Puigdemontek eta Junquerasek espioitza salatuko dute Espainia, Frantzia, Suitza, Luxenburgo eta Alemanian
Carles Puigdemont Generalitateko presidente ohi eta eurodiputatuak eta Oriol Junqueras presidenteorde ohi eta ERCko buruzagiak Pegasus programaren espioitza Espainia, Frantzia, Suitza, Luxenburgo eta Alemanian auzitara eramango dutela iragarri dute. CitizenLab zibersegurtasun plataformaren ikerketa batek auzia argitara eman du.
Bruselan, Europako Parlamentuan emandako prentsaurrekoan, datozen egunetan kereilak aurkeztuko dituztela azaldu du Puigdemontek. Horrela, NSO enpresa teknologikoa Bartzelonako epaitegietan salatuko dute, baita balizko zibererasoak aurrera eraman diren Europar Batasuneko beste estatu batzuetan ere, Frantzia, Alemania, Suitza eta Luxenburgon esaterako.
Gainera, Generalitateko presidente ohi eta eurodiputatuak Ursula von der Leyen Europako Batzordeko presidenteari "premiaz ekin" eta Espainia kontuak ematera behartzea eskatu dio, aurkari politikoen kontra Pegasus programa erabili izanagatik, "oinarrizko eskubideen urraketa masiboa" izan delako.
Puigdemonten hitzetan, Espainiako Gobernuak "kontuak eman" behar ditu. "Sistema osoa ustela da, eta sistema hori epaitegietan eseri behar dugu", azpimarratu du.
Bestalde, Junquerasek nabarmendu duenez, ERC Pedro Sanchezen Gobernuarekin "zorrotza" izango da. Junquerasen ahotan, Exekutiboak azalpenak eman behar ditu, "bere organoek erabili duten jakiteko erantzukizuna du".
"Ez bakarrik Kongresuan eta Senatuan, beste erakunde batzuetan azaltzeko betebeharra du, Europako Parlamentuan ere", adierazi du Junquerasek.
Auziak Generalitatearen eta Espainiako Gobernuaren arteko negoziazio politikoari eragingo ote dion galdetuta, Esquerrako buruzagiak elkarrizketa prozesua "tresna baliagarria" dela errepikatu du, eta "ez diogu uko egingo".
Pegasusen balizko erabilera bezalako auziek independentismoari mesede egiten diotela azpimarratu du Junquerasek, nazioartearen aurrean "kapital politikoa pilatzen" duelako.
Puigdemontekin eta Junquerasekin batera, John-Scott Railton CitizenLabeko ikertzaileak eta David Kaye NBEko adierazpen askatasun errelatore ohiak parte hartu dute agerraldian, baita ANC eta Omniumeko buruzagiek eta CUPeko diputatu batek ere.
Bi urte baino gehiagoko ikerketa
Railtonek azaldu duenez, ikerketa egiteko bi urte baino gehiago behar izan dituzte. 60 buruzagi independentista baino gehiago softwarearen jomuga izan zirela argitara eman du ikerketak. Softwareak dispositibo infektatuaren kontrola bereganatzen du, askotan biktima konturatu barik.
Itxuraz airelineek (hegaldi bat erosi ondoren), Ogasunak edo Gizarte Segurantzak igorritako mezuen bidez sartzen zuten 'spyware'a dispositiboetan, "mezu oso sinesgarriekin", batzuetan biktimen datuak zituztelako.
Railtonek esan duenez, nahiz eta ikerketak espioitzaren atzean nor dagoen ezin zehaztu, "Espainiako Estatuaren erakundeak" izan direla diote xehetasunek.
Railtonen arabera, biktimek Espainiarentzako "begi-bistako interesa" zuten, eta dispositiboak prozesu independentistako egun erabakigarrietan infektatu ziren, Kataluniako agintariak erreferenduma bultzatzen ari zirenean, 2017an.
Azkenik, programa mota horiek debekatzea eskatu du Kayek. Errelatore ohiaren hitzetan, nazioarteak "gai serioei" heldu behar die, 'spyware'a giza eskubideen nazioarteko legediarekin erabili ote daitekeen, erabiltzeko arau egokiak dauden, biktimek kalte-ordainik jasotzen duten eta Estatuko erabilera kontrolatzen duten adibidez.
Zure interesekoa izan daiteke
Pradalesek Agirreren ondarea aldarrikatu du haren heriotzaren urteurrenean: "Bake gizona, letra larriz"
Lehendakariak Jose Antonio Agirre ekarri du gogora, haren heriotzaren 66. urteurrenean, eta haren balioek nazioarteko egungo testuinguruan duten indarra azpimarratu du.
Abian da udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta, hala, lanegunetan Martuteneko kartzelatik atera ahalko da, lo egitera itzuli beharko bada ere.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.
EAJ "pozik" dago krisiaren aurkako neurriekin, baina "ez da nahikoa", EH Bilduren ustez
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu, eta Podemosek esan du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.