Donostiak plaka bat jarri du Eugenio Olaciregui ETAk duela 25 urte hildako herritarra oroitzeko
Donostiako Udalak plaka bat jarri du ETAk 1997an hil zuen Eugenio Olacireguiren omenez. Horrekin jada 20 dira ETAren eta bestelako indarkeria politikoen biktimei eremu publikoan ikusgarritasuna emateko jarritako oroigarriak.
Ategorrieta-Uliako Bordatxipi kaleko 14.ean izan da ekitaldia, eta aurrekoetan bezalaxe, omenaldi xume bat izan da, biktimaren senide eta lagunen, Eneko Goia alkatearen eta Udaleko ordezkari politikoen parte hartzearekin. Coro Villarta Olacireguiren alarguna eta Ainara eta Maialen alabak egon dira bertan.
Denis Itxaso Espainiako Gobernuak EAEn duen ordezkariak, Guillermo Echenique Gipuzkoako azpiordezkariak, Aintzane Ezenarro Gogoraren zuzendariak, Xabier Ezeizabarrena Gipuzkoako Batzar Nagusien presidenteak eta Gorka Landaburu kazetari eta ETAren biktimak ere parte hartu dute, besteak beste.
Eugenio Olaciregui Borda 39 urteko bizikleta saltzailea zen, eta ETAren tiro bat jaso zuen garondoan lanera joatear zela, duela 25 urte. ETAk "salataria" izatea egozten zion, Valentin Lasarte ETAko kidea atxilotzeko informazioa ematea, hain zuzen ere. Baina atxilotuak berak onartu zuen gero hankasartzea izan zela Olaciregui "jomugan" jartzea.
Udalak memoria berreskuratzea eta arrazoi politikoengatik hildakoei eremu publikoan ikusgarritasuna ematea bilatzen du gaurkoa bezalako ekitaldiekin.
Horregatik, Villartak eskerrak eman dizkio Udalari, "sufritutakoa jasota" geratzen delako oroigarriarekin.
Eneko Goiak, bere aldetik, gogorarazi du hilaren 30an beteko direla 25 urte "erabat injustua izan zen hilketatik". Alkateak "oroimen, babes eta gertutasun" mezua helarazi nahi izan die senideei, alargunari eta alabei bereziki, eta azpimarratu du "egia, zer gertatu zen eta nor izan zen jakiteko eta justizia egiteko eskubide osoa" dutela.
Zure interesekoa izan daiteke
Frantziako Fiskaltzak bete beharrik gabeko bost urteko zigorra eskatu du Josu Urrutikoetxearentzat
Frantziako estatutik behin betiko kanporatzea ere eskatu du fiskalak. Defentsak, berriz, ez kanporatzeko deia egin du. Auzia epaiaren zain geratu da. Uztailaren 2an emango dute jakitera.
Sanchezek eskatu du EB-Israel akordioa bertan behera uzteko, eta Netanyahuk Espainia kanporatu du Gazarako koordinazio zentrotik
Espainiako Gobernuko presidenteak ohartarazi du Israel nazioarteko zuzenbidea "nabarmen" urratzen ari dela Palestinan eta Libanon. Israelgo lehen ministroak, bestalde, Israelgo Armadako soldaduak difamatzea leporatu dio Espainiari.
Fiskaltzak ETAko buruzagi ohi Marisol Iparragirreri emandako erdi-askatasuneko erregimenaren aurka egin du
Fiskaltzak Espetxe Araudiaren 100.2 artikuluaren aplikazioa berrikusteko eskatu du; txostenak, baina, ez du Eusko Jaurlaritzaren erabakia eten.
Chivitek asteazkenean sinatuko du Hithiumen inbertsioa Nafarroan gauzatzeko akordioa, Pekinen
Horren helburua 400 milioi euroko inbertsioa eta 1.000 lanposturaino beharko dituen bateria enpresa ezartzeko urratsak aurreratzea da.
Fiskaltzak helegitea jarri du Konstituzionalean, Garcia Ortiz fiskal nagusi ohiaren aurkako epaiaren kontra
Ministerio Publikoaren arabera, Garcia Ortizen errugabetasun printzipioa urratu da prozesuan zehar eta ez dago froga nahikorik Alberto Gonzalez Amadorren abokatuak bidalitako mezu elektronikoa Fiskaltzak bidali zuela esateko.
Aitor Estebanek euskal selekzioen ofizialtasuna aldarrikatu du, “nazioarte mailan ikusgarritasuna izateko”
EAJren EBBko presidentea Mendozan izan da, Munduko Pilota Txapelketa antolatu duen hirian. Pilotako euskal selekzioaren ofizialtasuna lortu izanak duen “garrantzia” nabarmendu du bertan.
Euskal Hirigune Elkargoak larunbatean hautatuko du lehendakaria, eta gutxienez lau hautagai izango dira
09:00etan bilera hasi arteko epea duten arren, lau dira, momentuz, Elkargoa gidatzeko nahia adierazi dutenak: Jean Rene Etchegaray, Baionako auzapeza eta Elkargoko lehendakaria orain arteko bi agintaldietan; Alain Iriart, Hiriburuko ezker abertzaleko auzapeza; Peio Etxeleku, Kanboko auzapez jeltzalea, eta Pascal Lesellier, Baionako eskuin muturreko hautetsia.
Rufianek eta Monterok ezkerra batzea eskatu dute, Voxi aurre egiteko: "Bestela, banan-banan hilko gaituzte"
Gabriel Rufian ERCk Kongresuan duen bozeramaileak eta Irene Montero Podemoseko bigarrenak PSOEren ezkerretara dauden alderdien batasuna aldarrikatu dute, eta biek defendatu dute ezkerreko balizko fronte horien gidaritza euren alderdiek hartzea Estatuan eta Katalunian. "Betela, banan-banan hilko gaituzte", esan dute, Bartzelonan egin duten ekitaldia.
Carmen Panok Aldamaren aginduz Ferrazen 90.000 euro entregatu zituela berretsi du Gorenean
Enpresariak esan du 45.000 euroko bi ordainketa eraman zituela PSOEren egoitzara, eta Abalosek hidrokarburoen lizentzian egindako kudeaketengatik “etxe bat" nahi zuela adierazi du.
Otxandianok "haren kapital politikoa jartzeko" eskatu dio Pradalesi, "estatus politiko berriaren eztabaida erdigunean kokatzeko"
EH Bilduren Legebiltzarreko bozeramaileak gehiengo kualifikatuak eta giro politiko "nahiko aldekoa" direla aprobetxatzearen alde egin du, "herri akordioak, akordio nazionalak eta estatu ikuspegia duten itunak lortzeko" EAEn, bere ustez, eta egungo testuinguru historikoan, hori baita "herri honen interesak babesteko alternatiba zentzuzko bakarra".