Asteazkeneko debatea erabakigarria izango da Macron eta Le Penen arteko lehian
Eliseorako bi hautagaiek, Emmanuel Macron Frantziako egungo presidenteak eta Marine Le Pen Elkarte Nazionaleko aurkariak, presidentetzarako hauteskundeen bigarren itzulirako azken txanpari ekingo diote aste honetan. Asteazkeneko telebistako eztabaida erabakigarria izan daiteke.
Macronek irabazi zuen lehen itzulia, eta oraingoan ere faboritoa da, baina distantziak ez dira gaindiezinak. Ipsosen igandeko inkesta baten arabera, adibidez, 11 puntu inguruko abantaila dauka.
Macronek profil baxua izan du hasierako bozketaren aurreko asteetan, baina bigarren fase honetan 2017an ere aurrean izan zuen aurkaria gogorrago kritikatu du. Helburua hautesleak mugiaraztea da, "eskuin muturraren mehatxuaren aurrean".
France Culture irrati-katean egindako elkarrizketa batean, Macronek Le Pen Hungariako lehen ministro Viktor Orbanekin alderatu du, Konstituzioa edozein preziotan erreformatu nahi izatea leporatu dio eta herritarrengandik "ezkutatzen" dela ziurtatu du. Bera, ordea, ekitaldi publikoetan jendearengandik hurbil egoten saiatzen ari da.
Franceinfok kontsultatutako Elkarte Nazionaleko buruzagi batek onartu duenez, Le Penen helburua hautesleak "lasaitzea" da, eta horretarako funtsezkoa izango du telebistako aurrez aurreko debatea. "Bost urte daramatza prestatzen", esan dute ingurukoek.
Le Penek, izan ere, jarduera publikoa murriztu du aurreko egunetan. 2017an onartu zuen "akats estrategikoak" egin zituela eztabaidan, eta, Europe 1en arabera, orain hainbat simulazio egingo ditu.
Analisten ustez, parte-hartzea funtsezkoa izango da behin betiko bozketa honetan, baita Jean-Luc Melenchon Frantzia Intsumisoaren hautagaiaren alde bozkatu zutenen artean bi hautagaiek duten erakartzeko ahalmena ere.
Zure interesekoa izan daiteke
Rufian: "Beti esan izan da legealdiek EAJk dioena irauten dutela"
EAJk Pedro Sanchez Espainiako Gobernuko presidenteari hauteskunde orokorrak ez aurreratzea "arduragabea" litzatekeela esan ostean, Gabriel Rufian ERCk Kongresuan duen bozeramaileak esan du beti esan izan dela EAJk erabakitzen duela legealdien iraupena. Kongresuko pasilloetan egindako adierazpenetan, buruzagi kataluniarrak azaldu du bere alderdiak hauteskundeak aurreratzea eskatuko lukeela PSOEren finantziazio irregularra frogatuko balitz.
Vaquerok uste du arduragabea dela Espainiako legealdia 2027ra arte eramatea
Maribel Vaquero EAJren Diputatuen Kongresuko bozeramailearen arabera, Espainiako legealdia ezin da 2027an bukatu, amaierara arte eramanda, aurreikusita dagoen moduan. Bere ustez, Espainiako Gobernua arduragabe jokatzen ari da, eta azken auzi judizialek amorrua areagotu dute Kongresuan.
Loiun gertatutakoaren kronologia, Zupiriaren arabera
Bingen Zupiria Eusko Jaurlaritzako Segurtasun sailburuak adierazi duenez, Ertzaintzak Loiuko aireportuan egindako esku-hartzea agenteen aurkako "aldez aurreko eraso" eta "probokazio" bati emandako erantzuna izan zen, baina dispositiboaren kudeaketa "beste modu batera" egin behar zela onartu du. Zupiriak ordena publikoko arazo bat izan zela defendatu du, eta barne ikerketa batek indarraren erabilera proportzionala izan ote zen zehaztuko duela baieztatu du.
Oposizioak salatu duenez, "neurriz kanpoko jokaera basati batek Ertzaintzaren irudia kaltetu du"
Bingen Zupiria Segurtasun sailburuaren agerraldiaren ostean, EH Bilduk esan du "polizia ereduaren arazo bat" dagoela. Sumarrek sailburuari leporatu dio bere azalpenak "poliziaren jarduera justifikatzera bideratuta" egon direla. Bestalde, PPk jazotakoa ikertzeko eskatu dio, indarkeriaren erabilera proportzionala izan ote zen jakiteko.
Epaileak ekainaren 17 eta 18ra atzeratu du Zapaterok Plus Ultra auzian ikertu gisa egin beharreko agerraldia
Plus Ultra auzia ikertzen ari den Jose Luis Calama epaileari ekainaren 2rako aurreikusita zegoen deklarazioa atzeratzea eskatu dio gaur goizean Espainiako Gobernuko presidente ohiaren abokatuak, kausa ongi aztertu ahal izateko, iturri juridikoek jakitera eman dutenez.
Zupiria: “Gure herrian, herritar batzuek ez dute Poliziarik nahi, ezta Euskal Polizia bada ere”
Bingen Zupiriak Ertzaintzaren jarduna defendatu du Loiuko aireportuan Global Sumud flotillako kideekin izandako istiluetan, eta adierazi du oraindik ere badirela poliziaren figura ukatzen duten herritarrak. Halaber, gogorarazi du Ertzaintzako kideek ETAren terrorismoa eta kale indarkeria jasan zituztela, eta "gaur egun ere iragan horren arrastoak" gizartearen zati batean mantentzen direla.
Peinado epaileak Begoña Gomez epaiketa aurreko entzunaldi batera deitu du, ekainaren 9an
Epaile instruktoreak ikertuei —Begoña Gomez, Cristina Alvarez eta Juan Carlos Barrabes—ohartarazi die epaitegira agertu beharko dutela eta saio horretan kautelazko neurriak hartu daitezkeela.
Zupiriak akatsak onartu ditu Ertzaintzak Loiun izandako jardunean, eta ukatu egin du motibazio politikorik egon zela
Ingelesez hasitako agerraldi batean, Segurtasun sailburuak onartu du Ertzaintzak Loiuko aireportuan izan zuen jokabidea "ez zela gertatu behar", eta barkamena eskatu du nazioartean eragina izan zuten gertakari batzuengatik. Halaber, Zupiriak esan du agenteak oldartu zirela "erasoak" jasan zituztelako.
Nazionalisten arteko "elkar hartzeaz" eta "euskal prozesuaren" arriskuaz ohartarazi du Anduezak
Eneko Andueza PSE-EEko idazkari nagusiaren esanetan, EAJk eta PSE-EEk hizkuntza eskakizunen inguruan landutako adostasunetik atera dira jeltzaleak eta hori dago azken asteetako tentsioaren atzean.
ZUZENEAN | Zupiriaren agerraldia Legebiltzarrean
Bingen Zupiria Segurtasun sailburuak agerraldia egingo du 12:00etan Eusko Legebiltzarreko Erakunde, Gobernantza Publiko eta Segurtasun Batzordean, larunbatean Global Sumud Flotillako sei kide iritsi zirenean Ertzaintzak Loiuko aireportuan izandako jokabideari buruzko azalpenak emateko.