Otegi, EH Bildu beste lau urtez zuzentzeko zortzi pertsonaren buru
EH Bilduko Mahai Politikoak Arnaldo Otegi zerrendaburu proposatu du datozen lau urteetan koalizioa zuzentzeko.
Unai Urruzuno eta Ainhoa Beola bozeramaileek EH Bilduren zuzendaritzak planteatutako zerrendaren berri eman dute larunbat honetan. Egungo krisiaren erronka garrantzitsuei aurre egiteko zerrenda "oso sendoa eta trebatua" dela uste dute. Hala ere, apirilaren 26tik 29ra beste zerrenda batzuk aurkezteko aukera dagoela gogorarazi dute.
Otegi idazkari nagusiarekin batera, Garikoitz Mujika (zuzendari nagusia), Peio Otxandiano (Programa), Larraitz Ugarte (Komunikazioa), Sonia Jacinto (Antolakuntza), Gorka Elejabarrieta (Nazioarteko Harreman Politikoak), Ainhoa Beola (Arlo Instituzionala) eta Onintze Oleaga (Udal Politikak) proposatu dituzte.
Zuzendaritzak "aho batez" proposatu du zortzi kideko zerrenda. "Gizarte bidezkoago bat nahi duen eragile eraldatzaile" gisa eta "gobernatzeko asmoa" duen indar politiko gisa "pauso kualitatibo garrantzitsua eman" nahi dute.
Koalizioaren bigarren biltzarra pandemiak baldintzatu du hilabeteetan zehar, baina "EH Bilduko militantziaren parte-hartze handia" izan da "ezohiko egoeran". Horrela, tokian tokiko 358 batzar baino gehiagotan, 'online' bileretan eta "eztabaida guneetan 8.200 kide baino gehiagok" hartu dute parte.
Orain, aurkeztutako zuzenketak eztabaidatzen ari dira militanteak, eta "datozen egunetan" onartuko dituzte.
Datozen lau urteetarako Mahai Politikoa maiatzaren 8an bozkatuko du EH Bilduk, eta maiatzaren 9an BECen ekitaldia egingo du, "segurtasun neurriak betez eta osasun egoerak uzten baldin badu", biltzarrari amaiera emateko.
Albiste gehiago politika
Espainiako Gobernuak gastu militarrerako premiazko maileguak emango dizkie Indra, Airbus eta beste enpresa batzuei, zenbatekoa zehaztu gabe
Espainiako Gobernuak ez du maileguen zenbatekoa zehaztu, eta Indra eta Airbus konpainiei ez ezik, beste enpresa batzuei ere maileguak premiaz emateko baimena eman du, baina ez du izenik jakinarazi.
Kongresuak bertan behera utzi du 'itzalaldien aurkako' dekretua
Podemosek, Juntsek eta BNGk, Espainiako Gobernuaren inbestidurarako hiru kidek, kontrako botoa eman dute. Horiez gain, PPko eta VOXeko diputatuek ere ezezko botoa eman dute.
Eusko Jaurlaritzak esan du ez zaiela esleipenik egin Antxon Alonsoren enpresei eta ez duela irregulartasunik antzeman
Azken hamar urteetan Eusko Jaurlaritzak sinatutako kontratu publiko guztiak berrikusi dira, baten batek 'Koldo auzi'ko sozietateekin zerikusirik ote zuen jakiteko, eta kasu honetan aipatutako beste enpresa edo Aldi Baterako Enpresa Elkarte (ABEE) batzuekin egindako 2.022 esleipenetan ez da irregulartasunik topatu.
Ministroen Kontseiluak informazio klasifikatuari buruzko lege proiektua onartu du, frankismoko sekretuak argitara emateko asmoz
Informazio klasifikatuari buruzko lege proiektuak frankismo garaitik indarrean den Sekretu Ofizialen Legea ordezkatu nahi du. Espainiako Gobernuak Diputatuen Kongresura bidaliko du lege testua tramitazioa has dadin. EAJ eta EH Bildu zuhur ibili dira balorazioa egitean, baina lehen begiratuan, defendatzen dutenetik urrun dagoela iritzi diote.
Ertzaintzak "Euskadiko segurtasun integrala" indartzen lagunduko duen helikopteroa aurkeztu du
Imanol Pradales lehendakaria, Bingen Zupiria Segurtasuneko sailburuak lagunduta, Ertzaintzaren flota berrituaren helikoptero berria aurkezteko eta inaugurazio-hegaldirako egingo den ekitaldiaren buru izan da., Iurretako basean. Azken belaunaldiko helikopteroa da, mendian edo itsasoan istripua izan duten pertsonak bilatu eta erreskatatzeko eta zaintza- eta segurtasun-lanetarako bereziki hornitua.
Eusko Jaurlaritzak Azpeitiko istiluak gaitzetsi ditu eta "indarkeria ez ezereztearen" garrantzia azpimarratu du
Maria Ubarretxenak Jaurlaritzaren "erabateko gaitzespena" adierazi du joan den asteburuan Azpeitian gazte talde handi batek eragindako istiluen aurrean. Gazte horiek udaltzainak eta ertzainak eraso egin zituzten. Gobernu Kontseiluaren osteko prentsaurrekoan, Eusko Jaurlaritzako bozeramaileak Jaurlaritzaren babesa helarazi die "bai Ertzaintzari bai Azpeitiko Udaltzaingoari".
Osasun sistema publikoaren egitura berrantolatu du Jaurlaritzak, bost izendapen berrirekin
Alberto Martinez Eusko Jaurlaritzako Osasun sailburuak bi sailburuordetzak berregituratu ditu hiru lidergo berrirekin. Halaber, Osakidetzako zuzendari nagusia eta Donostialdeko ESIko zuzendari gerentea aldatu ditu.
Eusko Jaurlaritzak egitura berria iragarriko du Osakidetzan, "arreta modernizatu" eta "kalitatezko zerbitzua" bermatzeko asmoz
Alberto Martinez Osasun sailburuak emango ditu Osasun Saileko eta Osakidetzako egitura berriari buruzko xehetasunak. Agerraldia, 12:00etan hasiko da eta orain.eus-en zuzenean jarraitu ahalko da.
Antxon Alonso enpresariak ez deklaratzeko duen eskubidea baliatu du Senatuko ikerketa batzordearen aurreko agerraldian
Servinabar enpresaren jabeak bere agerraldiaren hasieran iragarri du ez zuela galdera bakar bat ere erantzungo. Ondoren, saioa bertan behera uzteko eskatu dio Eloy Suarez batzordeko buruari, baina azken horrek ez du eskaria onartu.
Cerdan kartzelatik ateratzeko eskaera aztertuko du gaur Gorenak
Auzitegi Goreneko Apelazio Salako hiru magistratuk defentsaren argudioak entzungo dituzte, aske utzi ala ez erabakitzeko. Ustelkeriaren Aurkako Fiskaltza eta PP, akusazio partikular gisa, aske uztearen aurka agertu dira.