Eusko Legebiltzarrak uko egin dio EH Bilduk proposatutako Ikus-entzunezkoen Euskal Kontseilua sortzeari
Eusko Legebiltzarrak atzera bota du EH Bilduk Ikus-entzunezkoen Euskal Kontseilua sortzeko aurkeztutako lege-proposamena. EH Bilduk organo independente bat sortzea proposatzen zuen, Euskal Herriko komunikabide publiko naiz pribatuetan ikus-entzunezko edukiak arautzeko eta zehapen-araubide bat ezartzeko.
Koalizio abertzalearen lege proposamenak Elkarrekin Podemos-IU taldearen babesa baino ez du izan; Ganberako gainerako alderdiek ekimen legegilearen aurka bozkatu dute.
Eusko Jaurlaritzak joan den ekainean adierazi zuen lege-proposamen hori aintzat hartzearen aurkako irizpidea zuela, eta baztertu egin zuen hura tramitera onartzea; orduan esan zuenez badaude proposamenak planteatzen dituen gai horiek berak aztertzen dituzten eta "behar bezala" funtzionatzen duten beste organo eta foro batzuk.
Legebiltzarreko eztabaidan, Jasone Agirre EH Bilduko legebiltzarkideak esan du Eusko Jaurlaritzak baduela eskumena kontseilu hori sortzeko, bai eta ikus-entzunezko lege bat sortzeko ere; hori dela eta, uste du proposamen honi uko egitea "utzikeria ozena" dela, eta deitoratu du ez dutela "eztabaidatzeko ere aukerarik" eman.
"Txarragoa dena, zuek ez duzue proposamenik. Ez dute ezer eskaintzeko, ez ona ez txarra. Lehengo lepotik burua. Ez duzue maila eman. Ez diezeue aurre egin nahi gurea bezalako estaturik gabeko nazio txiki baten komunikazio-erronkei. Ez duzue ikus-entzunezkoak arautzeko beharrik ikusten, gure nortasunak, kulturak eta hizkuntzak bizirik iraun dezaten?", galdetu du.
Gustavo Angulo Elkarrekin Podemos-IUko legebiltzarkideak kritikatu duenez, Gobernuak eta hura sostengatzen duten talde parlamentarioek "eztabaida amaitutzat ematea erabaki dute, herritarrei informazioaren gizartean tresna erabilgarri bat kenduz". Gainera, ohartarazi duenez, "gauden komunikazioaren gizartean, ikus-entzunezkoen gizartean eta egunean ia bost orduko telebistarekin, ez da hura kontrolatuko duen inor egongo".
Botoaren azalpena
Joseba Diez EAJko legebiltzarkideak azaldu duenez, gaur egun Euskadin komunikabideak kontrolatzeko foroak badaude, eta kontseilu hori sortzeak aurrekontu "oso garrantzitsua" bideratuko lukeela uste du eta "arretaz aztertu beharrekoa" dela nabarmendu.
Azaldu duenez, Jaurlaritzak bezala, EAJk ere ez du kontseilua "beharrezkotzat" jotzen, eta "zuhurtzia" eskatu du, ikus-entzunezkoen sektorea "etengabe eraldatzen" ari delako. "Ikus-entzunezkoak arautzeko kontseilu bat sortzea beharrezkoa dela uste badugu, sektorea egonkor dagoen une batean izan behar da", defendatu du.
Miren Gallastegi PSE-EEko legebiltzarkidearen ustez, EH Bilduren lege-proposamena "ez dago behar bezala formulatuta, ez legegintza-teknikaren ikuspegitik, ezta ikuspuntu juridiko materialetik ere", eta proposamen horretan planteatutako gaiak "existitzen diren eta behar bezala funtzionatzen duten beste organo eta foro batzuek bideratu eta kudeatzen dituzte" dagoeneko.
Luis Gordillo PP+Cs alderdiko legebiltzarkideak azaldu duenez, "formazko eta sakoneko" arrazoiengatik eman dute kontrako botoa; izan ere, uste du proposamen horrek legegintza-teknika "oso eskasa" duela eta zehapen-araubidea "ez dela konstituzionala". Era berean bere ustez "proposamena bera ez da serioa", organo horrek "azkenean, Euskadin helbideratuta dauden hedabideei lehiakortasuna kenduko" diela eta diru-laguntzen menpe egotera bultzatuko dituela uste baitu.
Aurkako txandan, Kontseilua sortzea errefusatu du Amaia Martinez Vox alderdiko legebiltzarkideak, "Estatuaren gastua handitzeko txiringito berriak" sortzea dela uste baitu, "herritarren ahalegin fiskalaren kontura, lagunentzako enplegu-agentzia berriak sortze aldera".
