Fiskaltzak Dibisio Urdinari Madrilen egindako omenaldia ikertuko du
Fiskaltzak ikerketa bat abiatu du, joan den larunbatean Dibisio Urdinari Madrilen egindako omenaldian juduen aurkako irainik izan zen eta, ondorioz, gorroto deliturik egin zen argitzeko.
Falangistek eta neonaziek antolatutako ekitaldiaren irudiak sare sozialetan zabaldu dira eta haserrea eta hainbat kritika eragin ditu.
Madrilgo erkidegoko Gobernuak eta Judu Herriaren Espainiako Federazioak eskatu zioten Fiskaltzari omenaldi hartan komunitate juduaren aurka egin ziren adierazpenak eta irainak ikertzeko.
Dibisio Urdina espainiar boluntarioz osatutako talde militarra izan zen eta Bigarren Mundu Gerran Sobiet Batasunaren aurka borrokatu ziren, Hitlerren agindupean. 78 urte bete dira harrezkero eta guduan hil ziren Dibisio Urdineko kideei omenaldia egin zieten larunbatean La Almudenako hilerrian.
Aurrez, manifestazioa eta elkarretaratzea egin zituzten. Ez zen istilurik izan, baina omenaldian agur naziak eta lelo faxistak egin zituzten.
Halaber, ekitaldian hainbat lagunek hartu zuten hitza, tartean neska gazte batek, eta, besteak beste, ondokoa esan zuen: "Gure betebeharra da Espainiaren eta Europaren alde borroka egitea. Espainia eta Europa orain ahul eta likidatuta daude, eta, maskara ezberdina janzten badu ere, etsaia beti da bera: juduak".
"Juduak dira errudunak. Komunismoa juduen asmakizuna da, eta Dibisio Urdinak Europa komunismotik askatzeko egin zuen borroka", erantsi zuen.
2007tik, urtero biltzen dira neonaziak Dibisio Urdina omentzeko. Hainbat elkartek eta eragilek ekitaldiak galarazteko eskatu zuten, baina Espainiako Gobernuaren ordezkaritzak baimena eman zien, 200 pertsona baino gehiago bilduko ez zirela argudiatuta.
Zure interesekoa izan daiteke
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka komandoaren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.
GOIDIaren kudeaketan erantzukizunik ez hartzea egotzi dio Feijook Espainiako Gobernuari: "Larrialdi nazionala ezarri behar zuen"
PPren presidenteak Kongresuko ikerketa batzordearen aurrean nabarmendu duenez, administrazio bakar batek ere ez zuen egin behar beste egin goialdeko depresioaren ondoren. Halaber, Jucarreko Konfederazio Hidrografikoa (CHJ) jo du tragediaren "arduradun nagusi" gisa.
Ezkortasuna alboratu eta Europan lidergo berri bat eraikitzeko deia egin du Arancha Gonzalez Layak
Arancha Gonzalez Laya Espainiako Gobernuko Kanpo Arazoetako, Europar Batasuneko eta Lankidetzako ministro ohiak Europan araudi juridiko bateratuak sortzeko eta "zatiketak" saihesteko deia egin du. Gonzalez Laya hizlari gonbidatua izan da Zedarriak Foroaren urteroko gosari-solasaldian.
Alfredo de Miguel Arabako EAJren buruzagi ohiak hirugarren gradua lortu du
Euskadin izandako ustelkeria sare handienaren buruak hirugarren gradua lortu du, bi urte eta erdi espetxean eman ostean (12 urteko kartzela-zigorra ezarri zioten). Baimen horri esker, astelehenetik ostegunera espetxetik aterako da lan egiteko, eta bertara itzuliko da lo egitera.