta haien beharrizanetan arreta jartzea akordio honen helburua da, desadostasunen gainetik”, nabarmendu du Santanok.
Gainera, irundarrek “Udalaren gertutasuna sentitzen jarraitzea” nahi dute, eta “etorkizuneko mezu baikorra” zabaltzea. Santanoren hitzetan, testuinguruak eskaintzen dituen “aukerak aprobetxatu” beharra dago.
“Ez dira alderdien arteko ika-mikarako garaiak, ezta liskarretarako ere, ez da harresiak eraikitzeko garaia, elkarrizketa, adostasun, batasun eta ezberdinen arteko akordioetarako baizik”, gogorarazi du agintariak. “Hiria elkarrekin eraikitzen jarraitzea” proposatu die buruzagiak gainerako talde politikoei.
PSE-EEk eta Elkarrekin Podemos-IUko oinarriek aurreakordioa berretsi ondoren, datorren astean itunaren xehetasunak jakinaraziko dituztela adierazi du Santanok. Hala ere, koalizio moreko hiru zinegotzi Gobernuko kide izatera pasako direla aurreratu du agintariak ongizate, euskara, berdintasun, lankidetza, memoria historikoa, hezkuntza eta gazteria esparruetan, hiru zinegotzigotan banatuta: Gizarte Gaiak eta Gazteria; Euskara, Berdintasuna eta LGTB; Lankidetza, Hezkuntza eta Memoria Historikoa, hain zuzen ere.
Bestalde, “zalantza eta kezka” uneetan, erakundeetatik “ziurtasunak” eskaini behar dituztela esan du Sotok. Elkarrekin Podemos-IUko taldea PSErengana “etengabe hurbildu” izan dela azpimarratu du Sotok, Udal Gobernuari “egonkortasuna emateko”. “Batzeko eta adosteko helburuarekin” gainerako indar politikoek bat egitea “funtsezkoa” dela uste du.
Udal Gobernu berria Irunen (Gipuzkoa). Argazkia: Eneritz Gorrotxategi/Euskadi Irratia
Zure interesekoa izan daiteke
Antxon Alonso enpresaria atxilotu dute, Bizkaian, Leire Diez eta SEPIko presidente ohia atxilotu dituzten polizia-operazioan
Guardia Zibilaren Unitate Zentral Operatiboa miaketak egiten ari da Madrilen, Sevillan eta Zaragozan, tartean, Forestalia enpresak Zaragozan duen egoitzan.
Espainiako Gobernuak "legez kontrakotzat eta baliogabetzat" jo ditu Txiki eta Otaegi epaitu zituzten gerra-kontseiluak eta bien exekuzioak
Familiek eskaera egin ondoren, eta Memoria Demokratikoari buruzko 20/2022 Legea aplikatuz, Jon Paredes Txiki eta Angel Otaegiren aldeko Aitorpen eta Erreparazio Pertsonaleko Adierazpena onartu du Espainiako Gobernuak, "arrazoi politikoengatik" jazarri zituztela, "bermerik gabeko" epaiketetan zigortu zituztela eta "giza eskubideen urraketen biktimak" izan zirela aitortuz.
Gazako genozidioaren arduradunek kontuak emango dituztela esan dio Sanchezek Abbasi
Palestinako Aginte Nazionaleko presidenteak Espainia bisitatu du bigarren aldiz, Gobernuak Estatu gisa onartu ondoren.
Abalosek Kongresuko eskubideak galdu ditu eta kartzelan dagoen bitartean ezin izango du bozkatu
Ministro ohi sozialistak ez du Gorteen ordainsari ekonomikorik jasoko.
Iriartek eta Echevestek ika-mika gogorra izan dute, Gipuzkoako aurrekontuak direla eta
Gipuzkoako Batzar Nagusietan EH Bilduk aurrekontuei aurkeztutako osoko zuzenketa atzera bota dute taldeek. Gaurko eztabaidan, Maddalen Iriarte EH Bilduren ordezkariak gogor kritikatu du Elkarrekin Podemosek EAJ eta PSE-EE alderdiekin itxitako akordioa, 2026ko kontuak babesteko. Miren Echevestek alderdi morearen eledunak, bere aldetik, koalizio subiranistak ez duela berdin jokatzen Madrilen eta Gipuzkoan.
Pradalesen ustez, EH Bilduk "irmoki gaitzetsi" behar ditu Ernairen sabotajeak
Imanol Pradales lehendakariaren iritziz, "EH Bilduk ezin ditu eskuak garbitu" Ernaik, Sorturen gazte erakundeak, aldarrikatutako sabotajeei eta erasoei dagokienez. "Onartezina da Ernaik, Sorturen gazte erakundeak, alderdi baten egoitza baten aurkako erasoa publikoki aldarrikatzeko aukera ematea, eta alderdi horren zuzendaritzaren gaitzespenik ez izatea", hori baita, aldi berean, EH Bilduren "muina".
Jose Tomek dimisioa eman du Lugoko Diputazioko presidente gisa sexu-jazarpeneko salaketen ostean, baina alkate jarraituko du
Sozialistak ukatu egin ditu akusazioak, eta aurreratu du "ekintza judizialak" hasiko dituela, eta "alderdia maite" duelako eta "defentsa erraztu" ahal izateko utzi duela kargua.
Guardia Zibilak Leire Diez PSOEko militante ohia atxilotu du, kontratazio publikoetan egin omen dituen irregulartasunengatik
Diez ustezko eraginen trafiko eta eroskeria delituengatik ikertu gisa agertzen da Madrilgo Instrukzioko 9 zenbakiko Epaitegiko titularrak zuzentzen duen auzi batean.
EAJk kezka handiz hartu du Euskadiko Auzitegi Nagusiak enplegu publikoaren legeaz Auzitegi Kostituzionalean kontsulta egitea
Maitane Ipiñazar EBBren idazkariak Euskadi Irratian esan du euskararen normalizazio legea bera ere zalantzan jartzen duela erabakiak.
Pradalesek 2025ean Estatutua betetzeko eskatu dio Sanchezi, eta ohartarazi du ez diotela "guztiari baietz esango"
"Dezibelioak igoko" ez dituztela eta "haserrearen espirala" elikatuko ez dutela adierazi ostean, lehendakariak zehaztu du urtarrilean Sanchezen Gobernuaren "benetako konpromiso politikoa" neurtuko dutela eta "aldebiko ebaluazioaren" unea iritsiko dela. "Gernikako Estatutua bere osotasunean betetzea ez da kapritxo bat. Betebehar bat da", gaineratu du Imanol Pradalesek.