Kataluniako Justizia Auzitegi Nagusiak Torrent ikertuko du Konstituzionalari ez obeditzeagatik
Kataluniako Justizia Auzitegi Nagusiak Roger Torrent Enpresa kontseilaria eta JxCat eta ERC alderdiek Parlamentuko Mahaian zituzten hiru kideak irailerako deitu ditu deklaratzera, Auzitegi Konstituzionalari desobedintzea egotzita.
Maria Eugènia Alegret Auzitegi Nagusiko epaileak irailaren 15erako deitu ditu deklaratzera Torrent, Josep Costa eta Eusebi Campdepadros (JxCat) eta Adriana Delgado (ERC). Autodeterminazio eskubidea erabiltzearen eta monarkia gaitzestearen aldeko ebazpenak izapidetuta Konstituzionalari desobeditu egin ziotela iritzita, kereila jarri zuen Fiskaltzak horien kontra.
Ikertuak deitzeaz gain, epaileak 10.000 euroko fidantza ezarri dio Voxi, alderdia herri-akusazio gisa aurkeztu ahal izateko.
Fiskaltzak martxoan Kataluniako Parlamentuko presidentearen eta Mahaiko kide independentisten aurkako kereila aurkeztu ondoren hasi zuten ikerketa. Autodeterminazioari eta monarkiari buruzko ebazpenak tramitatzea leporatu diete, nahiz eta Konstituzionalak ohartarazi zien 2015eko azaroaren 9ko haustura-adierazpena garatzea ekarriko zuen edozein ekimen eragotzi behar zutela.
Fiskaltzaren arabera, Torrentek eta Parlamentuko Mahaiko JxCateko eta ERCko gainerako kideek ebazpena tramitatzeko baimena eman zuten.
"Adierazpen-askatasuna mugatzea"
Zitazioaren harira, Kataluniako Parlamentuan "adierazpen-askatasuna mugatzeko" saiakera bat dagoela ohartarazi du Torrentek, eta ikertu gisa deklaratzera deitzea deitoratu du, Legebiltzarreko presidente gisa autodeterminazioari eta monarkiari buruzko ebazpenak izapidetu dituelako.
Twitter sare sozialaren bidez, Torrentek deitoratu egin du zitazioa, eta, ohartarazi duenez, "errepresioaren makineriak martxan jarraitzen du adierazpen-askatasuna mugatu eta jazartzeko". "Parlamentua hitzaren eta eztabaidaren tenplua da, eta zentsuratzen saiatzea demokraziaren aurka doan akats larria da", gaineratu du.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.