Oterok, argindarraren BEZa jaisteko neurriari buruz: "Neurri aringarria da, emaitza aringarriak emango ditu"
Mikel Otero EH Bilduko legebiltzarkideak adierazi duenez Pedro Sanchezek iragarritako argindarraren BEZaren jaitsieraren inguruan, "neurri aringarria da, eta emaitza aringarriak ekarriko ditu". Hala, Oteroren esanetan, prezioak erabakitzeko sistemak indarrean jarraitu bitartean, "gasaren prezioak goraka jarraitu bitartean, fakturaren zati handiena horrek baldintzatuko du".
Radio Euskadiko 'Boulevard' saioan EH Bilduren legebiltzarkideak adierazi duenaren arabera, "BEZa txikiagoa bada, zati txikia jaitsiko da, baina MW/ordukoa 150 eurotik gora ordaintzen jarraituko dugu, eta duela 3-4 urte 50 edo 60 euroan zegoen".
Espainiako Gobernuak larunbatean onartzea espero duen neurrien dekretuari buruz mintzatu da Otero, eta, azaldu duenez, ezer baino lehen, ikusiko dute "zeintzuk diren onartuko dituzten neurri zehatzak, eta aztertu egingo ditugu, bereziki energiarekin zerikusia dutenak". "Edozein modutan, iragarri genuen moduan", eta "azken urteetako ibilbide fidagarriari begira, aukerak eman dizkiogu Gobernuari, eta etsipena ez sortzeko egin behar duena neurri ausartak hartzea da, hortik joko dugu".
Neurri ausartak, Oteroren iritzian, bi dira: horietako bat prezioak ezartzeko sistema aldatzea, EBren menpe dago, hori aldatu beharra dago "sistema baztertzailea delako, energiarik garestienak gainerakoena igoarazten du"; hala, horrek eragiten du "berriztagarriak gasaren prezioan ordaindu behar izatea". "Desagertzera kondenatuta dagoen sistema da", iragarri du.
Bestea, "energia konpainiek zerutik erorita izan dituzten irabaziak. Onartezina da inoizko preziorik altuenak izanda, energiaren sektoreko enpresek inoizko irabazirik handienak izatea; esku hartu behar da, zergen bidez, eta irabazi handi horietatik zati bat berreskuratu, fakturetako deskontuetan isla daitezen, edo zuzenean kontsumitzaileen poltsikoetan".
"EH Bilduk betoak ezartzen dituela esatea guztiz bidegabea da"
Mikel Oterok Gazte Kontseilu Sozialistak (GKS) azken egunotan egindako ekitaldiez eta esandako adierazpenak ere izan ditu hizpide. EH Bilduk eta Sortuk betoa inposatzen dietela salatu du GKSk azkenaldian.
Oterok esan du ez duela ulertzen EH Bilduk betoa ezartzen duela esatea, izan ere, "korronte berri hau ekitaldiak, hitzaldiak, kontzertuak... antolatzen ari da EH Bildu buru duen zenbait udalerritan, esaterako, Hernanin, Oñatin edo Berriozarren. Hortaz, EH Bilduk betoak ezartzen dituela esatea erabat bidegabea da".
"Hernanin, gobernantza irekiko eredua erabiltzen dugu, horretan, pertsonek zein taldeek ardurak hartzen dituzte, horren adibide da txosnetako batzordea autonomoa dela. Ondorioz, hartzen dituen erabakiak ere autonomoak dira", azaldu du.
Hortik aurrera, "interesgarria litzateke indarrak batzeko modua topatzea, ez ezkerreko indarren artean lekua ukondoka zabaltzen saiatzea, batzuetan, faltsuak diren talkak erabilita".
Zure interesekoa izan daiteke
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.