Txertaketa irregularren gaia itxitzat eman dute EAJk eta PSEk
Eusko Jaurlaritzako bi gobernu-bazkideek, EAJk eta PSEk, itxitzat eman dute txertaketa irregularren inguruko eztabaida. Basurtu eta Santa Marina erietxetako bi goi-kargudunek ez zegokienean txertoa hartu zutela zabaldu zenean lehertu zen gaia, eta Gotzone Sagardui Osasun sailburuak azalpenak eman behar izan ditu, asteon, Eusko Legebiltzarrean, ikerketaren nondik norakoak jakinarazteko.
Radio Euskadiko Parlamento en las Ondas saioan, jeltzaleek eta sozialistek bereari eutsi diote, eta Sagarduik emandako azalpenak zuzenak eta argiak izan zirela iritzi ziote.
Luis Javier Telleria EAJren legebiltzarkideak uste du, txertaketa prozesua "oso konplexua" dela eta "arazoren bat" egon bada ere, sailburuaren erantzuna "irmoa" izan dela "beti". Txertaketen koordinazioan egon diren "hainbat akats" onartu egin dituela nabarmendu du, eta gezurretan ez dela ibili.
Telleriaren ahotan, “hanka-sartze baten aurrean, megahertzak igotzea erabaki du oposizioak”, Sagarduik “gezurrik esan ez duenean”. Gainera, Elkarrekin Podemosek ikerketa batzorde bat eskatu izana deitoratu, sailburua “dagoeneko epaitu dutenean”.
Sagarduik bere azalpenekin “ez zuen inor konbentzitu”, adierazi du Iker Casanova EH Bilduko legebiltzarkideak. Egoera “erabat jasangaitza” da, erantsi duenez. “Legebiltzarrari eta gizarteari gezurra esateagatik dimisioa eman behar du, jakinaren gainean ez zegoela esateagatik, irregulartasunen berri zuela bistan geratu denean”, zehaztu du.
Bestalde, Gloria Sanchez ordezkari sozialistak onartu duenez, txertaketa irregularrak “gaitzesgarriak” dira, eta “ez dute inolako aitzakiarik”. Hala ere, gertakarien berri izan bezain pronto, “Osasun Sailak erdizka ibili gabe erantzun zuen, kargudunak dimisioa ematera behartu edo zuzenean kargutik kendu zituelako”. Sanchezen hitzetan, “ñabardura garrantzitsua” da, beste toki batzuetan “arduradun politikoek txertoa hartu eta karguan jarraitzen dutelako”.
Jon Hernandez Elkarrekin Podemos-IUko legebiltzarkideak ziurtatu duenez, gertatutakoak eta Sagarduik ondoren emaniko azalpenek ez lukete soilik dimisioa ekarri behar, “argitu gabe dauden gauza asko argitzea” baizik, eta gainera, “erantzuteko galdera asko” daude orandik. “Garbiena Legebiltzarrak ikerketa batzorde bat martxan jartzea litzateke, xehetasun, bertsio eta gertatutakoa zehatz ezagutzeko”, eskatu du.
Azkenik, Laura Garrido PP+Cseko legebiltzarkideak uste du Osasun sailburuak “mailarik” ez duela eman. Gertatutakoa “ez da deskoordinazio oker xume bat izan”, gaineratu duenez. “Txertaketa prozesua inguratzen duen guztia, kudeaketa, kaskarra izan da”, esan du. Aldi berean, koalizioak Sagarduiren dimisioa gogorarazi du Garridok.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.