Nafarroako eta Espainiako gobernuek Hitzarmen Ekonomikoa berritzeko akordioa egin dute
Nafarroako eta Espainiako gobernuek akordioa egin dute bi administrazioen arteko Hitzarmen Ekonomikoaren Legea berritzeko.
Guztira, Nafarroaren eta Estatuaren arteko finantzazioa eta zergak arautzen dituzten 28 artikulu, sei xedapen gehiago eta zazpi xedapen iragankor eguneratuko dituzte.
1990ean indarrean jarritako Itun Ekonomikoaren seigarren eguneratzea izango da. Oraingoz, baina, Nafarroak Estatuari egin beharreko ordainketaren zenbatekoa kalkulatzeko modua bere horretan geratuko da.
Elma Saiz Ekonomia eta Ogasun kontseilariak azpimarratu du bi gobernuen arteko harreman ona dela eta gaur iragarritako ituna horren erakusgarri dela.
Berrikuntzak zergen nahiz finantzazioaren esparruan izango dira. Hala, Nafarroako Ogasunak hiru zerga gehiago kudeatuko ditu: finantza-transakzioen gaineko zerga, zerbitzu digital batzuen gaineko zerga eta merkataritza elektronikoari lotutako balio erantsiaren gaineko zerga.
Horrez gain, Foru Ogasunaren kudeaketa eta ikuskaritza eta administrazioen arteko koordinazioa hobetzeko hobekuntzak adostu dituzte.
Geroa Bai eta EH Bildu abstenitu egingo dira
Bestalde, Geroa Baik eta EH Bilduk dagoeneko iragarri dute abstenitu egingo direla Itun Ekonomikoaren Legea erreformatzeko Parlamentuan egingo den bozketan.
Uxue Barkosek (Geroa Bai) kritikatu du akordiotik kanpo gelditu direla hainbat gai garrantzitsu, tartean kupoa kalkulatzeko modua, eta negoziaketa honen inguruko informaziorik konpartitu ez izana aurpegiratu dio Maria Chiviteren Gobernuari.
Gauzak horrela, abstentzioaren alde egingo dutela jakinarazi du.
Adolfo Araizek (EH Bildu) adierazi du akordioan jasotako puntu askorekin ados daudela, baina finantzazioari buruzko harremanagatik kezkatuta daudela erantsi du; izan ere, "aurrerantzean Nafarroako Parlamentuak ez du aukerarik izango Nafarroako Estatuari ordaindu beharreko zenbatekoa kalkulatzeko erabiltzen den indizearen gainean".
Horrela, bada, koalizio soberanistak ere abstentziora joko du bozketa egiten denean.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.