EH Bildu: "Aberri Egunak elkargune eta batasun eguna izan behar du, herri hobe baten bidean pausoak emateko"
Datorren igandeko Aberri Egunari begira, EH Bilduk uste du "elkargune eta batasun eguna izan behar dela", anitza, feminista, ekologista, zabala, plurala, askea eta euskalduna izango den herri hobe baten bidean aurrerapauso bat emateko. Are gehiago, "inflexio puntu bat izan behar da, mugarria, kulturen arteko dibertsitaterako elkargune bat" eta "gure proiektua gizarte osoari irekitzeko tresna bat".
"Bakearen, demokraziaren eta burujabetzaren alde", igandean Iruñean Aberri Eguna ospatzeko deia egin du EH Bilduk.
Koalizioak Iruñean ospatuko du apirilaren 17an (igandea) Aberri Eguna. Ekitaldi nagusia 12:00etan Golem zinemetatik abiatu eta Sarasate pasealekuan amaituko den manifestazioa izango da. Mobilizazioa Sarasate pasealekuan egingo den ekitaldi politikoarekin amaituko da.
Manifestazioaz eta ekitaldi politikoaz gain, beste hainbat ekitaldi antolatu dituzte iganderako. Gaztelu plaza izango da eguneko eskaintza kulturalaren epizentroa. Bertan, Afrikans eta McOnak taldeek kontzertu bana eskainiko dute. Ondoren, jotak eta Larrain Dantzak entzun eta ikusi ahalko dira. Halaber, haurrentzako ekitaldiak antolatuko dituzte Burgoen plazan.
Sare sozialetan argitaratutako bideo batean, Arnaldo Otegi EH Bilduko koordinatzaile nagusiak Iruñera joateko deia egin die herritarrei.
ERC, Junts, CUP edo BNG alderdiek Iruñeko Aberri Egunean parte hartuko dute
Esquerra Valenciana, Mes Mallorca, Mes Menorca, Andecha Astur eta Puyalon de Cuchas alderdietako ordezkariek parte hartuko dute EH Bilduk igandean Iruñean antolatutako Aberri Egunean.
EAk Iruñeko Aberri Egunean parte hartzeko deia egin du
Eusko Alkartasunak Iruñera joateko deia egin du, Euskal Herria "libre eta burujabea" aldarrikatzeko.
Aberri Eguna topaketarako aukera ez ezik, "etorkizuna erabakitzeko eskubidea aldarrikatzeko" abagunea izango dela uste du EAk.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.