Juan Carlos I.ak 678.000 euroko zorra kitatu du Ogasunarekin
Juan Carlos I.a Espainiako errege emerituak borondatezko aitorpena aurkeztu du eta 678.000 euroko zorra kitatu du Ogasunarekin, 2016 eta 2018 artean "black" txartelekin gastatutako diruari dagokiona, hain zuzen ere.
Ustez, Espainiako errege emerituak eta haren senideek gastatu zuten diruari dagokion zorra da. "Black" txartel horiek Allen Sangines-Krause Mexikoko enpresaburuaren funts opakuak erabiltzen zituzten.
Zergadunek edozein unetan aurkez dezakete borondatezko aitorpena, beti ere, Ogasunak ikuskapen bat ireki aurretik edo epaile batek ustezko zerga iruzurragatik edo kapitalak zuritzeagatik ikertu gisa deklaratzera deitu aurretik.
Iragan hilabetean Auzitegi Goreneko Fiskaltzak ikerketa abiatu zuen Juan Carlos I.aren aurka, "black" txartelen auziagatik. Gainera, haren aurkako beste bi ikerketa ere zabalik daude, Suitzan duen kontu korronte batengatik eta Mekarako abiadura handiko trenaren lanengatik.
Juan Carlos I.a Arabiar Emirerri Batuetan bizi da iragan abuztuaren 3tik.
Dena dela, Juan Carlos I.a Fiskaltzaren esanetara dagoela adierazi du haren abokatuak, hedabideetara zabaldutako ohar batean.
Erreakzioak
Albistea ezagutu berritan, Pedro Sanchez Espainiako gobernuburuak gardentasuna eta ikerketa "azken bururaino" eramatea defendatu ditu, baina Felipe VI.aren aitaren zergadun eskubideekiko "errespetua" ere azaldu du.
Carmen Calvo Gobernuko lehen presidenteordeak ere hizpide izan du albistea. Calvoren ustez, "ekintza pertsonala izan da. Ez dago gehiago esaterik".
Oso bestelakoa izan da Pablo Echenique Unidas Podemosen Kongresuko bozeramaileak emandako iritzia. Nabarmendu duenez, Juan Carlos I.ak ordaindutakoa gutxieneko soldataren 51 urte dira eta gertatutakoa "nazioarteko lotsagarrikeria" dela erantsi du.
"678.000 euroko iruzurra egin dio Ogasunari. 51 urteko gutxieneko soldataren baliokidea. Egindako iruzurretako bat. Corinaren 65 milioiengatik ez du ezertxo ere ordaindu, adibidez. Eta edukiko dituenak eta ez dakizkigunak. A ze nazioarteko lotsagarrikeria", bota du Echeniquek Twitterren duen kontuan.
Zure interesekoa izan daiteke
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak, legegintzaldia ekainean amaitzea aurreikusita baitzegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da Lehendakaria ULMA enpresara egin duen bisitan. Datozen asteak eta hilabeteak ez direla errazak izango onartu badu ere, nabarmendu du Europako berrindustrializazioari ekarpen handia egiteko ahalmena dutela euskal enpresek.
PPk zer egingo duen jakitearen zain, Gobernua Juntsen menpe egongo da Irango gerraren harira proposatutako beherapen fiskalen dekretua aurrera ateratzeko
Podemosek nabarmendu du ez duela neurri sorta berriaren aurka egingo, baina uste du ezin duela aldeko botorik eman, "zergen beherapenak ez direlako prezioen igoerari aurre egiteko bidea". Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.
'Anboto' ETAko buruzagi ohiari erdi-askatasuna eman izana salatu du Covitek, kartzelan "denbora gutxi" eman duelakoan
Erakunde terrorista "sostengatu eta legitimatu zuen sare politiko eta sozialetik banaezina" izaten jarraitzen duela ohartarazi du terrorismoaren biktimen kolektiboak.
"Biktimak birbiktimizatzea" saihesteko eskatu dio Chivitek Korrikaren antolatzaileei
Covitek salatu zuenez, lekukoa zeraman ume batek Patxi Ruizen omenezko elastikoa zuen jantzita, Tomas Caballeroren hilketagatik zigortutako etakidea.
Poliziaren torturaren zazpi biktimak ekimen judizial bateratu bat abiatu dute, Espainiako Justiziari eskatzeko haien kasuak ikertu ditzala
Espainiako Estatua zazpi kasu horiek ez ikertzeagatik zigortu zuen Estrasburgoko Giza Eskubideen Europako Auzitegiak. Horietako bat Martxelo Otamendi da, Egunkariaren auzian atxilotu zuten, eta torturak salatu zituen kazetariak.
Alkatetzak argituta, Euskal Hirigune Elkargorako lehia irekitzen da orain
Apirilean erabakiko da zein izango den Ipar Euskal Herriko erakunde administratiboaren lehendakari berria. Jean Rene Etchegaray Baionako alkatea izan da 2017tik karguan, baina Iriart zein Etxeleku ere hautagai izan daitezke.
Baionako auzapez izaten jarraituko du Etchegarayk, Blanco estreinatuko da Biarritzen, Etxeleku Kanbon, eta EH Baik babesten duen Horn, Bokalen
Orain arteko auzapezek errepikatuko dute Hendaian, Donibane Lohizunen, Azkainen, Maulen eta Beskoitzen. EH Baik Urruña galdu du.
Chivitek, UPNk eta PPk gogor gaitzetsi dute Korrikan ETAren aldeko ikurrak atera izana
Korrika Txantreatik (Iruñea) igaro denean, lekukoa zeramaten bi lagunek ETAko bi presoren argazkiak erakutsi dituzte, eta horrek UPN, PP eta Maria Chivite Nafarroako presidentea haserretzea eragin du.