Bigarren egunez, istiluak izan dira Pablo Haselen aldeko mobilizazioetan
Bigarren egunez jarraian, hainbat manifestazio izan dira Kataluniako hirietan Pablo Hasel rap-kantariaren espetxeratzea salatzeko, eta mobilizazioak manifestarien eta polizien arteko liskarrekin amaitu dira. Gutxienez 29 protestari atxilotu dituzte eta hainbat zauritu dira.
Abeslariaren askatasuna eskatzeko bilkurak Estatuko beste hainbat hiritan ere izan dira, Madrilen, besteak beste, eta han ere izanda dira istiluak eta atxiloketak. Madrilen erdigunean, gutxienez 19 protestari atxilotu eta 55 zauritu dira.
Hasel atzo sartu zuten Lleidako kartzelan. Espainiako Auzitegi Nazionalak bederatzi hilabeteko zigorra ezarri zion, bere abestien letrekin eta Twitter sare sozialean idatzitako zenbait mezurekin terrorismoa goratzea eta Espainiako erregeari irain egitea egotzita.
Bartzelonan, 2.000 pertsona baino gehiago atera dira kalera, musikaria aske uztea eskatzeko. Manifestazioa Gracia Lorategian abiatu da, eta Katalunia plaza igarota Urquinaona plazara iritsi direnean, lehendabiziko barrikadak jarri dituzte errepidean.
Mossoek foam balak jaurtita erantzun dute, eta manifestariek harriak bota dizkiete.
(Lleidan egin duten manifestazioa. Argazkia: EFE)
Martxa Lleidako espetxeraino
Lleidan ere, mobilizazio jendetsua egin dute. Mila lagunetik gora manifestazioan joan dira Pablo Hasel dagoen kartzela atariraino, eta han hasi dira liskarrak.
Gironan, Urriaren 1a plazan egin dute bilkura, eta adierazpen bat irakurri ostean, Espainiako Gobernuaren Ordezkaritzaren egoitzara joan dira. Eraikina Polizia Nazionalak eta Esquadra Mossoek inguratuta zegoen.
Manifestariak abiapuntura itzuli dira, eta orduan hasi dira liskarrak, poliziei hainbat objektu jaurtiz. Zakarrontziei su eman diete eta barrikadak jarri dituzte errepidean.
Tarragonan, manifestariak A-7 autobidera joaten saiatu dira, baina Poliziak bidea moztu die eta ez da istilurik izan.
Madrilen, Puerta del Sol plazan, mobilizazio jendetsua egin dute eta liskarrak izan dira. Polizia oldartu egin zaie eta manifestariek harriak eta bestelako objektuak bota dituzte agenteen aurka. Gutxienez 19 protestari atxilotu dituztela eta 55 pertsona zauritu direla jakinarazi dute.
Granadan ere egin dute Hasel askatzea eskatzeko manifestazioa. 200 bat pertsona elkartu dira eta hainbat kontainer erre dituzte.
Gazte batek begia galdu du
Atzoko istiluetan, 18 pertsona atxilotu zituzten eta 50 zauritutik gora izan ziren Katalunian. Generalitateko Osasun Kontseilaritzak gaur baieztatu duenez, emakume gazte batek begi bat galdu du.
Iridia giza eskubideen aldeko elkarteak salatu duenez, Mossoek jaurtitako foam bala batek jota galdu du begia.
BIDEOA | Pablo Haselen askatasunaren alde Madrilen egindako mobilizazioa
Zure interesekoa izan daiteke
Lehen sektoreari eta Arabako Errioxari babesa agertu diete alderdiek
EH Bilduk sektorearen eta erakundeen artean "partekatutako" estrategia baten alde egin du. PSE-EEren aburuz, "Arabako Errioxa klima aldaketaren aurrean babesteko fronte bat" eratu behar da. PPk uste du landa eremua "abandonatuta" dagoela, eta egoera aldatzeko ekimenak agindu ditu.
