Milaka pertsonak Pablo Hasel rap-kantariaren askatasuna eskatu dute berriro
Pablo Hasel raperoaren askatasuna aldarrikatzeko protestak berriz errepikatu dira Euskal Herriko hainbat txokotan, hala nola Tolosan, Beasainen eta Lizarran, eta Espainia osoan, batez ere Katalunian. Manifestazio gehienetan ez da istilurik izan. Hala ere, Iruñean, Espainiako Poliziak manifestarien aurka kargatu du.
Espainiako Poliziak jakitera eman duenez, manifestari batzuk poliziak iraintzen hasi dira, eta objektuak jaurti dituzte. Ondoren Polizia manifestariei oldartu zaie. Zabor edukiontziren bati su eman diote manifestariek.
Espainiako Gobernuak Nafarroan duen Ordezkaritzak azaldu duenez, 800 pertsona inguruk hartu dute parte Iruñeko manifestazioan, Gazte Koordinadora Sozialistak deituta, "Pablo Hasel Askatu" lelopean. Kale Nagusia, Udaletxe plaza, Estafeta, Amaia, Orreaga eta Karlos III.a Noblearen etorbidetik ibilbidea egin du protestak, Sarasate pasealekuan bukatzeko.
Hain zuzen ere, Sarasate pasealekuan manifestari batzuk Poliziari botilak eta harriak botatzen hasi dira, eta orduan polizien oldarraldia hasi da.
Ondoren, manifestariak San Nikolas kaletik sartu dira San Frantzisko plazara arte. Zenbait edukiontzi gurutzatu dituzte bertan, eta su eman diete.
11 pertsona atxilotu dituzte liskarren bosgarren gauean, Katalunian. Madrilen, ostera, elkarretaratzea egin dute Callao plazan, eta ez da istilurik eta atxiloturik izan, Poliziako iturriek jakitera eman dutenez.
Cornella (CUP): "Borra kolpeek eta Estatu operazioek ez dute askatasun grina zapuztuko"
Bestalde, Dani Cornella CUPeko diputatu eta Celdrako (Girona) alkate ohiak Esquadra Mossoen eraso bat salatu du larunbat honetan. Gertakariak Gironako protestan jaso ziren ostiralean. "Borra kolpeek eta Estatu operazioek ez dute herri honen askatasun eta justizia sozial grina zapuztuko", ohartarazi du Cornellak.
Txio batean bideo bat partekatu du diputatuak. Horrela, ustezko erasoaren ondoren jasotako babesa eskertu nahi izan du CUPeko ordezkariak. Azkenik, "garai berriaren hasierarekin" konprometiturik jarraituko duela ziurtatu du Cornellak.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.