Esteban: "PSOEk ez ditu inoiz ukitu nahi izan Espaniako monarkiari lotutako gaiak"
Aitor Esteban EAJren Diputatuen Kongresuko bozeramaileak Espainiako Alderdi Sozialistari aurpegiratu dio ez dela inoiz ausartu monarkiari lotutako gaietan esku hartzera, egiturazko erreformak egiteko gehiengoa izan badu ere.
Espainiako erregearen bortxaezintasuna mugatzeko lege-proposamena aurkeztu zuen joan den astean EAJk, baina PSOEk eta PPk atzera bota dute ekimena, Kongresuko zerbitzu juridikoek Konstituzioaren aurkakoa dela ebatzi ostean.
Radio Euskadin egindako elkarrizketa batean, Estebanek esan du, Kongresuko abokatuen iritziaren aurka, Konstituzioaren Bigarren Tituluak jasotako bortxaezintasuna "interpretatzeko" lege bat egon beharko litzatekela. Kontrakoak "mugiezintasuna dakar, Konstituzioaren erreforma oso zaila baita", gehiengoen ondorioz.
"Zarzuelak berak ankilosatuta geratu nahi badu, ez du etorkizunik izango", iragarri du Estebanek, eta uste du PSOEk ez dituela inoiz ukitu nahi izan gai garrantzitsu batzuk, monarkia edo sekretu ofizialen legea, esaterako, ausardia faltagatik, "egiturazko erreforma" horietarako gehiengoa izan duen arren. Jeltzalearen ustez, gai horietan erreformarik egon ez bada, "bere beldurragatik edo borondate edo konbentzimendu faltagatik" izan da. "Gakoa PSOE da", gaineratu du.
Jeltzaleak aitortu du "ezinezkoa" izango zaiola Espainiako Gobernuari berak proposatu zuen transferentzien egutegia betetzea, baina EAJk ez diola uko egingo gehiago adosteari. Transferentzia horietako batzuetan, jakinarazi duenez, lanean ari dira bi exekutiboak dagoeneko.
EAJk Espainian legegintzaldia agortzea nahi du, "baina baldintza egokietan". Estebanek azaldu duenez, EAJk zenbait kasutan akordioak lortu ditu, baina, batzuetan, "dagoeneko badugun autogobernua salbatu behar izan dugu", eta hori "ez da atsegina", Sanchezen Gobernua "aliatua eta laguna" denean, gainera. Bere ustez, EAJren ekimenetan ere pentsatu beharko luke Exekutiboak.
Albiste gehiago politika
ETAko preso, iheslari eta deportatuak etxeratzeko eskatu du Sarek Bilbon, "gatazkaren ondorioak" gainditzeko
Urtero bezala, ETAko preso, iheslari eta deportatuak etxeratzeko eskatu du Sare mugimenduak Bilboko Aste Nagusian, “badelako garaia sufrimendua gainditu eta elkarbizitzarako zubiak eraikitzeko, indarkeria guztietako biktimak gogoan izanda”.
Ezkaban fusilatutako anarkista gazte baten gorpuzkiak familiari eman dizkiote
Nafarroako Gobernuko bigarren presidenteorde eta Memoria eta Bizikidetzako, Kanpo Ekintzako eta Euskarako kontseilari Ana Ollo izan du buru Ignacio Francisco Canedaren gorpuzkiak senitartekoei emateko ekitaldiak. AEBn jaiotako anarkista gazte hori Gerra Zibilean San Kristobal gotorlekutik ihes egiten saiatu ondoren fusilatu zuten. 1936ko ekainetik zegoen bertan preso, bere aktibismo politikoagatik.
Txiki eta Otaegiren oroimenezko muralari eraso egin diote Durangon
Haien aurpegiak eta muraleko leloa zirriborraturik agertu dira eta etarras idatzi dute erasotzaileek. Ernaik salatu duenez, "eraso faxistek eta espainolistek ez dute tokirik", eta murala auzolanean berregiteko deia egin dute.
Pernando Barrena: “Maliko etorkin guztiak gerratik ihesi datoz. Zein alde dago Malikoa eta Ukrainakoa izatearen artean?”
Erantzunean “oso jarrera arrazistak” ikusten ditu EH Bilduren europarlamentariak, eta, horiek desagerrarazi ezea, Europak asilo eskubidearen zentzua zaborrera botata izango duela salatu du Euskadi Irratian.
Ernaik independentziaren aldeko manifestazioa deitu du Donostian, irailaren 14an
'Ekin eta bultza' lelopean, Euskal Herriaren independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.