Ortuzarrek "aberrigintzan inplikatzeko" deia egin die gazteei
Andoni Ortuzar EAJren EBBko presidenteak euskal gazteria animatu du "aberrigintzan inplikatzera", Euskadi "une historikoa" bizitzen ari den honetan Gernikako Estatutua "betetzetik gertu" dagoelako. Hori ez da izango "gure bidearen amaiera, ibilbide berriaren hasiera baizik".
Ortuzarrek Euzko Gaztediren (EGI) Aberri Kontseiluko eta Herrialde Kontseiluetako kideek Donostian egin duten batzarrean parte hartu du, Aberri Egunaren aurreko asteburuan.
EAJren buruak alderdiko gazteen "heldutasuna eta erantzukizuna" eskertu du, ohiko EGI Eguna egin beharrean beste formatu bateko ekitaldi baten alde egin dutelako, "gaur egungo osasun egoerara hobeto egokitzeko".
Ortuzarrek Euskadiko etorkizunaren eraikuntzan berehala inplikatzeko mezua helarazi die gazteei. "Zuokin guztiokin kontatzen dugu, baina ez etorkizunari begira, hainbatetan entzun behar izan duzuen moduan. Orian behar zaituztegu, gaur bizi dugun orainaldian", esan du.
Bere ustez, gazteen ekarpenak beharrezkoak dira pandemiak ekarritako "paradigma aldaketari hel diezaiogun, zuek baitzarete XXI. mendeko mundua eraiki beharko duzuenok".
Era berean, "Euskadin aberrigintzan zabaltzen zaigun une historikoan" inplikatu behar direla uste du. Horrela, eskualdatzeke dauden eskumenei buruz hitz egin du. Esan duenez, 40 urteren ostean, "oso hurbil gaude Gernikako Estatutua betetzetik".
"Baina, une hori heltzen denean, hori ez da gure bidearen amaiera izango, ibilbide berri baten hasiera izango da. Euskadi askeago eta burujabeagorantz eraman behar gaituen bidea zabalduko da. Estatus berri bat, euskal hiritarrek erabaki eta adostu beharko duten zerbait", esan du.
"XXI. mendeko Euskadiz ari gara, zuoi dagokizuen zerbait, zuek baitzarete Euskadi hori zehaztu eta eraiki beharko duzuenok. Horra hor euskal gazteriak daukan erronka: XXI. mende bidezkoagoa eta oparoagoa eraikitzea Euskadi askeago batean", bukatu du.
Zure interesekoa izan daiteke
Sanchez, ustelkeria kasuei buruz: "Ezagutu izan bagenitu, ez genituzkeen onartuko"
Alderdikide gehienak itxaropentsu agertu dira eta PSOErekin eta Sanchezekin konfiantza dutela esan dute Batzorde Federala hasi aurretik. Horrez gain, agintean jarraitzeko eta 2027ko hauteskunde orokorrak eta udal eta foru hauteskundeak prestatzeko gogotsu agertu dira.
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.