Torra ez da agertu gaur desobedientziagatik bere aurka egitekoak ziren bigarren epaiketara
Gaur ziren hastekoak Quim Torra Kataluniako presidente ohia berriro epaitzen, preso politikoen aldeko pankarta bat eta lazo hori handi bat Generalitateko Jauregitik kendu ez izana egotzita. 2019ko irailean eskegi zituen, eta azaroan eman zion Kataluniako Justizia Auzitegi Nagusiak kentzeko agindua. Desobedientziagatik epaitu behar zuten ostegun honetan, oraingoan, herritar soil gisa. Torra, baina, ez da epaitegira azaldu.
Dena dela, Bartzelonako Zigor-arloko 6 zenbakiko Epaitegiko titularrak auzi-saioa auzipetua bertan egon gabe egitea erabaki du. Epaiketaren hasieran, epaileak aldeei galdetu die ea akusatua ez egon arren, epaiketarekin jarraitzeko aukerarekin ados ote zeuden (legalki aukera dago espetxe-zigor txikiei eta 6 urtetik beherako desgaikuntza-kondenei aurre egiten zaienean).
Fiskaltzak epaiketa egitearen alde egin du, baita herri-akusazio gisa aurkeztu den Impulso Ciudadano plataforma ere, eta defentsak ez du aurka egin. Hori dela eta, epaileak auzi-saioa egitea erabaki du, kontuan hartuta, gainera, Torraren "komunikatu bat" ere egon dela tartean, ez zela agertuko esanez.
Komunikatu baten bidez presidente ohiaren bulegoak goizean azaldu du Torra ez dela joango epaiketa horretara, eta herritarrei eskerrak eman dizkie jazarpen judizialaren prozesu osoan emandako babesagatik.
Testuinguru horretan, Torrak babesa eskatu die nazioarteko auzitegiei. "Ez dut aitortzen nazioarteko itunak eta oinarrizko eskubideak errespetatzen ez dituen Espainiako justiziaren legitimitatea. Independentistok justizia Europan bakarrik aurki dezakegu", adierazi du.
2020an, Quim Torrak Generalitateko presidente kargua galdu zuen, presoen aldeko bi ikurrak ez zituelako kendu Generalitateko Jauregiaren balkoitik, Kataluniako Justizia Auzitegi Nagusiak agindu arren. Agindua betetzeko epea agortu ondoren, beste auto bat argitaratu zuen Auzitegiak, berriro ere pankarta eta lazo horia kentzeko aginduz, kasu honetan, Impulso Ciudadano plataformak bultzatuta, eta agindu hori ere ez zuen bete.
Bigarren desobedientzia delitu honengatik joan behar zuen Quim Torrak epaitegira, baina Bartzelonako Zigor arloko Epaitegira joan behar zuen, ez Auzitegi Nagusira, 2020an presidente forua galdu baitzuen.
Fiskaltzak 8 hilabeteko inabilitazioa eta 30.000 euroko isuna eskatu du Torrarentzat, epaitegien aginduak "jarrera desafiatzaile, setati eta nabarmenez" ez betetzeagatik.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.