Bakartxo Ruiz: "Biktimen sentimenduak errespetatzen ditut, baina harrerak eta omenaldiak nahasten dira"
Bakartxo Ruiz EH Bilduren Nafarroako Parlamentuko bozeramaileak Radio Euskadiko "Boulevard" saioan egindako elkarrizketa batean azaldu duenez, biktimen sentimenduak errespetatu eta ulertzen ditu, Agustin Almaraz ETAko preso ohiari egindako ekitaldi publikoaren harira.
Dena dela, bozeramaileak uste du zenbait sektoreri "harrerak eta pertsona baten ibilbidearen ustezko goraipamenak" nahastea interesatzen zaiola eta Bilbon gertatutakoaren irakurketa okerra egin dutela: "Ez da egia mina areagotu edo biktimak umiliatu nahi direnik", erantsi du.
Horrelako ekitaldi publikoetan gorroto-mezuak edo gai jakin batzuk aipatzea onartezintzat joko lituzke berak ere, "baina ekintza horiek desitxuratzen saiatzen dira asko".
Bestalde, Nafarroako Gobernuak pandemiaren aurrean udan izan duen aurreikuspen falta kritikatu du, besteak beste, baliabide eskasia edo arakatzeko zailtasunak.
Era berean, herritar batzuk arauak ez dituztela betetzen eta hori kudeatzeko zaila dela onartu du Ruizek, baina horrelakoak ezin direla "tanketekin desegin" gaineratu du, Josu Erkoreka Segurtasun sailburuak Radio Euskadin egindako adierazpenen ildotik. Jendea nekatuta eta nazkatuta badago ere, bozeramaileak onartezintzat jo ditu Donostian izandako ekintza bandalikoak.
Pedro Sanchezen Gobernua eskuinaren atzetik ibiltzea kritikatu du, eta "fiskalitatean, hizkuntza politikan eta azpiegitura handietan eskuinarekiko dituen zailtasunak" leporatu dizkio Maria Chiviteri.
Bere esanetan, Nafarroako Alderdi Sozialistak ezkerreko politiketan sakondu beharko luke: "Fiskalitatean aurrera egiteko aukera dago, baldin eta Nafarroako Alderdi Sozialista eskuinaren agendatik aldentzen bada".
Nafarroako presidenteari Foru Erkidegoko osasun-sistema indartzeko eskatu dio, "arreta duina bermatzeko", sakabanaketa geografikoa ere kontuan hartuta.
Era berean, osasun krisiaren ondorio sozio-ekonomikoei aurre egiteko "ausardia" izatea eta zerga eta hizkuntza gaiak zuzentzeko eskaria egin dio presidenteari, "benetako eraldaketa lortzeko".
Zure interesekoa izan daiteke
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.
"Mina minaren gainean" eragitea egotzi dio Rosa Zarraren familiak Atutxari
Joan den asteburuan ETBn egindako elkarrizketan, Barne sailburu izandakoak esan zuen Zarraren familiari barkarmena eskatzeko arazorik ez zuela, baina zehaztu zuen ETAk hildako 15 ertzaintzen familiek ere zerbait entzun nahiko luketela. "Gauza asko sartu beharko genituzke pakete horretan", adierazi zuen.
Otegik dio sailburuarekin baieztatu ondoren zabaldu zutela txertoen gaineko informazioa
EH Bildu arduraz aritu dela afera honetan jakinarazi du Arnaldo Otegik, haurrei eragiten dien arazoa delako. Sailburuarekin hitz egin ondoren errejistratu zituztela galderak Legebiltzarrean azaldu du.
Amaia Agirre, Getxoko alkatea: "Oposizioak dimititu dezadan eskatzen duelako ez dut dimitituko"
Oposizioko hiru taldeek (PP, EH Bildu eta Elkarrekin Podemos) talde moreak aurkeztutako premiazko mozio bat onartu dute, EAJko alkatearen kargugabetzea eskatzeko, Irurak Bat jauregiaren eraisketari lotuta egindako kudeaketagatik.
Donostiako Udalak ez du lizentzia gehiago emango tentsionatutako auzoetan hotelak eta pisu turistikoak ezartzeko
Donostiako Udalbatzak aho batez onartu du hotel eta ekipamendu turistikoei mugak ezartzen dizkien plan orokorraren aldaketa. EH Bilduk uste du berandu datorrela aldaketa.