Arriola: "Euskadiko alokairu-politikei bultzada handia eman nahi diegu"
Iñaki Arriola, Lurralde Plangintza, Etxebizitza eta Garraioetako sailburuak Radio Euskadiko "Boulevard Informativo" saioan azpimarratu duenez, Jaurlaritzatik bultzada eman nahi diote Euskadiko alokairu-politikei.
Hala, gogorarazi du duela gutxi onartu dela Euskadiko Etxebizitzaren aldeko Itun Soziala, epe ertain-luzerako akordio bat lortze aldera. Arriolak nabarmendu du azken urteetan aldaketa handia egon dela etxebizitzen eskarian, eta beharrezkoa dela etxebizitza bat eskuratzerako orduan gaur-gaurkoz dauden beharrizanei erreparatu eta egungo eredua aldatzea eta egokitzea.
Beste herrialde batzuetako ereduei balio eman die eta, Euskadin, orain arte jabetzako etxebizitzei garrantzia eman bazaie ere, "gure kultura aldatzea nahieztakoa" dela nabarmendu du, egungo eskariari aurre egiteko. Itun honekin 15 urtetan babes ofizialeko etxebizitzak bikoiztu nahi dira Euskadin.
Ildo horretan, eta Donostiako Udalak Easo ingurua berrantolatzeko egin berri duen proposamenari dagokionez (2024tik aurrera lurperatuko da, eta, besteak beste, 450-500 etxebizitza berri eraikitzea aurreikusten da zazpi eraikinetan), sailburuak argi dauka: "Etxebizitzak babes ofizialekoak izatea gustatuko litzaiguke. Hori izango da gure proposamena, hirian etxebizitza eskuratzeko aukera bat delako".
Espainiako etxebizitzaren legeak eskumen autonomikoak inbaditu ditzakeen galdetuta, Arriolak ezetz esan du. "Gure etxebizitza legea Espainiakoa baino askoz aurreratuagoa da", gaineratu du.
Garraioa Euskadin
Metro Bilbaoren 5. lineako obrei dagokienez, (metroa Galdakaoko Ospitaleraino eramango du), Arriolak gogorarazi du Patxi Lopezen garaitik diseinatuta zegoela, eta gauzatu ahal izateko Jaurlaritzaren eta Bizkaiko Foru Aldundiaren artean akordioa lortu dela.
Metroaren 4. lineaz, berriz, aitortu du, oraindik beste etapa batean dagoela: "Nahi izango bagenu ere, ezingo genuke hasi. Euskadiko Abiadura Handiko Trenari buruz sailburuak gogorarazi du akordio garrantzitsua lortu dela AHTa Gasteizera eta Bilbora sartzeko.
Azkenik, eta Pablo Casado bizitzen ari den egoeraren aurrean, Arriolak esan du espero duela egoera lehenbailehen konpontzea: "Tristea da Pablo Casadoren bakardadea, krudela da politika batzuetan".
Albiste gehiago politika
ETAko preso, iheslari eta deportatuak etxeratzeko eskatu du Sarek Bilbon, "gatazkaren ondorioak" gainditzeko
Urtero bezala, ETAko preso, iheslari eta deportatuak etxeratzeko eskatu du Sare mugimenduak Bilboko Aste Nagusian, “badelako garaia sufrimendua gainditu eta elkarbizitzarako zubiak eraikitzeko, indarkeria guztietako biktimak gogoan izanda”.
Ezkaban fusilatutako anarkista gazte baten gorpuzkiak familiari eman dizkiote
Nafarroako Gobernuko bigarren presidenteorde eta Memoria eta Bizikidetzako, Kanpo Ekintzako eta Euskarako kontseilari Ana Ollo izan du buru Ignacio Francisco Canedaren gorpuzkiak senitartekoei emateko ekitaldiak. AEBn jaiotako anarkista gazte hori Gerra Zibilean San Kristobal gotorlekutik ihes egiten saiatu ondoren fusilatu zuten. 1936ko ekainetik zegoen bertan preso, bere aktibismo politikoagatik.
Txiki eta Otaegiren oroimenezko muralari eraso egin diote Durangon
Haien aurpegiak eta muraleko leloa zirriborraturik agertu dira eta etarras idatzi dute erasotzaileek. Ernaik salatu duenez, "eraso faxistek eta espainolistek ez dute tokirik", eta murala auzolanean berregiteko deia egin dute.
Pernando Barrena: “Maliko etorkin guztiak gerratik ihesi datoz. Zein alde dago Malikoa eta Ukrainakoa izatearen artean?”
Erantzunean “oso jarrera arrazistak” ikusten ditu EH Bilduren europarlamentariak, eta, horiek desagerrarazi ezea, Europak asilo eskubidearen zentzua zaborrera botata izango duela salatu du Euskadi Irratian.
Ernaik independentziaren aldeko manifestazioa deitu du Donostian, irailaren 14an
'Ekin eta bultza' lelopean, Euskal Herriaren independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.