Faxismoaren aurkako manifestazio jendetsua Donostian
Ernaik milaka lagun bildu ditu Gipuzkoako hiriburuan 'Euskal Herria irabaztera' lelopean
Rego ministroak erantzukizuna eskatu die autonomia erkidegoei adingabe migratzaileak Ceutatik penintsulara eramateko
Gazteria eta Haurtzaro ministroak azaldu duenez, 2.100 haur migratzaile daude hirian. Asko "oso egoera gogorretatik" ihesean iritsi dira bertara, besteak beste, "sexu-indarkeriatik edo derrigorrezko ezkontzetatik".
Manifestazioa Itsasun, Iparretarrak taldeko kide baten omenezko murala ezabatzeko aginduaren kontra
Frantziako Gobernuko ordezkariak Iparretarrak talde armatuko kide ohi baten murala ezabatzeko agindua eman ostean, gaur Itsasun, Lapurdin, ehunka lagun kalera atera dira erabaki hori gogor kritikatzeko. Ez dago argi Udalak noiz ezabatuko duen Txomin Olhagaray Iparretarrak taldeko kidea irudikatzen duen margoa. Manifestariek adierazi dute artelan bat baino ez dela eta noizbait liburuak ere erreko ote dituzten galdetu dute.
Irene Monterok primario ireki batzuetara aurkeztuko du bere burua Podemosen hautagaia izateko hauteskunde orokorretan
Ministro ohiak ezker alternatiboa gidatu nahi du, Sumar, IU, Mas Madrid eta Comunsek osatutako koalizioak oraindik hautagairik ez duen testuinguruan.
Javier de Andres Euskadiko PPko presidenteak Eusko Jaurlaritzaren espetxe politika kritikatu du
Euskadiko PPko presidente Javier de Andresek Alderdi Popularreko Belaunaldi Berriek antolatutako jardunaldi baten amaieran parte hartu du larunbat honetan, Bilbon. Bertan, Eusko Jaurlaritzaren espetxe politika kritikatu du, eta Henri Parot ETAko buruzagi ohiari hirugarren gradua eman izana aurpegiratu dio.
Eneko Andueza, PSE-EE: "Goazen lehentasun sozialetara"
Euskadiko sozialisten burua Abantoko Burdin Jaian egon da, eta adierazpenak egin ditu bertan bildutako kazetarien aurrean. Lehentasun identitarioen gainetik, bere alderdiak lehentasun sozialak lehenetsiko dituela azaldu du.
Tropa frankistek Errenteria okupatu zutela 90 urte bete direla eta, ekitaldia egin du Udalak
1936ko irailaren 13an sartu ziren indarrez Beorlegi koronelaren tropak. Gertakariok eta ondoren jazotako sarraskia gogoan, lore eskaintza eta minutu bateko isilunea egin dute gaur, Udalak antolatuta.
Richar Vaquero: "Ezkerraren batasunaren alde lan egiten jarraituko dugu"
Richar Vaquero Podemos Euskadiko koordinatzaile nagusiak larunbat honetan abiatu du alderdiaren Herritarren Kontseilu Autonomikoaren urte politiko berria. Lehenengo bileran adierazi duenez, Podemosek "euskal errealitatea batu, ilusioa piztu eta eraldatzeko gai izango den blokea eraiki" nahi du.
Donostiako EAJk etxebizitza eskaintza areagotzea eta turismo eredu "ordenatu eta jasangarria" sustatzea jarri du jomugan
Martxotik uztailera bitartean, elkarrizketa eta gogoeta saioa egin dute jeltzaleek 500 gizarte eragilerekin, eta 200 ekarpenetik gora jaso dituzte, 11 erronka sektorialetan bilduta. Jon Insausti alkateak ekimenaren garrantzia azpimarratu du: "Entzutea ez da jendeak zer pentsatzen duen galdetzea. Entzutea da prest egotea beste begirada batzuk onartzeko".