Gorka Urtaran: "Etorkizunera begira alternatiba onena aztertu beharko dugu trafikoaren egoera hobetzeko"
Gorka Urtaran Gasteizko alkateak onartu du hiriaren hegoaldeko trafikoan egunero daudela arazoak eta etorkizunera begira alternatiba onena zein den aztertu beharko dela, saihesbidearen aukera baztertu gabe. Dena dela, alde batera utzi du Olarizutik igaroko litzatekeen saihesbide bat eraikitzeko aukera: "Olarizu eta eraztun berdea babestu behar dira, sarraski bat izango zitekeen, eta alternatiba hori guztiz baztertuta dago". Bien bitartean, Euskadi Irratiko "Faktoria" saioan egin dioten elkarrizketan gogora ekarri du dagoeneko hainbat neurri martxan jarri dituztela zirkulazioaren igarotze-denbora % 30-50 hobetzeko.
Trafiko arazoen errua autobus elektriko adimendunari egozten diote askok eta askok. Autobus adimendunak martxan jarri eta lehen hilabeteen ondoren, balorazio positiboa egin du Gasteizko alkateak. Horren esanetan, bidaiari kopuruari dagokionez, emaitzak oso onak izan dira eta ia pandemia aurreko datuak errepikatu dira. Dena dela, aitortu du kontziente dela, batez ere, hiriaren hegoaldeko trafikoak eraginak pairatu dituela eta arazo horiei konponbidea eman behar zaiela.
Pandemiak eragindako etenaren ostean, Gasteizko Jaiak iristeko irrikaz dagoela adierazi du Gorka Urtaranek. Halaber, azpimarratu du pertsonen arteko harremanak askatasunean, berdintasunean eta errespetuan oinarritu behar direla.
Eudeleko presidente ere badena oso kezkatuta agertu da eraso matxisten balizko gorakadarekin, eta jaietan eraso matxistak prebenitzeko gida hizpide izan du. Emakundek, Euskadiko Udalen Elkarteak eta hiru aldundiek osatu dute gida hori elkarlanean, Urtaranen hitzetan, "eraso matxistak ahal den neurrian ekiditeko, eta, gertatuz gero, erantzun sendo bat emateko". Ildo horretan, depredatzaileen kontra esku gogorra izatea eskatu du. "Indarkeria matxista da momentu honetan emakumeek pairatzen duten mehatxurik handiena eta, beraz, denok egon behar dugu oso gainean, kontrol soziala handia izan behar da", gaineratu du.
Zure interesekoa izan daiteke
PSNk "erabateko errespetua" agertu dio Rodriguez Zapateroren errugabetasun presuntzioari
Esther Iso PSNko Antolakuntza idazkariak adierazi duenez, presidente ohiarekiko "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.