Lehendakariak esan duenez, “birusarekin denbora luzean bizitzen ikasi behar dugu, baita beste era batera ere”
Iñigo Urkullu lehendakariak "apaltasunez" aitortu du "ez dugula jakin gizarteari azaltzen birusarekin denbora luzean bizitzen ikasi behar dugula; bai eta, beste modu batera bizitzen ere".
Duela 85 urte Jose Antonio Agirre lehendakariak Gabonetako lehen mezuan nabarmendu zuen ideia bat gogora ekarriz hasi du Iñigo Urkulluk urte amaierako ohiko mezua: "Herritar orok du bere lanarekin, kapitalarekin eta jarduera intelektualarekin herriaren ongizate orokorrari laguntzeko betebeharra".
Ildo horretan, pertsona bakoitzaren ekarpenaren alde egin du ongizate orokorra lortzeko: "Gaur egungo ongizatea, guztion ongizatea, osasuna da".
Lehendakariak berriro ere oroitzapenean izan ditu covid-19aren ondorioz hildako pertsonak eta haien familiak, eta, berriro ere, profesional sanitario eta sozio-sanitarioen lana eskertu eta aitortu du, "asko zor baitiegu".
"Orduan bezala, gaur, atzo eta bihar, profesional asko ari dira arlo guztietan lanean, premia handiena duten pertsonen zerbitzura", esan du.
Pandemiarekin jarraituz, Urkulluk esan du "apaltasunez aitortu behar dugula pandemiari buruz oraindik gutxi dakigula eta egunero buru-belarri lanean jarraitu behar dugula egoera eta bilakaera aztertuz".
Halaber, "apaltasunez onartzen dugu, baita ere, munduko biztanleria osoa txertatzen ez den bitartean, aldaeren eragina jasaten jarraituko dugula".
Bestalde, lehendakariak esan du Eusko Jaurlaritzaren lehentasunezko konpromisoa pandemiari erantzutea izan dela, eta, horrekin batera, "gizartearen kezkak hurbiletik jarraitzea eta ondo ulertzea".
Era berean, onartu du osasun publikoaren, osasun emozionalaren, osasun ekonomikoaren eta osasun sozialaren arteko oreka mantentzea ez dela erraza izaten ari. Hori dela eta, jasotako kritikak onartu ditu eta egonezina erakutsi du "pandemia honen aurrean ezin izan baititugu beti irtenbideak eta ziurtasunak eskaini".
Nolanahi ere, esan duenez, jabetzen da "ez dagoela populismoaren edo demagogiaren aurkako txertorik, guztioi berdin eragiten digun errealitate baten aurrean".
Bestalde, Urkulluk adierazi du etorkizunari oinarri sendoez ekingo diola euskal gizarteak, "onartutako aurrekontu berria dugulako". Horri esker, azpimarraitu duenez, "oinarrizko zerbitzuak bermatzeko baliabideak ditugu: Osasuna, Hezkuntza, Gizarte-babesa. Baita ere ekonomia eta enplegua mantentzeko baliabideak ere".
Azkenik, nazioarteko egoerak kritikoa izaten jarraitzen duela eta erne jarraitu behar dugula azpimarratu ostean, konfiantza eta itxaropen sentimendua partekatu du: "pandemiaren bost olatu gainditu ditugu eta seigarren olatu hau ere gaindituko dugu".
Zure interesekoa izan daiteke
Espainiako Gobernuak biktima gisa aitortu du Josu Mujika eta legez kanpokotzat jo ditu haren kontrako epaiak
Mujika gaur 51 urte hil zuen Polizia Armatuak tiroz, Madrilen ETAko kideen aurka egindako operazio batean.
Zaballako preso baten heriotza salatu eta gardentasun handiagoa eskatu dute
Salhaketa Araba elkarteak gertatutakoari buruzko gardentasun handiagoa eskatu du, eta zalantzan jarri du hil aurretik 60 urteko presoari emandako arreta. Elkartearen esanetan, gertatutakoa "ezin da gertaera isolatu gisa ulertu".
Segurtasunaz gehiago eta eskumenez gutxiago arduratzeko gomendatu dio PPk Zupiriari
PPren Legebiltzarreko bozeramaileak deitoratu duenez, sailburua "ez dago egon behar duen horretan", eta "segurtasunaz eskumenez baino gehiago kezkatuko balit", bere ustez, "polizia hobeto hornituta egongo litzateke".
Espainiako Gobernuak Armada bidaliko du Ceutara, sortu den "migrazio-krisian laguntzeko"
Milaka pertsonak zeharkatu dute gaur Marokotik Ceutarako muga, kontrolik gabe. Horietako asko, Tarajal kai muturretik sartu dira, batzuk igerian eta beste batzuk kostaldetik oinez. Bertako agintariek emandako datuen arabera, gutxienez, 14 migratzaile hil dira.
Espainiako Poliziak Bilbon egindako esku hartzea "onartezina" izan dela esan du berriz Zupiriak
Bingen Zupiria Eusko Jaurlaritzako Segurtasun sailburuak Euskadi Irratian egin dioten elkarrizketan azpimarratu duenez, polemika hau ez da hasi Espainiako Poliziak egindako atxiloketekin, Espainiaren futbol partidaren harira izan ziren istiluekin baizik.
Zapateroren eta haren alaben eta idazkariaren kontuei buruzko informazioa eskatu die banketxeei Calama epaileak
Auto batean, Plus Ultra auziaren ardura duen magistratuak dio zantzuak daudela esateko Espainiako Gobernuko presidente ohiak "egitura antolatu bat" zuzentzen zuela, bezero jakin batzuei mesede egiteko, legez kanpoko jardueren bidez.
Jon Insaustik afari solidarioak bizilagunak gizarteratzea eta laneratzea errazteko kudeatzearen alde egin du
Afari solidarioen debekuak piztu duen polemikaren harira, Donostiako alkate Jon Insaustik, asteazken honetan, azaldu du ekimenak administrazioaren erantzuna behar duela, eta gizarteratzea eta laneratzea sustatzera bideratuta egon behar duela. Era berean, nabarmendu du inguruko udalerriek ere neurri horiek lehenago edo geroago hartuko dituztela.
Etxanobek itun handia proposatu du Bizkaiaren etorkizuna eraikitzeko
Urtero legez, Bizkaiko aldundiak San Inazioko harrera ekitaldia egin du. Bizkaiko eta Gipuzkoako patroiaren eguna ospatzeko abuztu aurreko azken ekitaldi politiko nagusia da, eta ordezkari ugari biltzen du. Elixabete Etxanobe ahaldun nagusiak itun handi bat proposatu du Bizkaiaren etorkizuna eraikitzeko. Lurraldeen arteko aldeak eta berezitasunak errespetatu egin behar direla adierazi du, benetako berdintasuna lortzeko.
Bi urteko kartzela-zigorra, sare sozial batean terrorismoa goratzeagatik eta ETAren biktimak umiliatzeagatik
Atxilotuari haur-pornografia ere aurkitu zioten konfiskatutako gailuetan.
Espainiako Poliziako sindikatuek Zupiriaren adierazpenak kritikatu dituzte
Espainiako Poliziaren Konfederazioak ziurtatu du ez duela Eusko Jaurlaritzaren baimenik eskatu behar lurralde horretan jarduteko; bitartean, Sindicato Unificado de Policiak (SUP) Zupiriari aurpegiratu dio "10 egun" izan dituela erasoak ikertzeko.