Estrasburgoko Giza Eskubideen Auzitegiak ez du aintzat hartu Altsasuko gazteen eskaera
Estrasburgoko Giza Eskubideen Europako Auzitegiak atzera bota du Altsasuko auzian zigortutako gazteek egindako eskaera. Altsasuko auzian kondenatutako zazpi gaztek babes bila jo zuten Estrasburgora, bidezko epaiketarik ez zutela izan eta neurriz kanpoko zigorrak ezarri zizkietela argudiatuta. Giza Eskubideen epaitegiak, ordea, atzera bota ditu eskaera guztiak.
Horrela jakinarazi du gazteetako batek, Iñaki Abadek, sare sozialetan zabalduriko mezu batean.
Amaia Izko Altsasuko gazteen abokatuetako batek erabakiaren inguruko lehen balorazioa egin du Euskadi Irratian: "Pena da itxaropena baigeneukan Estrasburgoko tribunalak aztertuko zuela kausa hau. Pena da, ez da horrela izango, baino horrek ez die balioa kentzen gizarteak irregulartasun eta eskubide urraketa horietaz egiten duen irakurketari, hausnarketari eta atera dituen ondorioei. Horrekin gelditu nahi dugu".
Ildo beretik mintzatu da Altsasu Gurasoak plataforma, eta "zapore gazi-gozoa" dutela aitortu dute gazteek eta euren familiek. Antton Ramirez de Alda familien bozeramaileak nabarmendu duenez, Auzitegiak eskaerak ez onartzeak "ez dio kentzen balioa gure salaketari eta bideari. Oso injustua izan zen dena, eta hori argi geratu da. Horrekin geratu gara, eta gizarteak ere berdin pentsatzen duela uste dugu".
Espainiako Auzitegi Gorenak urtebete eta 9 urte eta erdira arteko kartzela-zigorrak ezarri zizkien Altsasuko gazteei, terrorismo deliturik ez zela izan ondorioztatuta eta Auzitegi Nazionalak ezarritako zigorra pixka bat arinduta.
Zure interesekoa izan daiteke
Maduroren aurkakoen poza, atxiloketa ospatzean, Bilbon
Euskadin, Venezuelako komunitatea bereziki ugaria da Bizkaian, eta gaur arratsaldean Nicolas Maduroren atxiloketa ospatzeko elkarretaratzea egin dute Bilboko udaletxearen aurrean. EAJko eta PPko kideak ere bertan izan dira.
Venezuelari egindako "eraso inperialista" salatu dute ehunka lagunek Hego Euskal Herriko hiriburuetan
Hainbat eragile politiko, sindikal eta sozialek osatzen duten Hegoak plataforma internazionalistak deitu ditu elkarretaratzeak "Eraso inperialistarik ez. Venezuelak burujabetza. Herriarekin bat! "lelopean. EH Bildu Podemos eta IUNen babesa izan dute.
EH Bilduk "nazioarteko zuzenbidea suntsitzea" eta "Europako hauteskundeetan parte hartu nahi izatea" leporatu dio Trumpi
“Trumpek hasiera eman dio bere plan inperialistari, eskuin-muturrari eta boteretsuei mesede egiteko helburuarekin”, esan du Igor Zulaikak, EH Bilduren Nazioarteko Politika eta Harremanetarako arduradunak. “Bakearen, demokraziaren eta autodeterminazio eskubidearen alde elkartu gara”, gaineratu du.
Sanchezek legegintzaldia amaitzeko konpromisoa berretsi dio militantziari, eta "ausardia eta irmotasuna" eskatu ditu
Espainiako Gobernuko presidenteak "irmo" gaitzetsi du AEBk Venezuelaren aurka egindako erasoa, eta nazioarteko zuzenbidearen defentsa berretsi du.
Venezuelaren aldeko elkarretaratzeak deitu dituzte Hego Euskal Herrian
Deialdia sare sozialen bidez zabaldu dute. Igande honetan egingo dituzte protestak, 12:30ean, Donostiako Boulevardean, Venezuelak Bilbon duen kontsulatuaren aurrean eta Iruñeko Udaletxe plazan. Ordu erdi geroago, Gasteizko Andre Maria Zuriaren plazan elkartuko dira. Besteak beste, EH Bilduk parte hartuko du bilkura horietan.
Sarek datorren larunbatean Bilboko kaleak betetzeko deia egin du, salbuespenezko politiken amaiera eskatzeko
Datorren larunbatean, hilak 10, ETAko presoen "eskubideen urraketen amaiera eskatzeko" urtero egiten duen mobilizazioan parte hartzeko dei egin dio Sare herritar sareak euskal jendarteari. Manifestazioa "jai giroan" egingo dela eta Alde Zaharrean jarduerak izango direla iragarri dute. Hainbat pertsona ezagunek eramango dute pankarta, Francis Diez abeslaria izango da tartean, eta, besteak beste, Pantxoa eta Peio arituko dira amaierako ekitaldian.
Valentziako goialdeko depresioaren egunean Mazonekin izandako mezu guztiak epaileari bidali dizkio Feijook
Urriaren 29an Mazoni bidalitako "mezu guztiak" igorri dizkiola esan dio PPko buruak epaileari, argi utzita ez dutela "txat horretako mezurik ezabatu". Halaber, Generalitateko presidente ohiaren mezuak eta erantzunak irakur daitezke ere bai.
Urtarrilaren 10ean egingo du EH Bilduk Batzar Nagusia, "Elkarrizketa Nazionalaren" balantzea egiteko
Koalizioaren ustez, 2026 urtea euskal politikagintzan gakoa izango da, eta "lokatzetan dabiltzanen" aurrean egindako lan "konprometitu eta leiala" aldarrikatu du.
EAJ: oposizioa haserre dago herri akordio handietan sartzen ez delako
Joseba Diaz Antxustegi EAJren Legebiltzarreko bozeramaileak nabarmendu duenez, Euskadiko oposizioa "haserre dago herrialdeko akordio handietan sartzeko gai ez izateagatik", eta haserre horrek "Madrilgo giro politikoaren polarizazioa eta zarata Euskadira ekartzera eraman ditu".
Pradalesek "bere etxea zaindu eta gobernatu" nahi badu, "etxebizitzarako eskubidea bermatzetik" hasi behar duela adierazi du Podemosek
Richar Vaquero Podemos Euskadiko koordinatzaile nagusiak adierazi duenez, bere alderdiak espero du Euskadin "inor ez dela legez kanpokotzat joko", migratzaileei erreferentzia eginez, eta euskarak "batzeko" balio izatea.