Gutxienez 15 atxilotu eta 33 zauritu Katalunian, Pablo Haselen aldeko mobilizazioetan
Pablo Hasel abeslariari babesa eta elkartasuna adierazteko mobilizazioak izan dira bart Kataluniako hainbat hiritan, eta manifestarien eta polizien arteko istiluekin amaitu dira. Gutxienez 15 pertsona atxilotu dituzte. Halaber, 33 pertsona zauritu dira eta horietako zortzi ospitalera eraman dituzte. Manifestari batek foam pilotakada bat jaso du begian eta lesio larria eragin dio.
Larrialdi zerbitzuek asteazken honetan egindako balantzearen arabera, Bartzelonan 11 pertsona artatu dituzte eta lau lagun eraman dituzte ospitalera, Vicen (Bartzelona) 15 lagun artatu dituzte, Lleidan beste bost eta hiru ospitaleratu dituzte, Gironan pertsona bat artatu dute eta Reusen (Tarragona), azkenik, ospitaleratu behar izan duten beste pertsona bat artatu dute.
Rap-kantaria Lleidako Unibertsitatean atxilotu zuten, bere abestiengatik eta sare sozialetan publikatutako mezuengatik bederatzi hilabeteko kartzela-zigorra betetzeko.
Esquadra Mossoen arabera, zortzi pertsona atxilotu dituzte Lleidan, hiru Bartzelonan eta lau Vicen (bat Udaltzaingoak). Gironan ere izan dira istiluak manifestazioaren ostean.
"Erresistentzia!", "Pablo, laguna, zure ondoan gaude" eta "Pablo Hasel aske!" izan ziren astearteko manifestazioetan gehien erabilitako leloak, rap-kantaria atxilotu izana salatzeko.
Lleidan, 2.000 lagun inguru bildu ziren. Manifestazioa Katedraleko plazatik abiatu zen, manifestu bat irakurri ostean.
Gironan, Urriaren 1eko plazan, 5.000 pertsona elkartu ziren, eta Bartzelonan, 1.700; Dolors Sabater CUPeko presidentegaia eta Jordi Cuixart Omnium Culturaleko burua, besteak beste.
Bartzelonan, manifestazioa Espainiako Poliziaren egoitza nagusiaren parera iritsi zenean hasi ziren liskarrak. Esquadra Mossoek foam balak jaurti zituzten manifestarien aurka, eta manifestariek harriak eta botilak bota zizkieten eta suzko barrikadak jarri zituzten, edukiontziak kale erdian zeharkatu eta su emanda.
Vicen, hainbat manifestarik harriak jaurti zituzten epaitegiaren eta eraikina zaintzen ari ziren agenteen aurka. Ondoren, kalteak eragin zituzten Mossoen polizia-etxean ere.
Valentzian, 500 bat lagun elkartu ziren, eta manifestazioa inolako istilurik gabe amaitu zen. Alabaina, ondoren, hainbat lagunek edukiontziak jarri zituzten errepide erdian eta poliziak aurre egin zien.
BIDEOA | Pablo Hasel Lleidako Unibertsitatean atxilotu duten unea
BIDEOA | Kongresuko alderdi independentistak, Pablo Haselen askatasunaren alde
BIDEOA | CUP alderdiko diputatu batek Pablo Haselen abesti bat jarri du Kongresuan
Zure interesekoa izan daiteke
Lehen sektoreari eta Arabako Errioxari babesa agertu diete alderdiek
EH Bilduk sektorearen eta erakundeen artean "partekatutako" estrategia baten alde egin du. PSE-EEren aburuz, "Arabako Errioxa klima aldaketaren aurrean babesteko fronte bat" eratu behar da. PPk uste du landa eremua "abandonatuta" dagoela, eta egoera aldatzeko ekimenak agindu ditu.
Faxismoaren aurkako manifestazio jendetsua Donostian
Ernaik milaka lagun bildu ditu Gipuzkoako hiriburuan 'Euskal Herria irabaztera' lelopean
Rego ministroak erantzukizuna eskatu die autonomia erkidegoei adingabe migratzaileak Ceutatik penintsulara eramateko
Gazteria eta Haurtzaro ministroak azaldu duenez, 2.100 haur migratzaile daude hirian. Asko "oso egoera gogorretatik" ihesean iritsi dira bertara, besteak beste, "sexu-indarkeriatik edo derrigorrezko ezkontzetatik".
Manifestazioa Itsasun, Iparretarrak taldeko kide baten omenezko murala ezabatzeko aginduaren kontra
Frantziako Gobernuko ordezkariak Iparretarrak talde armatuko kide ohi baten murala ezabatzeko agindua eman ostean, gaur Itsasun, Lapurdin, ehunka lagun kalera atera dira erabaki hori gogor kritikatzeko. Ez dago argi Udalak noiz ezabatuko duen Txomin Olhagaray Iparretarrak taldeko kidea irudikatzen duen margoa. Manifestariek adierazi dute artelan bat baino ez dela eta noizbait liburuak ere erreko ote dituzten galdetu dute.
Irene Monterok primario ireki batzuetara aurkeztuko du bere burua Podemosen hautagaia izateko hauteskunde orokorretan
Ministro ohiak ezker alternatiboa gidatu nahi du, Sumar, IU, Mas Madrid eta Comunsek osatutako koalizioak oraindik hautagairik ez duen testuinguruan.
Javier de Andres Euskadiko PPko presidenteak Eusko Jaurlaritzaren espetxe politika kritikatu du
Euskadiko PPko presidente Javier de Andresek Alderdi Popularreko Belaunaldi Berriek antolatutako jardunaldi baten amaieran parte hartu du larunbat honetan, Bilbon. Bertan, Eusko Jaurlaritzaren espetxe politika kritikatu du, eta Henri Parot ETAko buruzagi ohiari hirugarren gradua eman izana aurpegiratu dio.
Eneko Andueza, PSE-EE: "Goazen lehentasun sozialetara"
Euskadiko sozialisten burua Abantoko Burdin Jaian egon da, eta adierazpenak egin ditu bertan bildutako kazetarien aurrean. Lehentasun identitarioen gainetik, bere alderdiak lehentasun sozialak lehenetsiko dituela azaldu du.
Tropa frankistek Errenteria okupatu zutela 90 urte bete direla eta, ekitaldia egin du Udalak
1936ko irailaren 13an sartu ziren indarrez Beorlegi koronelaren tropak. Gertakariok eta ondoren jazotako sarraskia gogoan, lore eskaintza eta minutu bateko isilunea egin dute gaur, Udalak antolatuta.
Richar Vaquero: "Ezkerraren batasunaren alde lan egiten jarraituko dugu"
Richar Vaquero Podemos Euskadiko koordinatzaile nagusiak larunbat honetan abiatu du alderdiaren Herritarren Kontseilu Autonomikoaren urte politiko berria. Lehenengo bileran adierazi duenez, Podemosek "euskal errealitatea batu, ilusioa piztu eta eraldatzeko gai izango den blokea eraiki" nahi du.
Donostiako EAJk etxebizitza eskaintza areagotzea eta turismo eredu "ordenatu eta jasangarria" sustatzea jarri du jomugan
Martxotik uztailera bitartean, elkarrizketa eta gogoeta saioa egin dute jeltzaleek 500 gizarte eragilerekin, eta 200 ekarpenetik gora jaso dituzte, 11 erronka sektorialetan bilduta. Jon Insausti alkateak ekimenaren garrantzia azpimarratu du: "Entzutea ez da jendeak zer pentsatzen duen galdetzea. Entzutea da prest egotea beste begirada batzuk onartzeko".