Espainiako Gobernuak eta PPk akordioa itxi dute organo konstituzionalen inguruan, BJKN kanpoan utzita
Espainiako Gobernua eta Alderdi Popularra ados jarri dira, datozen asteetan zehar zenbait organo konstituzional berritzeko. Berrikuntzak barne hartuko ditu Auzitegi Konstituzionala, Kontuen Auzitegia, Herriaren Defendatzailea eta Datuak Babesteko Espainiako Bulegoa. Botere Judizialaren Kontseilu Nagusia (BJKN), ordea, akordiotik kanpo gelditu da, oraingoz.
Gobernutik jakinarazi dutenez, organo horiek urriaren 25eko astean berrituko dira, bai Diputatuen Kongresuan, bai Senatuan izango den osoko bilkura batean.
Hala adostu dute gaur Felix Bolaños Presidentetzako, Gorteekiko Harremanetako eta Memoria Demokratikoko ministroak eta Teodoro Garcia Egea PPko idazkari nagusiak.
Aro berriko organoak osatuko dituzten pertsonak "sona handikoak" izango dira; alde biak bat etorri dira horretan. Datozen egunetan ezagutaraziko dituzte.
Jarrera aldatu dute PSOEk eta PPk
Asteazken honetan Pedro Sanchez espainiar Gobernuko presidenteak eta Pablo Casado PPko liderrak organo konstituzionalak berritzearen inguruko jarrera lasaitu ostean gauzatu da akordioa.
Gobernuaren kontrol saioan, Casadok Sanchezi proposatu zion falta ziren organo guztiak berehala berritzea, BJKN izan ezik, eta Gobernuak baiezkoa eman zuen.
Auzitegi Konstituzionalaren kasuan, duela ia bi urte amaitu zen hamabi magistratuen agintaldia. Herriaren Defendatzaileak denbora gehiago darama berritu gabe, eta Francisco Fernandez Marugan du jarduneko buru, 2017ko uztailetik.
Hala ere, Gobernutik argi utzi dute, akordioa gora-behera, ez diotela uko egingo Botere Judizialen Kontseilu Nagusia berritzeari, eta ahalegintzen jarraituko dutela, PPrekin batera.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.