Ceutara bakarrik iritsi diren adin txikiko batzuk hartuko dituzte EAEk eta Nafarroak
Azken orduetan Ceutara bakarrik iritsi diren adin txikiko migratzaileetako batzuk Araban, Bizkaian eta Gipuzkoan eta Nafarroan hartzeko prest agertu dira, hurrenez hurren, Eusko Jaurlaritza eta Nafarroako Gobernua. Izan ere, Ione Belarra nafarra buru duen Eskubide Sozialen eta 2030erako Agendaren Ministerioak lehendik Ceutan zeuden 200 adin txikikoak euren artean banatzeko eskatu die erkidegoei.
Astelehenean eta astertean 8.000 migratzaile inguru heldu ziren Ceutara eta Melillara, tartean 1.500 adin txikiko, gutxi gorabehera. Espainiako Gobernuak 200 bat adingabe hartzea proposatu die erkidegoei.
Ione Belarra Espainiako Eskubide Sozialen ministroak deituta, erkidegoetako arduradunek bilera egin dute arratsaldean, Ceutara heldu diren adin txikiko migratzaileen egoera aztertzeko. Beatriz Artolazabal Berdintasun, Justizia eta Gizarte Politikako sailburuak, Xabier Legarreta Migrazio eta Asilo zuzendariak eta Irune Muguruza Familia eta Haurtzaro zuzendariak parte hartu dute batzarrean, Eusko Jaurlaritzaren izenean.
Ume horiek erkidegoetan hartzeko irizpideak argi eta garbi zehazteko eskatu dute, foru aldundiek kudeatutako aterpetxeetan dagoeneko migratzaile asko daudela argudiatuz.
Banaketa erkidegoen aberastasun maila, biztanleria eta langabezia-tasa kontuan hartuta egitea proposatu du Espainiako Gobernuak, Euska Jaurlaritzaren 'Share' programa oinarri hartuta.
Bestalde, Eusko Jaurlaritzak azpimarratu du Ceutan bizi duten larrialdi egoerari premiazko erantzuna eman behar zaiola eta "arazo politikoak bide politikoetatik" konpondu behar direla.
Horrela, bada, migrazioaren arazoa aztertzeko "premiazko bilera sektoriala" deitu dezala eskatu dio Artolazabelek Espainiako Gobernuari, "azken urteetan ez baita bakarra egin". Halaber, Nafarroako Gobernuak ere bat egin du Eusko Jaurlaritzaren eskariarekin eta Migrazio Politiketako batzarra egitea galdegin du.
Migrazioaren auzia "elkarrekin" jorratzea defendatu du Nafarroako Gobernuak
Nafarroako Gobernuak uste du beharrezkoa dela autonomia erkidegoek eta Espainiako Gobernuak elkarrekin heltzea migrazioaren auziari. Eduardo Santos Nafarroako Gobernuko Migrazio Politika eta Justizia kontseilariak Euskadi Irratiari adierazi dionez, Foru Erkidegoa prest dago Ceutara bakarrik iritsi diren adin txikiko migratzaile batzuk hartzeko. "Estatuak badaki guri laguntza eskatzen baldin badigu hor izanen garela", gehitu du.
"Erantzun egokiak, solidarioak eta iraunkorrak eman nahi dizkiegu bai egiturazko fenomenoei, bai unean uneko salbuespenezko egoerei ere. Nafarroa harrera lurraldea da, orain arte hori erakusten ari da", berretsi du Patricia Ruiz de Irizar Nafarroako Gobernuko Migrazio Politiken zuzendari nagusiak.
Ildo horretan, "Nafarroako Gobernuak Share proposamenaren alde egindako apustua" ekarri du gogora, "Irizpide objektiboak ezartzen baititu migratzaileak eta errefuxiatuak Europar Batasuneko eskualdeen artean modu solidarioan eta erantzunkidean banatzeko".
"Proposamen honekin bat egin dugun erkidegoek modu koordinatuan lan egiten dugu, gure ekimenez, eta oso jakitun gara koordinazio horren balioaz", gaineratu du.
Ruiz de Irizarren esanetan, beharrezkoak dira "informazioa, tresnak eta estrategiak Ministerioarekin eta beste erkidegoekin partekatzeko espazioak".
Zure interesekoa izan daiteke
Sanchez, ustelkeria kasuei buruz: "Ezagutu izan bagenitu, ez genituzkeen onartuko"
Alderdikide gehienak itxaropentsu agertu dira eta PSOErekin eta Sanchezekin konfiantza dutela esan dute Batzorde Federala hasi aurretik. Horrez gain, agintean jarraitzeko eta 2027ko hauteskunde orokorrak eta udal eta foru hauteskundeak prestatzeko gogotsu agertu dira.
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.