PPko hiru idazkari nagusi ohik ukatu egin dute 'b kutxa' zegoenik
Francisco Alvarez Cascos, Javier Arenas eta Maria Dolores de Cospedal PPren idazkari nagusi ohiek ukatu egin dute, Auzitegi Nazionalean, alderdiak 'b kutxa' zuenik eta legez kanpoko gainsoldatak jaso zituztenik.
Hiruek deklaratu dute gaur PPren egoitzaren erreforma diru beltzarekin ordaindu izanaren harira egiten ari diren epaiketan. Bideokonferentziaz izan da deklarazioa, Alvarez Cascosena izan ezik.
"Nik sekula ez dut eduki edo sortu b kutxarik", adierazi du 1989tik 1999ra PPren idazkari nagusi izan zenak, hau da, Jose Maria Aznarren (bihar deklaratuko du Mariano Rajoyrekin batera) Gobernuaren garaian alderdiaren buru zenak.
Bai Alvarez Cascosek bai Javier Arenasek (1999-2003) ukatu egin dute PPren diru-zain ohiaren paperak egiazkoak direnik, eta azken horrek esan du balitekeela beste Javier Arenas bat egotea, paperetan "jar" edo "javier arenas" agertzen delako.
Era berean, hiruek errefusatu dute akusatuekin, Barcenasekin eta, harreman txarra dutenik, baina Cospedalek gero esan du "mespretxatu" egiten duela "pertsona hori", bere izena esan gabe.
2008tik 2018ra idazkari nagusi izan zenak argi hitz egin du b kutxaz edo enpresariengandik jasotako ustezko gainsoldatez. "Ez dut onartzen gainsoldaten ordainketa sistema bat egotea", azpimarratu du, eta egotekotan, "PPren diru-zain edo gerente izan zenarena" zela.
Bestalde, Ignacio del Burgo eta Eugenio Nasarre PPko diputatu ohiek ere hitz egin dute gaurko auzi saioan, eta alderdiak eskudirutan ordaindu izan ziela onartu dute, nahiz eta horren legezkotasuna defendatu duten.
Del Burgo Nafarroako presidente ohiak onartu du "Barcenasen paperetan" agertzen diren bi ordainketatan bitartekari lana egin zuela. Kasu batean 3,9 milioi pezeta eman omen zizkion Calixto Ayesa Nafarroako kontseilari ohiari, 1991n, kreditu baten ordainketagatik, eta esan du berak uste duela Aznar presidente ohia izan zela PPren orduko diru-zainari, Alvaro Lapuertari, ordainketa hori egiteko agindua eman ziona.
Nasarrek, bestalde, 2003an 30.000 euro jaso zituela onartu du, eta PPk Humanismo y Democracia fundazioaretzat pertsona "anonimoengandik" jasotako dirua zela.
Pedro J. Ramirez kazetariak ere hitz egin du gaurkoan, eta baieztatu du Barcenasek jakinarazi ziola Alvaro Lapuertak enpresarioen dirua "plastikozko edo kirol poltsetan" jasotzen zuela bulegoan, eta horietako batek 300.000 euro eskaini zituela Rajoyren kanpainarako.
Zure interesekoa izan daiteke
"Kidetasunagatik" Errenteriako eraso matxistak ezkutatu izana egotzi dio Aitor Estebanek EH Bilduri
EBBko presidentearen arabera, "gertakariak modu pribatuan kudeatzeko, alegia, erasoak estaltzeko" proposatu zien ezker abertzaleak erasoen biktima izan diren emakumeei. "Elizak hainbat hamarkadatan erabili duen sistema bera da Errenteriakoa, eta Elizak egindakoa gaizki badago, eta badago, EH Bildurena ere bai", gaineratu du Estebanek.
Izagirre: "Hiria saldu dutenak ezin dira orain salbatzaile gisa aurkeztu"
Juan Karlos Izagirre EH Bilduren Donostiako bozeramaileak koalizio subiranistak antolatu duen 'Bat Egin Eguna' topaketan egin ditu adierazpenak, eta Jon Insausti (EAJ) alkatearen "irudia sustatzeko" bultzatu den "marketin kanpaina" kritikatu du.
Lehendakariak “irizpide propioz, autokontrolez eta justizia senaz jokatzeko” eskatu dio Ertzaintzari
Polizia merezimenduaren dominak eta zorion-agiriak emateko urteroko ekitaldian, Pradalesek Euskal Polizia defendatu, eta “gure gizarteak ez du inoiz Ertzaintzaren instrumentalizazioa onartuko”, nabarmendu du.
2027ko urtarrileko manifestazioa azkena izatea nahi du Sarek, ETAko presoen auzia behin betiko ixten dela irudikatzeko
Sare herritarrak ekitaldi jendetsua egin du gaur Arrasaten, sorreratik izandako ibilbidearen balantzea egin eta "etapa bati bukaera ematen hasteko" beharra aldarrikatzeko. "Sareren amaiera, gauzak ongi eginez gero, garaipen kolektiboa eta diskretua izango da", iragarri dute.
Nolakoa izango da EAJren Bilboko alkategaia hautatzeko prozesua?
Hautagai berri bat izendatzeko, Bilboko batzar-arteko bilera bat egin behar da lehenbizi. Bilera horretan, hiriburuan dauden 13 udal-erakundeek eta Bizkai Buru Batzarrak parte hartzen dute.
Aburto ez da Bilboko alkate izateko hautagai gisa aurkeztuko 2027an
Hunkituta egin du iragarpena oraindik Bilboko alkatea denak: "Hausnarketa sakon bat egin ondoren, alderdiak erabaki du Bilbok lidergo berria behar duela".
Otegik ohartarazi du hauteskundeak aurreratzea PPri eta Voxi "atea irekitzea" dela: "Txantxa gutxi horrekin"
Otegiren ustez, hauteskunde orokorrak aurreratzearen alde egiten duenak "herri honi esan behar dio zer irabazten duen Euskal Herriak, bertako langileek, emakumeek, gazteek eta bere izaera nazionalak PPren eta Voxen gobernu batekin".
1991n ETAk hildako Luis Garcia Lozanoren omenezko plaka bat jarri dute Donostian
Guztira, 38 plaka jarri ditu Donostiako Udalak duela bi legealdi bultzatutako ekimenaren harian. Terrorismoaren eta indarkeria politikoaren biktimak leku publikoetan ikusarazteko bultzatu zuten egitasmoa, Udalak ohar baten bidez gogorarazi duenez.
Hainbat eragilek manifestazioa deitu dute ekainaren 20rako, Ertzaintzaren "errepresioa eta inpunitatea" salatzeko
Deitzaileen artean daude Euskal Herriko Global Sumud Flotilla, Iñigo Cabacasen, Amaia Zabarteren eta Iker Aranaren senide eta lagunak edota Mugimendu Sozialista. Talde horiek "herri mugimenduaren aurkako kriminalizazio kanpaina" egitea egotzi diote Jaurlaritzari.
Equo alderdi berdeak 15. urteurrena ospatu du Gasteizen
Equo alderdi berdeak 15. urteurrena ospatu du Gasteizen. Urte hauetan izandako bilakaera aztertu eta etorkizunari begira hausnarketa egin dute bertan. Egindako ibilbidearekin harro agertzeaz gain, gizarteak ekologia gaiekin egin duen aurrerapausoa azpimarratu dute.