Paz Esteban CNIko zuzendaria kargutik kendu du Espainiako Gobernuak
Espainiako Gobernuak kargutik kendu du Paz Esteban Inteligentzia Zentro Nazionaleko (CNI) zuzendaria, hainbat ordezkari politikori entzuketak egitea onartzeagatik. Orain arte Defentsako Estatu idazkaria izan den Esperanza Casteleiro CNIko zuzendari berria izendatu dute Estebanen ordez.
Esteban kargutik kendu dute Pegasus programarekin izandako espioitza polemikaren harira, bai buruzagi independentistei eragiten dien kasuan, bai Espainiako Gobernuak Pedro Sanchez Espainiako gobernuburuaren eta Margarita Robles Defentsa ministroaren telefono mugikorrei salatutako datuen lapurretan.
Joan den ostegunean Esteban Kongresuan agertu zen Gastu Erreserbatuen Batzordearen aurrean, eta ateak itxita egin zen arren, CNIk 18 independentistari espioitza egitea justifikatu ziela esan zuen, tartean Pere Aragones Kataluniako Generalitateko presidenteari, Auzitegi Goreneko lotura-epaileak emandako baimen judizialak aurkeztuz.
Hala ere, bere izena berehala aipatu zuten ERC, Junts edo Unidas Podemos bezalako alderdiek erantzukizunak hartzeko. Horren aurrean, oposizioko alderdien babesa jaso zuen (PP, Vox eta Ciudadanos), haren "profesionaltasuna" eta Estatu zentzua goraipatu baitzuten.
Estebanek Defentsa ministroaren babes publikoa ere jaso zuen. Ildo horretan, Roblesek deitoratu zuen "estoikoki eutsi" behar izatea benetakoak ez ziren akusazioen aurrean.
Paz Esteban Madrilen jaio zen 1958an eta Filosofia eta Letretako lizentziaduna da Madrilgo Unibertsitate Autonomoan. 1983an, garai hartan Defentsari buruzko Informazio Zentro Gorenean (CESID) sartu zen. Erakunde horrek izena aldatu zuen 2002ko maiatzean, eta egungo CNI bihurtu zen, 90eko hamarkadan beste entzuketa-eskandalu batean sartu ondoren.
Joan den ostiralean, CNIk 20. urteurrena bete zuen, eta Estebanen proiektuetako bat zen data gogoratzea, erakundea gizarteari zabaltzea ahalbidetuko zuten ekitaldi batzuekin, nahiz eta espioitzaren eskandaluak aurreikuspen guztiak bertan behera uztera behartu zuen.
Gabriel Rufian Esquerra Republicanak Kongresuan duen bozeramailearen ustez, "logikoa" da CNIko zuzendaria kargutik kentzea. PDeCATek ohartarazi duenez, ez da "nahikoa", ezta "politikoki garrantzitsua" ere. Era berean, CUPek uste du Estebanen kargugabetzea "ez dela nahikoa".
EAJren ustez, ostera, "ez da Pegasus sofwarearen bidez egindako espioitza politikoagatik kargu-gabetze eta dimisioetarako unea", azalpenak ematekoa baizik. Unidas Podemosek Pegasusen krisia "faltsuan" ez ixteko eskatu dio Gobernuari.
Alberto Nuñez Feijóo PPko buruak gogor egin du Pedro Sanchez Espainiako gobernuburuaren aurka, Paz Esteban kargutik kentzea "justifikaezina" delako.
Bestalde, Espainiako Gobernuak baieztatu duenez, Fernando Grande-Marlaska Barne ministroaren telefonoa 2021eko ekainean zelatatu zuten. Gainera, Luis Planas Nekazaritza ministroaren terminalean infekzio-saiakera batek huts egin zuela nabarmendu du: "Gainerako telefonoek ez dute Pegasusen arrastorik", adierazi du.
Pedro Sanchez Espainiako Gobernuko presidenteak agerraldia egingo du Kongresuan, maiatzaren 25eko astean egingo den osoko bilkuran espioitza politikoak eragindako polemikaren berri emateko. Eskaera alderdi independentistek egin zuten eta PPk, Ciudadanosek eta Voxek babestu zuten.
Zure interesekoa izan daiteke
Andueza: "Sozialistok aurrera egiteko prest gaude beti, gure aurkari politikoek erakusten duten urduritasunik gabe"
PSE-EEko idazkari nagusiak adierazi du ez dutela hauteskunde burrunbak eta bazkidearen urduritasunak bultzatuta amore emango, eta sinatzen dituzten akordioetan euskal herritarren ongizatea lehenetsiko dutela.
Otegi: "Faxismoari aurre egiten zaio herria antolatuz, mobilizatuz eta martxan jarriz"
EH Bilduk agerraldia egin du Frankismoaren eta Estatuaren biolentziaren hainbat biktimarekin batera, eta azaroaren 22ko manifestazioan parte hartzeko deia egin du.
Feijook eta Mazonek elkarrizketa bat izango dute gaur "Valentziako testuinguru politikoa aztertzeko"
Presidentearen balizko irteerak mugimenduak eragin ditu Valentziako PPren barruan, eta badirudi Vicente Mompo dela Mazon ordezkatzeko "adostasuna" eskuratu duen hautagaia.
Estatuko fiskal nagusia akusatuen aulkian eseriko da astelehen honetatik aurrera
Mezu elektroniko baten filtrazioak irudi historikoa eskainiko du, Estatuko fiskal nagusi bat lehen aldiz eseriko baita akusatuen aulkian.
Etxebizitza, Donostiako alkatearen lehentasunetako bat gazteek hiritik joan behar ez izateko
ETBk Jon Insausti Maisterrena elkarrizketatu du, Donostiako aginte makila hartu ostean. Legealdi honetako erronka nagusiak izan ditu hizpide solasaldian: etxebizitza, segurtasuna eta turismo jasangarria, besteak beste. Horrez gain, izendapenaren berri nola izan zuen esan digu.
Maribel Vilaplanak lekuko gisa deklaratuko du astelehen honetan, sendagiria jaso ostean
Bitartean, gero eta jende gehiago hitz egiten ari da Mazonen balizko dimisio bati buruz eta Vicente Mompo haren ordezko gisa aukeratzeari buruz.
Valentziako PPk Vicente Mompo babestu du Mazonen ordezko gisa
Valentziako PPko buruzagiek Diputazioko presidentea aukeratu dute Generalitateko presidente izateko, Carlos Mazonen balizko dimisioaren aurrean eta hurrengo hauteskundeetarako hautagai gisa.
EAJk etxebizitza, segurtasun eta osasun arloetako aurrekontu igoera txalotu, eta EH Bilduk negoziatzeko borondate falta kritikatu du
PSE-EEk osasuna eta hezkuntza "aseta" daudela defendatu du, eta PPk zergen igoera salatu du.
Nafarroako PPk osoko zuzenketa aurkeztuko dio Chiviteren Gobernuko aurrekontu proiektuari
Popularrek adierazi dute ez dituztela "ustelkeriaz jositako" Gobernu baten aurrekontuak onartuko, eta sozialisten eta EH Bilduren arteko harremana kritikatu dute.
?fmt=webp-alpha&qlt=80)
Aske geratu dira Iruñean izandako istiluengatik atxilotutako bi lagunak
Vito Quiles ultraeskuindarrak Nafarroako Unibertsitateko campusean egin behar zuen ekitaldi politikoaren aurkako protestan atxilotu zituzten.