EPPKren agiri "garrantzitsuak" bizikidetza demokratikoari "ekarpena" egiten diola uste du Foro Sozialak
Foro Sozial Iraunkorraren ustez EPPK ETAko presoen kolektiboak atzo argitaratutako agiria "adierazpen garrantzitsua" da eta "bizikidetza demokratikoari ekarpena" egiten dio. Hori dela eta, "ikuspegi zabalarekin" aztertzeko eta "dagokion balioa" emateko eskatu die eragile instituzional, politiko, sozial eta sindikalei.
Azaldu dutenez, agiri honekin "EPPK-k bat egiten du Euskal Herriko gehiengo sozial eta politikoarekin eta denok dugun helburu komunarekin: indarkeriaren zikloaren ondorio guztiak konpontzea eta edozein biktimari kalte gehiago egin diezaioketen ekintza- edo hitz-jarrerak behin betiko baztertzea".
Foro Sozial Iraunkorrak adierazi du 2019az geroztik "isilpean" ari dela arazo honi konponbide bat emateko lanean eta 2019ko uztailaren 31n, "krispazio politiko handiko testuinguru batean, irtenbide inklusibo baterako gomendioak" argitaratu zituela gogorarazi du.
Horren haritik, esan duenez "gai hori askotan landu dugu hainbat eragilerekin dugun harreman iraunkorretan, bai Eusko Legebiltzarreko eta Nafarroako gobernuekin, bai alderdi politikoekin, bai sindikatuekin, baita EPPK-rekin egiten ditugun bileretan ere, lehen Granadako kartzelan eta orain Logroñokoan".
2021eko uztailaz geroztik, presoen harreren gaia konponbidean zegoela adierazi izan dutela nabarmendu dute, "adostasun zabala antzeman baitugu bi esparrutan: enpatia eta eskubideak. Enpatia, gure gizarteak ez duelako onartzen sufrimendua jasan duten edo pairatzen jarraitzen duten pertsonekiko sufrimendu gehiago eragitea; eta eskubidea, familiek eta hurbilekoek kondenak osorik bete dituzten pertsonei, kasu askotan oso baldintza gogorretan (urruntzea, isolamendua, etab.), harrera egiteko eta besarkatzeko duten eskubidea".
Gainera, zehaztu dutenez, eragile horiei jakinarazi diete, "gai mingarria dela onartu arren, judizializazioaren bidea ez dela egokia arazo honi behin betiko konponbide integratzailea emateko".
Foro Sozialarentzat EPPK-ren adierazpena "ekarpen kualitatiboa da, halaber, egun dauden adostasunak finkatzeko, hau da, espetxe politika arruntaren aplikazioaren bidez presoen auziari konponbide integrala emateko dauden adostasunak finkatzeko".
Amaitzeko, dei egin diete eragile instituzional, politiko, sozial eta sindikal guztiei "EPPKren adierazpen hau ikuspegi zabaletik aztertzeko eta dagokion balioa emateko, Aieteko adierazpenaren hamargarren urteurrenaren inguruan sortutako agertokiaren sendotzearen testuinguruan gaudela kontuan hartuz".
Zure interesekoa izan daiteke
50 urte dira ETAk Aingeru Berazadi erail zuela
ETAk hildako lehen enpresaria izan zen Aingeru Berazadi, eta baita bahitu ondoren hil zuten lehenengo laguna ere. Mende erdi geroago, Cristina alabak aita omendu du, eta enpresariek gogora ekarri dute hilketak izan zuen eragina.
EAJk borondate politikoa eskatu du "Gernika" lekuz aldatzeko aukera teknikoetan sakontzeko
Maribel Vaquero EAJk Kongresuan duen bozeramaileak ziurtatu du ez dituela zalantzan jartzen Reina Sofia museoko adituen txosten teknikoak. Horien arabera, ez da komeni da koadroa mugitzea; hala ere, adituen txosten gehiago eskatu ditu. "Gauza ezinezkoagoak ikusi ditugu", ziurtatu du.
Iruñeko aire-trafikoa "hobetzeko prest" agertu da Espainiako Gobernua
Maria Caballero UPNren senatariak egindako galdera bati erantzunez, Oscar Puente Espainiako Gobernuko Garraio eta Mugikortasun Jasangarriko ministroa Iruñeko aireportuaren egungo ereduaren alde agertu da, baina aitortu egin du aire-trafikoa "hobetu" daitekeela. Haren hitzetan, Iruñekoa aireportuko bidaiari kopurua % 40 hazi da 2018tik; Estatuko daturik altuenetakoa da hori.
Abortua Konstituzioan blindatzea onartu du Ministroen Kontseiluak, "dinamika atzerakoien aurrean"
Konstituzioaren erreforma honek hiru bosteneko gehiengoa behar du Kongresuan eta Senatuan, eta, beraz, gobernukideak oposizioko alderdiekin adostasunera iristen saiatu beharko dira.
Urtasun: "Teknikoei entzun behar zaie beti, eta ez dute batere gomendatzen lekualdatzea"
Kultura ministroak Eusko Jaurlaritzak 'Gernika' behin behinean, bonbardaketaren 90. urteurrenagatik, lekualdatzeko eskaerari balioa eman eta errespetua helarazi dio, baina aukera baztertu du. Igotz Lopez EAJko senatariak gogorarazi dio txosten teknikoa eskaera egin eta bi egunera egin zela, eta Madrilgo museoaren bideragarritasuna margolanarekin lotzen zuela.
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.