Hirugarren gradua kendu diote Unai Fano ETAko presoari
Auzitegi Nazionalak hirugarren gradua kendu dio Unai Fano ETAko presoari, Espetxe Erakundeek "garaia baino lehenago eta desegoki" eman ziotelako. Onura lortzeko, Fanoren damuak "asmo utilitarista" izatea zalantzan jarri du Auzitegiak, eta presoak bere delituak txikitzeko "joera" duela erantsi du.
Fano 20 urteko espetxe-zigorra betetzen ari da Bizkaiko espetxean. Hirugarren gradua urtarrilean eman zioten, baina Fiskaltzak helegitea aurkeztu zuen espetxeratuen zaintzako epaitegiaren zein Auzitegi Nazionalaren aurrean.
"Euskal presoei orokorrean aplikatzen zaien salbuespena" salatu du Etxeratek. "Izan ere, kasu honetan, Auzitegi Nazionalaren autoa salbuespenezkoa da salbuespenaren barruan; ezarritako baldintza guztiak errespetatuz eta bere bizitza aske berregiten saiatuz, bikotekidearekin, alabekin eta ingurukoekin batera, duela bederatzi hilabetetik kalean zegoen pertsona baten birgizarteratze-eskubidea urratzen baitu", azaldu du.
Hasiera batean, espetxeratuen zaintzako epaitegiak helegitea atzera bota zuen, baina Auzitegi Nazionalak onartu egin du orain, eta Fano bigarren graduan uztea erabaki du. Presoa 2008an espetxeratu zuten.
Auzitegiak ez du "damu argirik" ikusten. Bestalde, presoak soilik gatazkaren "zati bezala" ikusten du bere burua, eta indarkeria "borroka politikoan" kokatzen du, Auzitegi Nazionalaren arabera.
Kartzelako barne espedientean, ostera, presoak "edozein indarkeria erabiltzearen aurkako" jarrera agertu, eta "ETAren biktimei eragindako kalteagatik atsekabea" azaldu zuen. "Iraganari dagokion garaia ixteko eragile aktiboa naiz, bake eta elkarbizitza agertoki bat lortzeko", aldarrikatu zuen.
Zure interesekoa izan daiteke
Lehendakariaren dekalogoa energia krisiaren kontrako neurrietan jaso izana baloratu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (arantzelarioa eta energetikoa) jasan duten industria-enpresentzako neurri espezifikoak hartzea.
EAJ "pozik" krisiaren aurkako neurriekin, baina EH Bilduren ustez, "ez da nahikoa"
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu nahi, eta Podemosek salatu du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.
PSOEk eta Sumarrek bi dekretu adostu dituzte, krisiari aurre egiteko neurriak eta etxebizitzaren ingurukoak jasotzeko
Irango gerraren ondorioak leuntzeko lege dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairuko kontratuen luzapena eta enpresen marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.