Altsasuko gazteek epaiketa justua eduki zuten aztertuko du Giza Eskubideen Europako Auzitegiak
Giza Eskubideen Europako Auzitegia (ECHR, ingelesez) Altsasu auzia aztertzeko prest da. Zigortutako zortzi gazteen defentsek aurkeztutako helegiteen harira, lehen lauak aztertzeko bideari ekin diola jakinarazi berri du Estrasburgok, eta horrenbestez, gazteok epaiketa justua eduki ote zuten ebazteko bidean lehen pausoa eman du auzitegiak.
Zigortutako zortzi gazteen defentsako hiru abokatuk EITB Mediari baieztatu diotenez, Estrasburgoko auzitegiak jakinarazpena bidali berri die, aurkeztutako helegiteak aztertzeko bideari ekin diola-eta.
Amaia Izkok (Jokin Unamuno eta Ainara Urkijoren defentsa abokatua), Jaione Karrerak (Adur Ramirez de Aldarena), Eva Gimbernatek (Jon Ander Cob) eta Manuel Ollek (Julen Goikoetxea) behintzat jaso dute egiaztapena. Izan ere, abokatu horiek izan ziren Europan helegitea aurkezten lehendabizikoak.
Hain justu, Amaia Izko elkarrizketatu dute Euskadi Irratian, eta ohartarazi duenez, gaur iragarritakoa "lehen galbahea" baino ez da, eta ez du aurreratzen zein izango den Estrasburgoren ikuspuntua.
Altsasuko gurasoek, Twitterren duten profilaren bitartez, Amaia Izkoren baieztapenaren berri eman dute:
Defentsek urtarrilean aurkeztu zituzten helegiteak. Aurrez, 2019ko urrian, epai irmoa eman zuen Auzitegi Gorenak. Auzitegi Nazionalak ezarritako zigorrak apur bat arindu zituen Goreneko Zigor arloko Salak, eta hala, 2-13 urtekoak izan barik, urtebete eta erdi eta bederatzi urte eta erdi artekoak ezarri zituen.
Zortzi gazteen abokatuek irregulartasun ugari salatu zituzten Auzitegi Nazionaleko epaiketan, eta horiek dira, hain justu, Europara eraman dituztenak.
Alde batetik, Altsasuko gazteen kontrako prozedura berme juridikorik gabe egin zela salatu zuten. Ildo horretan, instrukzio fasean defentsaren aurkeztutako hainbat froga eta lekuko onartu ez zituztela gogorarazi zuten.
Bestetik, kasua eraman zuen Concepcion Espejel Auzitegi Nazionaleko epailearen inpartzialtasun falta salatu zuten, baina Auzitegiak baztertu egin zuela hura auzitik kanpo uztea.
Azkenik, Altsasuko Koxka tabernan gertatutakoa ikusita, zigorrak proportzionalak izan ez zirela salatu zuten.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.