Elizan adingabeei egindako sexu abusuei buruzko ikerketa batzordea eskatu dute EH Bilduk, ERCk eta Podemosek
Eliza katolikoak adingabeei egindako sexu abusuak argitzeko ikerketa batzordea sortzeko eskaera erregistratu dute EH Bilduk, ERCk eta Unidas Podemosek gaur goizean Diputatuen Kongresuan. PSOEren babesa jasotzea espero dute orain.
Ekimenaren sinatzaileen arabera, "Eliza katolikoaren eta botere politikoaren egitura patriarkalek errealitate hori eta haren biktimak ikusezin bihurtu dituzte hamarkadetan zehar". "Guztioi eragiten digun" arazoa dela iritzita, uste dute Kongresuaren fokuan jarri behar dela, ikerketa-batzorde baten bidez.
Hiru talde politikoek nabarmendu dutenez, "ikerketa-batzordearen azken helburua beharrezko informazioa izatea da, hori jasan duten biktimei erreparazioa, prebentzioa eta arreta emateko politika publikoak planifikatu ahal izateko".
"Pilota PSOEren teilatuan dago"
Bel Pozueta EH Bilduko legebiltzarkideak gogorarazi du lehen aldia dela Kongresuan hori planteatzen dena: "Orain pilota PSOEren teilatuan dago, argi eta garbi". Hala, Pedro Sanchezen alderdiari eskatu dio tramitera onar dezala aurkeztu duten proposamena.
Pozuetaren ustez, batzorde hori sortzean, "garrantzitsua da sexu-indarkeria hori bizi izan duten pertsonek kontatzen dutena aitortua dela ikustea, kontzientziazioa egon dadin eta berriro gerta ez dadin; izan ere, orain arte Eliza katolikoak sahiestu eta estali egin ditu erasook, eta bada garaia egia ezagutzeko", gaineratu du.
Eskaera horretan, Frantziako Elizaren barruan egindako sexu-erasoei buruzko ikerketa independente bat ere aipatu dute hiru talde politikoek. Frantziako adibideari jarraituz, Espainiak ikerketan beste urrats bat eman behar duela uste dute, "biktimen eta biktimarioen kopuru kezkagarriak agerian utz ditzakeelako".
Era berean, Kongresuko ikerketa-batzordeak preskribatutako kasuen biktimen erreparazioa erraztu behar duela uste dute.
Albiste gehiago politika
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.