Zure interesekoa izan daiteke
Alberto Alonsoren ustez, "kezkagarria da" Martxoaren 3ko Memoriala atzeratzea, baina 2026an proiektuetan lanean hastea espero du
Gogora Memoriaren, Bizikidetzaren eta Giza Eskubideen Institutuaren zuzendari den Alberto Alonsok adierazi duenez, 1976ko Martxoaren 3ko Memorialaren atzerapena "kezkatzeko moduko puntuan" badago ere, "urtea amaitu baino lehen hitz egiten hastea" espero du. Gabonetako jaiotzen arazoa "konpontzeko bidean" denez, 2026an etorkizuneko proiektuetan lanean hastea espero du Alonsok.
Esteban: "PP eta bere gertuko hedabideak EAJ Cerdanen sarearekin lotzen saiatzen ari dira"
Aitor Esteban EBBko presidenteak Alderdi Popularraren eta "gertuko hedabideen" EAJ Cerdanen sarearekin lotzeko "saiakera" salatu du, baina "ezertxo ere ez" dagoela azpimarratu du. "Lasai gaude, eta ez dizkigute lehertuko benetakoak ez diren lau titular", gaineratu du. Estebanek azpimarratu du behin baino ez zela bildu Santos Cerdan PSOEko Antolakuntza idazkari ohiarekin Mariano Rajoyren aurkako zentsura-mozioa negoziatzeko.
Jon Hernandez (Sumar): "40 urtez diktaduraren aurka borrokan sakrifikatu ziren emakumeez eta gizonez oroitu nahi dugu bereziki"
Jon Hernandez Sumarreko legebiltzarkideak, ostegun honetan, Francisco Francoren heriotzaren 50. urteurrena dela eta, "lau hamarkadatan diktaduraren aurka borrokatu zuten milaka emakume eta gizonek" bete duten papera aldarrikatu du. Pertsona horiek eta defendatzen zuten arrazoia gogoratzearen garrantzia azpimarratu du, "gaur egun ditugun askatasunak eta demokrazia mugatua diktaduraren aurka borrokatu zuten pertsona horiei guztiei esker baita batez ere".
Aitor Esteban: "Franco hil zenean ez zen gertatu apurketa bat eta horrek ondorioak ekarri ditu"
Bilbon egindako prentsaurreko batean, Aitor Esteban EAJren EBBko presidenteak Francisco Franco diktadorearen heriotzaren 50. urteurrena izan du hizpide. 50 urte geroago frankismo garaiko Sekretu Ofizialen Legea indarrean dagoela salatu du: "lege horrek argitasuna eman beharrean iluntasuna jartzen du lehenaldi horretaz”.
Alonso Egurrolari lotutako Noran eta Erkolan kooperatibei buruzko dokumentazioa eman dio Eusko Jaurlaritzak Guardia Zibilari
UCOk Eusko Jaurlaritzari Noran eta Erkolan kooperatibei buruzko informazioa eskatu zion joan den astean. Enpresa horietan kontratatu zituzten Francisca Muñoz eta Belen Cerdan, Santos Cerdan PSOEren Antolakuntza idazkari ohiaren emaztea eta arreba, hurrenez hurren.
Eusko Legebiltzarrak minutu bateko isilunea egin du, GALek 1984an erail zuen Santi Brouard omentzeko
Legebiltzarkideek zutik eta minutu bateko isilunearekin eginda omendu dute GALek 1984ko azaroaren 20an hildako Santi Brouard Herri Batasunaren buruzagia.
EH Bilduk, ERCk eta BNGk monarkiarekin apurtzea eskatu dute, "frankismoaren herentzia" baita, horrela "benetako demokrazia" lortzeko
Frankismotik etorritako egiturari eusteak agerian uzten du, alderdi horien arabera, ez dela "benetako demokraziarik egongo Estatuaren buruzagitza herriak aukeratzen ez duen bitartean, eta hala euskal nazioari nola katalanari eta galegoari erabakitzeko eskubidea ukatzen zaien bitartean".
Torturaren beste zazpi biktima aitortu ditu Nafarroako Gobernuak
Orain arte, 94 pertsona aitortu ditu Nafarroako Gobernuak ofizialki indarkeria politikoaren biktima gisa 16/2019 Foru Legearen esparruan. Nafarroako Torturatuen Sareak eta Egiari Zorrek osatzen duten 'Egiaren garaia da' dinamikak begi onez ikusi ditu ebazpenak, eta bide horretan sakontzen jarraitzeko eskatu dute.
Zer geratzen da gaur egun frankismotik?
Duela 50 urte frankismoaren amaierak ez du esan nahi bere nortasun ikur guztiak desagertu direnik. Francoren erregimena elikatu zuen oinarri ideologikoak bizirik dirauela ohartarazten dute adituek.
Santos Cerdanek "gezurrak eta manipulazioak" salatu ditu espetxetik irtetean
Santos Cerdan PSOEko Antolakuntza idazkari ohiak asteazken honetan salatu duenez, "gezurrak" eta "manipulazioak" zabaldu dituzte bere inguruan. Horrez gainera, senideen eta lagunen babesa eskertu du eta "egia gailentzea" espero du. Soto del Realgo (Madril) espetxetik 19:15 aldera atera denean egin ditu adierazpenok, Auzitegi Goreneko epaileak aske uztea erabaki ostean.