Presoek harrerei buruz egindako adierazpena positiboa dela esan dute Maria Jauregik eta Consuelo Ordoñezek
Maria Jauregi eta Consuelo Ordoñez bat datoz: Euskal Preso Politikoen Kolektiboak (EPPK) espetxetik ateratzen diren presoei harrerak "era pribatu eta diskretuan" egiteko nahia publikoki agertu izana "berri ona da" bizikidetzarako.
Radio Euskadiko "Ganbara" saioan egindako elkarrizketan, ETAk 2000. urtean hildako Juan Mari Jauregi Gipuzkoako gobernadore zibil ohiaren alabak azpimarratu du "bizikidetzarako beste urrats bat gehiago" eta "enpatia ariketa bat" dela.
"Eskatzen geniena egin dute. Nik ulertzen dut hainbeste urte kartzelan egon ostean familiak eta lagunek harrera bat egin nahi izatea, baina harrera horrek biktimei samina eragin diezaiokeela uler zezatela eskatzen genien. Uste dut gaurko adierazpena enpatia ariketa bat dela", nabarmendu du.
Halaber, indarkeria mota guztiak eta biktima guztiak aitortzeko deia egin du. "Bada garaia Estatuak bide horretan urratsak eman ditzan", esan du.
Bestalde, Consuelo Ordoñez Covite biktimen elkarteko presidenteak ere onartu du EPPKren adierazpena "bide onean emandako pausoa" dela, eta orain "emandako hitza betetzea" soilik falta dela erantsi du.
Ildo berean, berri ona dela esan du, "urteak daramatzagulako ekitaldi umiliagarri horiek salatuz".
"Berri on hau, hein handi batean, gure egiten dugu; izan ere, Covitek 2016tik darama bakardadean errealitate gordin hori salatuz", azaldu du.
Edonola ere, "inork ez dezala espero guk eskerrak ematea terroristei eta hiltzaileei omenaldi publikoak egiteari utziko diotelako", gaineratu du.
Bestalde, Agus Hernan Foro Sozial Iraunkorreko bozeramaileak ere nabarmendu du EPPKren adierazpena "garrantzitsua" dela, "bizikidetzari ekarpena egiten diolako".
"Erabaki horrekin, EPPK-k Euskal Herriko gehiengo sozial eta politikoarekin bat egiten du, indarkeriaren zikloaren ondorio guztiak konpontzeko helburu komunarekin", esan du Radio Euskadin.
Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.