Frantziako ezkerraren koalizio berria, Macronen aurka batuta
Frantziako ezkerreko alderdiek osatutako koalizio berriak jendaurreko aurkezpena egin du larunbat honetan, batasun irudia emateko asmoz, aurkari komun batekin: Emmanuel Macron presidente berrautatua.
Frantzia Intsumisoko (LFI) Jean-Luc Mélenchon ordezkariaren lidergo pean izan da ekitaldia. Ekainean koalizioak hauteskunde legegileak irabaziz gero, lehen ministro bilakatuko litzateke. Edonola ere, inkestek aurreratutakotik urrun dago hipotesi hori, Macronentzat gehiengoa aurreikusi baitute.
Aubervilliers hirian birmoldatutako antzinako industria-nabe batean, 1.500 jarraitzaileren aurrean, agerraldia egin dute Frantzia Intsumisoak (LFI), ekologistek, Alderdi Sozialistak (PS) eta Frantziako Alderdi Komunistak (PCF).
Herri Batasun Ekologiko eta Sozial Berria (NUPES) gisa aurkeztu dute euren burua.
Apirilaren 10eko presidentetzarako hauteskundeetan, botoen % 22arekin, hirugarren gelditu zen Mélenchonek (Macronen eta Marine Le Pen eskuin muturreko liderraren atzetik) eman du hitzaldia, "irabaziko dugu!" eta "herri batasuna" zioten oihu artean.
"Erresistentzia kolektiboa" Macronen aurrean
LFIko buruak adierazi duenez, NUPES (lorpen historikoa, haren aburuz) "ez da hauteskunde akordioa bakarrik", baita edukia duen "programa politikoa" ere. Koalizioa osatzen duten alderdiak bat etorri dira Macroni egotzi dioten "tratu txar sozial, ekologiko eta demokratikoen garai" baten aurrean "erresistentzia kolektiboa" agertzearekin.
Mélenchonek azpimarratu duenez, presidente berrautatuaren planak, eta jubilazio adina 65 urtera arte atzeratzeko proiektua bereziki, eteteko modu bakarra NUPESen "gehiengoa hautatzea" da.
Koalizioaren programaren indarguneetako bat borondatezko jubilazio adina beheratzea da, uneko 62 urteetatik 60 urtera arte.
Era berean, NUPESek gutxieneko soldata hileko 1.400 eurora igotzea defendatu du (1.300 euroan dago orain), soldatak areagotzeko batzarra egitea, Macronek lehen legealdiaren hasieran kendutako Aberastasunaren gaineko Zerga berrezartzea, behar-beharrezko produktuen prezioak blokeatzea edo 1.000 milioi euroko aurrekontua, emakumeen aurkako indarkeriari aurre egiteko.
Zure interesekoa izan daiteke
PSNk "erabateko errespetua" agertu dio Rodriguez Zapateroren errugabetasun presuntzioari
Esther Iso PSNko Antolakuntza idazkariak adierazi duenez, presidente ohiarekiko "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.