Presoak gertura ditzala eskatuko dio Nafarroako Parlamentuak Espainiako Gobernuari
Ostegun honetan onartu duen mozioaren bidez, presoak gerturatzeko eskatuko dio Nafarroako Parlamentuak Espainiako Gobernuari. Navarra Suma koalizioaren ezezko botoa soilik jaso du proposamenak.
Ekimenaren alde, Geroa Bai koalizioko Jabi Arakamak azpimarratu du gaur onartutako mozioa ez dagoela ETAko presoei bakarrik zuzendua, "espetxeratu guztiei baizik, egindako delitua gorabehera". "Posible da haien etxeetatik gertu dauden kartzeletara lekualdatzea, sakabanaketa arriskutsua baita senitartekoentzat, bereziki pandemia garaiotan", esan du.
Ildo horretan, biktima guztientzat "egia, justizia eta ordaina" eskatu du.
PSNko bozeramaile Inmaculada Juriok, aitzitik, ETAko presoetan jarri du arreta. "Argi hitz egingo dugu. ETAko presoei buruz ari gara. Nire alderdiak legea betetzea nahi du. Garai batean, salbuespeneko neurri gisa, presoak urruntzea babestu genuen, ETA existitzen zelako, baina 2018az geroztik ez du zentzurik, dagoeneko ez baita herritarrentzako arazo bat", azaldu du.
Horregatik, birgizarteratze printzipioa defendatu du, baina ETAko presoen kasuan "ñabardura batekin": "Egindako mina aitortzea". "Presoak gerturatuta ez gara legea urratzen ari, horrek ez baitakar espetxeratuen zigorgabetasuna", adierazi du.
EH Bilduko Bakartxo Ruizek nabarmendu du sakabanaketa politika ez zela inoiz existitu behar, eta horrekin amaitzeko ordua dela: "Ez da zentzuzkoa mendekua luzatzea, elkarbizitzan aurrerapausoak emateko garaia da".
Podemoseko Ainhoa Aznarezek, bestalde, azpimarratu du biktima guztien eskubide direla egia, justizia eta ordaina. Halaber, memoria kritikoaren alde eta salbuespenezko espetxe politikaren kontra agertu da.
I-E alderdiko Marisa de Simonek ere horren aldeko apustua egin du, alegia, presoen birgizarteratzeaz mintzatu da, bestak beste, "zigor bati beste zigor bat gehitzea" zentzugabea dela iritzita. "Haien senitartekoek bidaia hain luzeak egin behar ez izateak ez du ETAren indarkeria babestearekin zerikusirik", erantsi du.
Azkenik, mozioaren aurka, Navarra Sumako Javier Esparza "atsekabetuta" azaldu da PSNren jokabidearekin. Sozialistei aurpegiratu die ETAko presoei "ongietorriak" egiten dizkieten alderdiekin itunak adostea, agintean egotearen truke.
Albiste gehiago politika
Gorenak Cerdan inputatu du eta ekainaren 30erako deitu du bere deklarazioa
Epaileak bost enpresaburu ere deitu ditu deklaratzera ikertu gisa. Esleipenen truke ustez legez kanpoko eskupekoak ordaindu zituzten enpresen administratzaileak dira.
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.