Podemosen eta PSEren egoitzetan pintaketak egin dituzte Pablo Haselen alde
Podemosen eta PSE-EEren hainbat egoitzetan Pablo Haselen askatasunaren aldeko pintaketak egin dituzte. Rap-kantaria asteartean espetxeratu zuten, bere abestiekin eta sare sozialetan idatzitako mezuen bidez terrorismoa goratzea eta Espainiako erregea iraintzea leporatuta. Bederatzi hilabeteko kartzela-zigorra bete beharko du.
Podemosek Durangon duen egoitzan egindako pintaketak – "Pablo Hasel askastu" idatzi dute- salatu ditu eta erasoaren arrazoia zein den ulertzen ez duela erantsi du, abeslariaren kartzelaratzearen aurka dagoela publikoki adierazi baitu.
"Bat gatoz mezuarekin, baina ez moduarekin. Pablo Haselen askatasuna aldarrikatzen dugu. Gure alderdiak indultu-eskaera bat erregistratu du", azaldu du talde moreak sare sozialen bidez.
PSE-EEk ere salatu du Durangon, Barakaldon eta Gurutzetan dituen egoitzetan pintaketak egin dituztela. "PSE errudun" eta "Pablo Hasel askatu" bezalako leloak idatzi dituzte.
Idoia Mendia PSE-EEko idazkari nagusiak adierazi du ulertzen duela "rap-kantariaren espetxeratzea ulertezina" izatea herritar askorentzat, baina erantsi du horrek ez duela "bandalismoa justifikatzen" eta horrelako pintaketak iraganera garamatzala. Halaber, PSOE Zigor Kodea erreformatzeko lanean ari dela gogoratu du.
Bizkaiko Alderdi Sozialistak nabarmendu du adierazpen askatasuna ez daitekeela pintaketak eginez defendatu. "Eskubideak ezin dira indarkeriaz, mehatxuz edo kalte materialak eraginez babestu. Hori ez da bidea", azaldu dute.
Bestalde, Iñigo Urkullu lehendakariak ere gaitzetsi ditu bi alderdi horien egoitzetan egindako pintaketak. "Askatasunaren eta demokraziaren aurkako erasoak" direla esan du Twitterren idatzitako mezu batean.
Albiste gehiago politika
Martinezek dio Eusko Jaurlaritza "erabat oker" dagoela Sumar langabeziaren transferentziaren oztopatzeaz seinalatzean
Radio Euskadin egindako elkarrizketa batean, Lander Martinez Sumarreko Bizkaiko legebiltzarkideak esan du bere alderdiak ez duela inoiz "blokeorik edo oztoporik planteatu" Gizarte Segurantzaren transferentzietan aurrera egiteko, eta EAJ eta PSE-EE "oker" daudela adierazi du. Hala, Eusko Jaurlaritza osatzen duten alderdiei eskatu die azal dezatela zergatik leporatzen dioten Sumarri Euskal Autonomia Erkidegoaren langabezia-prestazioen eskualdatzea geldiaraztea.
Montororen abokatu-bulegoak dirua desbideratzeko "sozietate sare" bat sortu ote zuen ikertzen ari da epailea
Mossoek 2019an egindako txosten baten arabera, Equipo Economicok 3,9 milioi euro fakturatu zizkion Abengoa taldeari, ia 300 000 euro Ferroviali, eta 1,8 milioi euro Madrid Networki. Gainera, politikari eta pertsona ezagunei buruzko (Rato, Pujol, Rafa Nadal, Esperanza Aguirre..) Zerga Agentziaren datu babestuak lortu omen zituen Montorok.
Albaresek "geroratze-taktikak" ikusten ditu EBn euskararen ofizialtasunari buruzko erabakia berriro atzeratzean
"Hori eragotz dezakeen argudio teknikorik ez dagoela jakinda, atzean arrazoi politikoak ez ote diren galdetzen hasi naiz, baina lehenago edo geroago, inolako zalantzarik gabe, gaindituko ditugu", adierazi du Atzerri ministroak Radio Euskadin egindako elkarrizketan.
Tortura delituaren definizioa nazioarteko estandarretara egokitzeko eskatu dio NBEko Giza Eskubideen Batzordeak Espainiako Estatuari
Alde horretatik, Batzordeak mekanismo independente bat eratzea eskatu du, segurtasun-indarren tortura- eta tratu txar-salaketa guztiak ikertzeko, eta deitoratu du delitu horrek 15 urterekin preskribatzea.
Busturialdea-Urdaibai eskualdeak 303,4 milioi euroko inbertsioa jasoko du
Eskualdeko ekonomia-, gizarte- eta hiri-garapena sustatzen duten hainbat proiektu garatuko dira. Autzagane-Muxika errepidea hobetzea eta Bermeoren eta Muxikaren arteko bidegorri-sarea handitzea dira horietako batzuk.
Ibone Bengoetxea: "Europa ezin da eraiki bere aniztasuna ukatuz"
Ibone Bengoetxea lehendakariorde eta Kultura eta Hizkuntza Politikako sailburuak azpimarratu du euskara hizkuntza bizia dela, euskal herritarrena eta Europako ondarearen zati bat, eta gogorarazi du Europa ezin dela eraiki bere aniztasuna ukatuz. Hala, berretsi du Europan euskararen ofizialtasuna lortzeko Jaurlaritzak esparru guztietan lan egiten jarraitzeko borondate irmoa duela, eta inplikatutako erakunde guztien ahalegin diplomatikoa eskertu du.
Europar Batasuneko herrialdeek katalanaren, euskararen eta galizieraren ofizialtasunari buruzko bozketa atzeratu dute
Hainbat herrialdek adierazi dutenez, "oraindik ez da une egokia" hizkuntzen ofizialtasuna onartzeko, eta alderdi politiko, ekonomiko eta juridikoei buruzko zehaztasun gehiago eskatu dute.
Burgos-Gasteiz abiadura handiko trenaren aurreneko zatiaren eraikuntza esleitu dute
Azpiegitura horrek abiadura handiko sarearekin eta Atlantikoko korridorearekin lotuko du Euskal Autonomia Erkidegoa (EAE). Halaber, Arkauteko lotunea eraikitzeko proiektuaren idazketa esleitu da ere bai.
Ultraeskuinaren gorakadak eskatzen du “erreakzio nazional handi bat” eta agenda kontrajarria mahai gainean jartzea, Otxandianoren arabera
Pello Otxandiano EH Bilduko Legebiltzarreko bozeramailearen iritziz, ultraeskuina borroka kulturala irabazten ari da eta horren aurrean "erreakzionatu" egin behar da, eta "agenda erreakzionario" horri agenda "demokratizatzailea, ezkerrekoa" kontrajarri.
Cristobal Montoro inputatuta dagoen ustelkeria sarearen gakoak: komisioak gas-enpresei laguntzeko legeen truke
Orduko Ogasun ministroak sortutako abokatu bulegoak "influentzia sare" bat sortu zuen, ustez, dirua biltzeko, gutxienez bost konpainiaren interesen aldeko legeak egitearen truke.