Iturgaiz: "Gaztela eta Leongo emaitzek Gobernutik ateratzeko bidea ireki diote Sanchezi"
EAEko PPren presidente Carlos Iturgaiz elkarrizketatu dute astelehen honetan Radio Euskadiko 'Boulevard' saioan, non oso pozik agertu den popularrek Gaztela eta Leongo hauteskundeetan izandako emaitzekin. "Argi geratu da herritarrek aldaketa politikoa nahi dutela Espainian. Madrilen gertatu zen bezala, boz horiek Gobernutik ateratzeko bidea ireki diote Sanchezi", nabarmendu du.
Halaber, euskal politikaren gaur egungo egoeraz mintzatu da Iturgaiz, eta esan du hemen "terroristak zuritzen" dituztela. "Ez zaie axola haiekin akordioetara iristea. Aitzitik, eskuin muturrak ez du terroristarik buruzagitzan. Alderdi demokratikoekin gobernatzea da bidezkoena, eta horrek ezberdintzen gaitu gainerako indar politikoetatik", azpimarratu du. Horrekin, beraz, ez du baztertu Voxekin ituna egitea.
Ordea, 2023ko udal hauteskundeetan Ciudadanosekin aurkeztuko diren galdetuta, zalantzan jarri du koalizioa errepikatzea.
Hezkuntza akordioaz ere hitz egin du. Iturgaizen iritziz, EH Bilduk agintzen du horretan: "Orain EAErako hezkuntza legea nahi dute, eta aurrerago estatutu berria nahiko dute. Kataluniaren eredua dute xede, alegia, hizkuntza bakarra euskara izatea, eta pixkanaka gaztelania desagertzen joatea. Gainera, hezkuntza pribatuari trabak jartzen ari dira, publikoari ateak irekitzeko".
Azkenik, PSOEri buruz esan du EAJrekin haserre dagoela, jeltzaleek lan erreforma babestu ez zutelako. "Zailtasunak jartzen dabiltza, baina itxurakeria hutsa da. Izan ere, EAJk egiten dion guztia onartzen du PSOEk. Oposizioa egiten duen alderdi bakarra gurea da", bukatu du.
Zure interesekoa izan daiteke
Abortua Konstituzioan blindatzea onartu du Ministroen Kontseiluak, "dinamika atzerakoien aurrean"
Konstituzioaren erreforma honek hiru bosteneko gehiengoa behar du Kongresuan eta Senatuan, eta, beraz, gobernukideak oposizioko alderdiekin adostasunera iristen saiatu beharko dira.
Urtasun: "Teknikoei entzun behar zaie beti, eta ez dute batere gomendatzen lekualdatzea"
Kultura ministroak Eusko Jaurlaritzak 'Gernika' behin behinean, bonbardaketaren 90. urteurrenagatik, lekualdatzeko eskaerari balioa eman eta errespetua helarazi dio, baina aukera baztertu du. Igotz Lopez EAJko senatariak gogorarazi dio txosten teknikoa eskaera egin eta bi egunera egin zela, eta Madrilgo museoaren bideragarritasuna margolanarekin lotzen zuela.
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.
Eibar Memoria Demokratikorako Leku da, ofizialki, gaurtik
Estatuko Aldizkari Ofizialean argitaratutako ebazpenak jasotzen duenez, "Eibarko hiriak Memoria Demokratikoaren Leku gisa aitortzeko oinarriak biltzen ditu, errepublikaren legezkotasunaren defentsa aktiboaren nahiz nazioarteko zuzenbide humanitarioaren urraketa larrien agertoki izan baita".