EAko kritikoek Begotxu Olaizola Zarautzeko zinegotziari babesa eman diote Donostian
EAko kritikoek ekitaldia egin dute Donostian, Begotxu Olaizola Zarautzeko zinegotziari babesa emateko; izan ere, alderdiaren zuzendaritzak "diziplina-espedientea" zabaldu dio.
Kritikoak alderditik bota nahi dituztela uste du Olaizolak. "Errealitatetik kanpo" kokatzea leporatu dio zinegotziak zuzendaritzari. "Eusko Alkartasuna zer izan den eta zer jarraitu behar du izaten ez dakite", azaldu du.
Espedientea iragan astelehenean ireki zioten. Kritikoek bilera egin zuten maiatzean Gasteizko Europa jauregian. Olaizola militantziaren zati horren bozeramailea izan zen orduan. "Batzar nazionala" eskatu zuten, EH Bilduren barruan alderdiaren "paperaz" eztabaidatzeko.
Maiorga Ramirez Nafarroako buruzagiak eta Karlos Garaikoetxea lehendakari nafarrak ere bat egin dute ekimenarekin, bi bideoren bidez. EAko zuzendaritzak Olaizolaren aurka abiatzen prozesua edozein izanda ere, bere burua erruztatuko duela ohartarazi du Garaikoetxeak.
Zinegotziak hitza hartu baino lehen, Eba Blancoren sektore ofiziala "mehatxuak eta espedienteak" kanporatzeko bitarteko bezala erabiltzen ari dela salatu du Aitor Letamendiak.
"Boterean jarraitzeko eta Eusko Alkartasuna EH Bilduren barruan desegiteko zirrikituak eta bidezidorrak bilatzen ari dira", azpimarratu du Letamendiak.
Begotxu Olaizolak azaldu duenez, Gasteizko ekitaldiaren berri eman ez zutenaren eta EAren siglak erabili ezin direnaren "aitzakiarekin" zabaldu dute espedientea, "ehunka afiliaturen ahotsa isilarazteko".
Alderdikideen elkartasuna eskertu du Olaizolak. "Ekarpen handia egiteke" duen proiektu politikoan "lanean jarraitzeko" eskatu die zinegotziak, "zentzutasuna nagusitzeko".
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.