Presoen harrerak modu "pribatuan" egiteko nahia erakutsi du EPPK-k, biktimei minik ez eragiteko
Presoei espetxetik ateratzean egiten zaizkien harrera ekitaldiak modu "pribatuan eta diskretuan" burutzeko borondatea erakutsi du Euskal Preso Politikoen Kolektiboak (EPPK), "azken hilabeteetan bide horretatik" ari direla gogoratuz.
Berria eta Naiz komunikabideetara bidalitako agiri batean, EPPK-k dio badirela harrera ekitaldi horiengatik "samina sentitu dutela zintzoki azaldu duten pertsonak", eta erantsi min hori ulertzen dutela: "Gure iraganeko militantzian egindako ekintzen ondorioz kaltetutako pertsonak dira eta minduta sentitu daitezkeela ulertzen dugu".
Gauzak horrela, "aurrerantzean, harrerak hurkoen artean eta esparru pribatuan" jaso nahi dituztela azpimarratu dute.
Urtez luzez eta baldintza gogorretan espetxean egon ostean, presoek beren senide eta lagunen besarkada jasotzeko eskubidea dutela nabarmendu dute, baina, aldi berean, aitortu dute ekitaldi publikoek biktimei samina eragin diezaieketela.
"Argi adierazi nahi dugu mina hori arintzen lagundu nahi dugula, aukera berriak sortuz, zauriak ixten hasteko eta euskal jendartean bizikidetza sendotzeko", aipatzen dute agirian.
Testuinguru horretan, presoen artean hausnarketa egin dutela eta harrera ekitaldiak modu pribatuan eta diskretuan egitea beharrezkoa dela ondorioztatu dutela adierazi dute.
Erabaki hori euskal presoek "bizikidetzari, bakeari" eta eurena eta euren senideena "ez ezik besteen sufrimendua ere aitortzeari" egiten dioten "ekarpen indibidual eta kolektiboa" dela ziurtatu dute.
Bestalde, ongietorrien gaia "hainbat alderdik eta eragilek" konfrontazio politikoa bilatzeko baliatu dutela salatu dute eta arduragabekeriaz aritzea leporatu die. "Guk ez dugu polemika antzurik elikatuko; guk arduraz eta modu eraikitzailean jokatuko dugu", agindu dute.
"Ez gara hasitako bidetik aldenduko; jarrera ezkorretan eroso sentitzen direnen aitzakiak agerian geratzen ari dira euskal jendartearen aurrean", erantsi dute.
Amaitzeko, gogora ekarri dute ETAk duela 10 urte amaitu zuela betirako bere jarduera armatua eta kritikatu dute sektore batzuetatik "bakea oztopatzen" eta "harrezkero eman diren pauso guztiak saboteatzen" saiatu direla, "mendua bilatuz, gatazka desitxuratzeko kontakizun faltsua inposatzeko borondatearekin eta irabazleen eta galtzaileen kontakizuna elikatuz".
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.