Julen Madariaga hil da
Julen Madariaga Agirre politikari historikoa hil da bart Senperen, familiako iturriek Euskadi Irratiari baieztatu diotenez. 88 urte zituen eta aspaldian gaixo zegoen.
1932ko urriaren 11n Bilbon jaioa, ibilbide politiko luzeko gizona izan da. ETAren hazia izan zen Ekin taldearen sortzaileetako bat izan zen, gerora Herri Batasuneko bultzatzaile eta kide, Aralarreko fundatzaile eta Elkarriko kide ere izan zen.
1936ko Gerra Zibila tarteko, familiarekin batera erbestera joan behar izan zuen. 1942an itzuli zen Txiletik Bilbora. Zuzenbidea ikasi ostean, Cambridgeko Unibertsitatean egin zuen doktoretza.
ETAren ernamuina izan zen Ekinen sortzaileetako bat izan zen eta Burgosko prozesuan epaitu zuten.
Ipar Euskal Herrian finkatu zuen bere bizilekua. 1989an lau urteko espetxe zigorra eta Ipar Euskal Herrian 10 urtez bizitzeko debekua ezarri zioten ETAri laguntzea leporatuta.
1995ean Herri Batasuna utzi zuen ETAk Gregorio Ordoñez PPko politikaria hil ondoren. Borroka armatuaren erabilera baztertu zuen, Aralarren sorreran parte hartu zuen eta gerora Elkarriko kide ere izan zen.
Erreakzioak
EH Bilduko hainbat ordezkari politikok Julen Madariaga gogoan izan dute sare sozialetan zabaldutako mezuetan.
Arnaldo Otegi EH Bilduko koordinatzaile nagusiak "abertzale eta gure herriaren askatasunarekin" konprometitutako pertsona gisa gogoratu du. Aldi berean, doluminak eman dizkie senide eta lagunei.
Maddalen Iriarte EH Bilduko Eusko Legebiltzarreko bozeramaileak honela agurtu du: "Ezagutu dugun historiaren zatiak, pertsonak desagertzen direnean... Agur Julen!".
Arkaitz Rodriguez Sortuko idazkari nagusi eta EH Bilduko legebiltzarkideak Julen Madariagak bizitza osoan zehar "gure herriaren askatasunaren alde" egindako borroka goraipatu du.
Rebeka Ubera egun EH Bilduko legebiltzarkide eta Aralarreko idazkari nagusi izandakoak eskerrak eman dizkio "herriari emandako guztiagatik".
Patxi Zabaleta Aralarreko sortzaile izandakoak Euskadi Irratiko "Faktoria" saioan azpimarratu duenez, ETAren sortzaile gehienek Aralarren amaitu zuten. "Oso argi zeukaten, Julen Madariagak ere bai, eta onartzen zuten abertzaletasuna anitza dela, eskuina eta ezkerra dituela, eta eskuinak eta ezkerrak beren lehia dialektikoa izan behar dituztela herri honek aurrera eginen baldin badu".
Zure interesekoa izan daiteke
Sanchez, aurrekontuen harira: "Negoziatuko dugu, eta erabakiak hartu behar badira, hipotesi horiek ematean hartuko ditugu"
Espainiako Gobernuko presidenteak berretsi du kontu publikoak aurrera ateratzeko negoziatuko duela, eta adierazi du erabakiak "hipotesi horiek gertatzen direnean" hartuko direla; Exekutiboko iturriek, berriz, azpimarratu dute asmoa legealdia agortzea dela, eta testuinguru honetan baztertu egin dute aurten hauteskundeak deitzea.
Musikaren sektorerako laguntzen banaketaren gardentasuna defendatu du Bengoetxeak, hainbat artistaren kritiken aurrean
Euskal musikaren sektorerako laguntza publikoen banaketaren inguruan sortutako polemikaren aurrean, Eusko Jaurlaritzak hainbat artistak egindako kritikei erantzun die. Laguntzak esleitzeko irizpideei buruzko zalantzen aurrean, Ibone Bengoetxeak prozesua zorrotza dela eta gardentasun osoz gauzatzen dela adierazi du.
Sanchezek "konfiantza" helarazi dio Zapaterori eta haren familiaren egoerarekin "enpatizatu" du
Gobernuko presidenteak Bruselan adierazi duenez, Zapaterok "dagokion unean emango ditu azalpenak". Egunotan berarekin hitz egin duela eta "lasai" dagoela adierazi du.
Kongresuak "blokeo" politikoaren gaineko mozioa onartu du, eta eskatu dio Sanchezi ustelkeriagatik "ardura hartzeko"
Mozioa aurrera atera da PP, Vox, UPN eta Junts alderdien aldeko 177 botoekin, eta EAJ eta Coalicion Canaria abstenitu egin dira. Gainerako talde parlamentarioek idatzi horren kontra bozkatu dute.
Epaileak Zapateroren alabak eta idazkaria inputatu ditu
Ustelkeriaren aurkako Fiskaltzak eskatuta hartu du erabakia epaileak, beren defentsarako eskubidea baliatu ahal izan dezaten.
Chivitek Foru Hobekuntzaren erreforman euskara berezko hizkuntza gisa aitortzea proposatu du
Nafarroako presidenteak proposamen hori defendatuko du Foru Hobekuntzaren erreforman, eta hizkuntza hezkuntzatik, aniztasunetik eta ezagutzatik lantzearen aldeko apustua egingo du, eztabaida politikotik urrun.
Trumpek akordioa sinatu du Iranekin, Versaillesera egindako bisitan
AEBko presidenteak aurreikusitakoa baino bi egun lehenago zigilatu du ituna. Iranek dio Israelek Libanoko hegoaldetik erabat erretiratzeari uko eginez gero, akordioa bertan behera geratuko litzatekeela. Akordioak, 14 puntuz osatua, 60 egun ematen dizkie aldeei beste atal batzuk negoziatzeko.
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.