Ehunka pertsonak Pablo Hasel askatzeko eskatu dute Bilboko kaleetan
Ehunka pertsonak espetxean dagoen Pablo Hasel raperoa askatzeko eskatu dute Bilboko manifestazio batean, Bilbo Antifaxistak sinatutako Pablo Hasel askatu! lelopean, protesta oihuen artean eta Ertzaintzaren zaintzapean. Martxa bukatuta, talde batek botilak eta objektuak jaurti ditu Ertzaintzaren furgoneten aurka.
12:00etan abiatu da manifestazioa Arriaga plazatik, Haselen zigorraren kontra protesta egiteko. Bederatzi hilabeteko kartzela zigorra, sei urteko inhabilitazioa eta ia 30.000 euroko zigorra ezarri diote rap kantariari, abestietan eta Twitterreko mezuetan terrorismoa goratzea eta Koroa iraintzea egotzita.
Maniestazioa Moyua plazara heldu denean, manifestari gehienak joan egin dira, eta talde batek botilak eta beste objektu batzuk bota dizkie bertan zeuden Ertzaintzaren furgonetei.
Gazte bat atxilotu du Ertzaintzak.
Atxiloketaren unea. Argazkia: EFE
Ondoren, Zazpikaleetan izan dira istiluak. Zenbaitzuek edukiontziak erre dituzte Unamuno plazan, eta Ertzaintza oldartu egin zaie.
Aburtok "erabateko mespretxua" adierazi du
Juan Mari Aburto alkateak manifestazioaren osteko istiluak deitoratu, eta honakoa esan du: "Sobera daude eta beti izango dira sobera indarkeriaren zentzugabekerian bere burua babesten dutenak".
Istiluei "erabateko mespretxua" diela esan du Aburtok. "Adierazpen askatasunari eta protestari eta aldarrikapen baketsuari baietz esaten diet, baina oso argi esaten diet ezetz besteak iraintzeari, samintzeari eta gogaitzeari. Zalantzarik gabeko ezetza indarkeriari; edukiontziak, hiriko altzariak edo ondasun partikularrak apurtzeari, erretzeari eta suntsitzeari, eta hedabideetako eta segurtasun indarretako profesionalak erasotzeari", gehitu du.
Aburtoren ustez, legitimitatea "elkarrizketaren bidez eta gizartea eraikitzeko eta hobetzeko lan eginez lortzen da", baina, bere ustez, "askatasuna bezalako eskubide baten alde protestatzeko indarkeria fisikoa edo hitzezkoa erabiltzean" galtzen da. "Noren askatasuna? Norbanakoarena? Edo guztien askatasuna nahi dugu?", galdetu du.
Edukiontzi bat erreta Unamuno plazan. EITB Mediaren bideo bateko irudia
Argazkilari bat kolpatu dute
Deia egunkariko argazkilari bat kolpatu dute manifestazioaren ostean izandako istiluetan, hedabideak berak zabaldu duenez.
Portuko markesaren kalean, txanodun jertse bat zeraman pertsona batek kolpe bat eman dio buruan argazkilariari, hitzik esan gabe, eta, ondoren, ihes egin du, baina ez dio zauri garrantzitsurik egin.
Zure interesekoa izan daiteke
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.