Egiari Zor Fundazioak legea baliatzeko deia egin die polizia-indarkeriaren biktimei
Egiari Zor Fundazioak polizia-indarkeriaren biktimak babesteko Eusko Legebiltzarrak onartu zuen legea baliatzeko deia egin du, "giza-eskubideen urraketak jasan dituen inor babesik gabe gera ez dadin".
Fundazioko ordezkariek agerraldia egin dute goizean Azpeitian, 1984an Poliziak Pasaian hil zituen Komando Autonomo Antikapitalistak erakundeko lau kideen oroimenez antolatu dituen ekimenen berri emateko.
Tasio Arrizabalaga bozeramaileak Estatuaren indarkeriaren "biktima guztiak ofizialki aitortzea" ezinbestekoa dela esan du, eta hala aldarrikatuko dute datorren martxoaren 24an, Egia jakiteko Eskubidearen Nazioarteko Egunean.
"Egun hainbat tresna ditugu erabilgarri, tartean Eusko Jaurlaritzaren 12/2016 Legea. Estatuak, zuzenean edo zeharka, erabilitako indarkeriak Euskal Autonomia Erkidegoan, 1979 eta 1999 urteen artean, eragin zituen biktimak aitortzeko eta juridikoki babesteko legea da", azaldu du Arrizabalagak. Halaber, babesa jasotzeko eskabideak aurkezteko epea abenduan bukatuko dela zehaztu du.
Lege horren babesa eskatu dute, besteak beste, Pasaiako sarraskian Poliziak eraildako lau lagunen senideek.
"Oso garrantzitsua da eskura ditugun bitarteko guztiak erabiltzea Estatuak Euskal Herriko gatazka politikoan erabili dituen indarkeria mota ezberdinak azalerazteko eta gehiegikeria horien biktimarik babesik gabe ez geratzeko", azpimarratu du.
Agerraldian, Peio Aizpuruk ere hartu du hitza. Pasaian hil zuten Dioni Aizpururen anaia da. Eraso hura polizia-indarkeriaren inpunitatearen adibiderik garbienetako bat dela adierazi du.
Bertsio ofizialaren arabera, Pedro Maria Isart, Dionisio Aizpuru, Jose Maria Izura eta Rafael Delas tiroketa batean hil zituzten. Alabaina, handik bizirik atera zen Joseba Merino Komando Autonomo Antikapitalistetako kide izan zenak "enboskada bat" izan zela defendatu du beti, bertsio ofiziala gezurtatuta. Hamarnaka tiro emanda hil zituzten laurak.
Lau militante horien omenez lore-eskaintza egingo dute gaur Azpeitian, eta ekitaldi nagusia larunbatean egingo dute.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.