Bizitzeko Gutxieneko Errentaren inguruko polemikak ez dio EAEko koalizio-gobernuari eragingo, EAJren hitzetan
Polemika piztu da PSOE eta EAJren artean, azken egunotan, Bizitzeko Gutxieneko Errentaren eskumenaren transferentzia dela eta, eta gai hori izan dute hizpide, besteak beste, Radio Euskadiko "Parlamento en las Ondas" saioan. Aitor Urrutia jeltzalearen ustez, "negozioazioa zabalik" dagoela nabarmendu du eta ukatu egin du Espainiako Gobernuarekin duten desadostasunak EAEko koalizio-gobenuari eragingo dionik. "Arazoa Madrilen" dagoela esan du, eta "han adostutakoa ez betetzea onartezina" dela iritzi dio. "Behin behineko transferentziarik" ez dutela onartuko zehaztu du.
Espainian gobernukide diren PSEko eta Elkarrekin Podemos-IUko ordezkariak, berriz, ziur agertu dira eskualdatzea egingo dela, eta "Sanchezek Euskadirekin duen konpromisoa zalantzan jartzeak" ez duela zentzurik esan dute. Negoziazio mahaiari "lanean utziz gero" eta bi aldeen arteko "ika-mika baretuta" akordioa erdietsiko dela adierazi dute.
Bestalde, Nerea Kortajarena EH Bilduko legebiltzarkidea kezkatuta adierazi da, eskualdatzea "atzeratu" daitekeelakoan. Horren hitzetan, "Bizitzeko Gutxieneko Errenta erreminta oso inportantea" da, "pertsona zaurgarrienen bizitza hobetzeko". Caritas elkarteak kaleratu berri duen ikerketa bateko datuak ekarri ditu gogora Kortajarenak, gizarte bazterkerian dauden pertsonen kopurua nabarmen hazi dela nabarmentzeko.
Azkenik, Laura Garrido PP-Cs taldeko ordezkariak salatu du "Gobernu ezegonkor" bat dugula parez pare, eta alderdi abertzaleek Pedro Sanchez Espainiako presidenteari inbestidura saioan emandako babesaren ondorioak ari garela ikusten.
Zure interesekoa izan daiteke
Informatzaile batek CESIDi jakinarazi zion Juan Carlos I.a militar kolpistekin bildu zela, epaiketak Errege Etxea kaltetu ez zezan
Dokumentuak jasotzen duenez, erregea Milans del Bosch kolpistarekin bildu zen. Zerbitzu sekretuak sinesgarritasuna ematen dio informazioari, eta “goi-mailako ezagutza” mailara igo zuen.
Dokumentu desklasifikatuek agerian utzi dute CESIDeko sei agente O23an inplikatuta egon zirela
Defentsa Ministerioak argitaratutako txostenen arabera, unitate berezi bateko kideek kolpe-saiakeran parte hartu zuten, eta haien jarduna estaltzen saiatu ziren.
Tejeroren elkarrizketak eta CESIDen oharrak, desklasifikatutako O23ko dokumentuen artean
Dokumentazioa Moncloako webgunearen bidez eskura daiteke, eta hainbat ministeriotatik datozen 153 dokumentu biltzen ditu, estatu-kolpe saiakeraren aurrekoa eta ondorengoa barne.
Yolanda Diazek iragarri du ez dela hautagai izango 2027ko hauteskunde orokorretan
Espainiako Gobernuko bigarren presidenteordeak Bluesky sare sozialean argitaratutako mezu baten bidez eman du erabakiaren berri, eta Lan Ministerioan izandako agintaldiaren balantzea egin du.
Karmele Tubillak ostegunean utziko du Santurtziko alkate kargua
EAJk oraindik ez du baieztatu nor izango den Tubilla ordezkatzeko hautagai jeltzalea.
O23ko paperekin herritarrekiko zor bat kitatu dela adierazi du Sanchezek
Kongresuko kontrol saioan, Mertxe Aizpurua EH Bilduren Kongresuko bozeramaileak ontzat jo du erabakia, baina, haratago joateko eta GALen eta Mikel Zabalzaren hilketaren inguruko sekretuak ere altxatzeko eskatu dio presidenteari, "euskal jendartearentzat garrantzia handiko" kasuak direlako.
Euskadiko PPren ustez, ez da beharrezkoa M3aren eta Mikel Zabalzaren heriotzaren inguruko dokumentuak desklasifikatzea: "Badago ekintza horiei buruzko informazioa"
Horretaz gain, Laura Garrido PPk Legebiltzarrean duen bozeramaileak EAJren estrategia kritikatu du, ETAko presoei espetxe onurak eman baitie. "Argi dago EH Bildu zuritzen ari direla", gaineratu du.
Nor izan zen nor otsailaren 23an? Estatu-kolpeari buruzko agirietan kokatzeko gida
Tejerok gidatu zuen pasarte ilun hura eta bera izan zen protagonista nagusia, baina bigarren mailako rola hartu zuten beste hainbat aktore izan ziren.
Fiskaltzak Txeroki erdi-askatasunean jartzea babestu du, baina Frantziako biktimei barkamena eskatzeko exijitu du
Uste du “bidezkoa” dela erregimen hori ETAko buru ohiari aplikatzea, espetxean izan duen “bilakaera” kontuan hartuta.
Martxoak 3 elkarteak Espainiako Gobernuari eskatu dio 1976ko martxoaren 3ko krimenetan Estatuaren erantzukizun nagusi eta zuzena aitortzeko
Elkarteak “adierazpen ofizial bat” eskatu du, “bertsio ofizial frankista gezurtatzeko eta Espainiako Erresuma poliziaren jarduera kriminalaren erantzule dela aitortzeko”.