Espainiako militar ohi talde batek egindako mehatxuak ikertzeko eskatu du Defentsak
Espainiako Armadako hainbat militar ohik WhatsApp talde batean egindako mehatxuak ikertu ditzala eskatu dio gaur Margarita Robles Espainiako Gobernuko Defentsa ministroak Fiskaltzari.
Ikerketa abiatzeko komunikabide batean argitaratutako albistea nahikoa ez dela eta informazio gehiago behar duela erantzun dio Fiskaltzak ordu batzuk geroago.
Infolibre agerkari digitalak zabaldu duenez, erretiratuta dauden 39 militarrek gutuna bidali zioten Felipe VI erregeari, "egungo filoetarren eta independentisten babesa duen Gobernu sozialista eta komunistarekin Espainiaren batasuna arriskuan" dagoela ohartaraziz.
Gainera, militar horiek konpartitzen dute WhatsApp-eko taldean 26 milioi herritar fusilatzeko prest egongo liratekeela idatzi dute.
Aipatu komunikabidearen arabera, Franciso Beca jeneral ohiak Franco goraipatu zuen eta 26 milioi "putaseme" fusilatuta nahikoa izango ez litzatekeela esan zuen.
Andres Gonzalez Espinar koronel ohiak, berriz, ondokoa idatzi zuen Kataluniako Asanblada Nazionalari aipu eginez: "Zelako pena aktibo ez egotea Bardeetako hegaldi bat desbideratu eta putaseme horien egoitza bonbardatzeko".
Robles ministroak esan du horrelako adierazpenak "onartezinak" eta "lotsagarriak" direla, eta orain Fiskaltzari dagokiola deliturik egin ote duten argitzea.
"Nik, ministro moduan, eta Espainiako Gobernuak ez dugu onartuko pertsona batzuen jarreragatik Espainiako Armada zalantzan jartzea. Lotsagarri da", berretsi du.
Zure interesekoa izan daiteke
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.