De los Toyos Jaurlaritzako sailburuorde izango da, Eibarko Alkatetza utzita
Eibarko alkate Miguel de los Toyosek dimisioa eman du eta Eusko Jaurlaritzako Lurralde Plangintzako sailburuorde izango da aurrerantzean. Jon Iraola zinegotzi sozialistaren esku utzi du kargua 2008tik alkate izan denak.
"Kasu honetan, ez nator proiektu baten berri ematera. 26 urtez Eibarko Udalean lanean egon ostean (13, alkate gisa), kargua uzteko erabakia hartu dut", esan du Twitter bidez.
"Ez da erabaki erraza izan, eibartarrekin neukan loturari amaiera eman diodalako. Dena den, oso harro nago Eibarko alkate izan naizelako", erantsi du txio horretan.
Gainera, azpimarratu du alkate gisa hartu dituen erabaki guztien helburua herritarrentzat "onena" lortzea izan dela.
"Etapa berri bati ekingo diot. Erronka berriak ditut orain, eta nire erantzukizunak aldatuko dira, baina Eibar beti egongo da nire lehentasunen artean. Eskerrik asko guztiagatik. Herriko kaleetan ikusiko dugu elkar", erantsi du, dimisioari buruzko azalpen gehiagorik eman gabe.
Arriolak proposatuta
De los Toyos Lurralde Plangintzako sailburuorde izendatu dute. Asteazken honetan bertan aurkeztu du dimisioa, Eusko Jaurlaritzan kargu hori hartzeko.
PSE-EEko iturriek jakitera eman dutenez, Iñaki Arriola Lurralde Plangintza, Etxebizitza eta Garraio sailburuak eskaini dio kargua.
"Planifikatuta zegoen", Mendiaren hitzetan
Idoia Mendia euskal sozialisten idazkari nagusiaren hitzetan, De los Toyosek Eibarko Alkatetza uztearena "planifikatuta" zuen Gipuzkoako PSE-EEk.
Onda Cero Euskadi irratian egin dioten elkarrizketa batean, Mendiak esan du De los Toyosek "legegintzaldi asko" zeramatzala Udalean, eta "aldaketa" behar zuela bizitzan "lan handia egin ondoren". De los Toyosen ordezkoa, Jon Iraola, "Gipuzkoako PSE-EEren apustu gaztea" da, Mendiaren hitzetan.
Zure interesekoa izan daiteke
Leire Diezek Cristina Narbonarekin hitz egin zuen Pedro Sanchez presidentearen aurkako erasoak "bideratzeko" asmoz
UCOk bien arteko elkarrizketa bat jaso du Leire kasuaren sumarioari erantsitako txosten batean.
EITBren euskarazko ikus-entzunezko edukiak ahalik eta gehien zabaltzea babestu du Eusko Legebiltzarrak
EAJren eta PSE-EEren zuzenketa bat da, EH Bilduk EITBk euskarazko audio eta azpitituluen edukia nazioarteko streaming plataformei doan lagatzeko egindako proposamen bat atzera bota ostean. Nazioarteko plataforma eta operadoreekiko harremana ere sustatuko da.
?fmt=webp-alpha&qlt=80)
Errenteria, Lezo eta Pasaiako alkateek portuaren eskumenak eskualdatzea eta gobernantza eredu berri bat eskatu dute
Pasaiako portuak "euskal ekonomian zeregin estrategikoa" duela nabarmendu dute, eta portuko eremuak "jarduera berritzaileak eta enplegu berriak sustatzen dituzten enpresen eskura egotea" eskatu dute.
PPk berriro jeltzaleei mezua, Tubos Reunidosen miaketaren ondoren: "Azalpenak eman beharko ditu EAJk"
Guardia Zibilak Tubos Reunidosen egoitzan egindako miaketaren ondoren, Alderdi Popularrak, beste behin, EAJri begiratu dio, ustelkeriaren aurrean zein jarrera duen argitu dezan eskatzeko. Alma Ezcurra PPren Koordinazio Sektorialeko idazkariordeak esan du Euskal Herriko enpresa erreferenteetako bat ustelkeriak zipriztindu ondoren, jeltzaleek euren iritzia eman behar dutela eta herritarrei azalpenak eskaini. "Ustelkeriarekin bat egiten duten edo aurka dauden azaldu behar dute", adierazi du.
David Sanchezek ukatu egin du kontratazioetan eragin izana: "Ez daukat horretarako ahalmenik"
Badajozko Lurralde Auzitegian egiten ari diren epaiketan, David Sanchezek, Pedro Sanchez Espainiako Gobernuko presidentearen anaiak, ukatu egin du kontratazioetan eragin izana; ez Badajozko kontserbatorioko koordinatzaile gisa berak lortu zuen lanpostuan, ezta Luis Carrero lagunari esleitu ziotenean ere. "Ez dut horretarako ahalmenik, ezta informazio administratiborik ere", esan du.
Estebanek eta Anduezak bien arteko desadostasunen kontua arindu eta Jaurlaritzaren batasuna goraipatu dute
Desadostasunak gorabehera, EAEko erakunde nagusietan koalizioa osatzen duten bi alderdietako buruzagiek azpimarratu dute bat eginda lan egiten dutela "herria aurrera ateratzeko".
UCOk Tubos Reunidosen Bilboko egoitza miatu du
Erregistroa hamar orduz luzatu da. Leire auziaren sekretupeko pieza baten barruko jarduketa bat da, eta Santiago Pedraz Auzitegi Nazionaleko epailearen aginduz egin dute.
UCOk PSOE seinalatu du Leire Diezen sarearen ordainketa guztien "jatorri" gisa
Atestatuan, Guardia Zibilaren Unitate Zentral Operatiboko agenteek ustezko ordainketetako batzuk xehatu eta hainbat adibide jarri dituzte.
2027ko aurrekontuak aurkezteko izapideak abiatu ditu Espainiako Gobernuak
Elkarrizketarako "eskuzabaltasuna, erantzukizuna eta konpromisoa" eskatu dizkie Espainiako gobernuburuak Kongresuko taldeei, eta bereziki zuzendu zaie Euskal Herriko eta Kataluniako alderdi independentistei eta nazionalistei.
Parisko Apelazio Auzitegiak Josu Urrutikoetxea Espainiako agintarien esku uztea agindu du
Iturri judizialen arabera, ETAko buruzagi ohiaren ez dute Espainiako agintarien esku jarriko "Frantziako prozedurak amaitu arte". Erabakia ez da behin betikoa, kasazio-errekurtsoa jar baitaiteke.