AHT Nafarroarekin lotzeko trenbide konbentzionala aprobetxatzea errefusatu du Eusko Legebiltzarrak
Euskal Y eta Nafarroako korridorea lotzeko trenbide konbentzionala aprobetxatzea proposatu du EH Bilduk Eusko Legebiltzarrean, baina Ganberak ekimena atzera bota du.
EH Bilduren ekimenak Elkarrekin Podemos-IUren babesa izan du soilik Gasteizko Ganberan. Eusko Legebiltzarrak Gobernua osatzen duten taldeen (EAJ eta PSE-EE) zuzenketa onartu du, PP+C's eta Voxen abstentzioarekin. EH Bilduk eta E-Podemosek aurkako botoa eman dute.
Eztabaidan, Unai Fernandez de Betoño EH Bilduko legebiltzarkideak kritikatu duenez, Espainiako Gobernuak AHTko lanetan inbertitzen duen dirua beste azpiegitura batzuetarako ez da bideratzen, Adifeko eta Renfeko proiektuetara, esaterako. Fernandez de Betoñok trenbide konbentzionala "modernizatzeko eta hobetzeko" proposamena defendatu du; izan ere, trenak 200 kilometro orduko abiadura "oso lehiakorra" harrapatu dezake.
Iñigo Martinez Elkarrekin Podemos-IUko legebiltzarkideak adierazi du "trenbidea egokitzea" beharrezkoa dela, "gaitasun, ezaugarri eta batez besteko abiadurak hobetuz". Martinezen ahotan, EH Bilduren proposamena "ingurumenarentzako hobeagoa da, eta ekonomikoagoa".
Elena Lete EAJko legebiltzarkideak EH Bilduren proposamena kritikatu du, "azken 20 urteetan egindako lana aldatzea" eskatzen duelako. AHTren inguruko edozein proposamen, "Euskadiren interesen alde" egin behar dela uste du, eta "ez trenbide ardatza Zaragoza-Logroño-Burgos izateko". "Ez duzue gure herriko beharrizanen azterketa bat egin", leporatu dio koalizioari.
Susana Corcuera PSE-EEko legebiltzarkideak bere alderdiaren jarrera defendatu du, Euskal Y Iruñearekin lotzeko abiadura handiko korridore bat eraikitzea, alegia. Argitu duenez, horrek ez du esan nahi "korridore arrunta hobetu behar ez denik, Gobernu zentralaren konpromisoa baita 2022ko aurrekontu orokorretan".
Muriel Larrea PP+C's eskuineko koalizioaren legebiltzarkideak ziurtatu duenez, Espainiako Gobernuan Alderdi Popularra zegoenean, abiadura handiak "proiektua, aurrekontua eta datak zituen", baina "Sanchezen Gobernuko urte bakoitza AHT Euskadira iristeko urte galdua da".
Azkenik, Amaia Martinez Vox ultraeskuineko alderdiaren legebiltzarkideak EH Bilduren "mentalitate integrista" kritikatu du, "edozein modernitate arrastoren aurka" agertzen delako. Martinezek AHT defendatu du, "Espainiarekin lotura handiagoa" suposatzen duelako.
Zure interesekoa izan daiteke
Sidenorren inguruko erabakiak ez du Otegi harritu, baina Israelekiko harremana mahai gainean jartzearen alde agertu da
Auzitegi Nazionalak Jose Antoni Jainaga eta Sidenorren zuzendaritzako beste bi kide genozidiogatik ez ikertzeko hartutako erabakiak ez du Arnaldo Otegi EH Bilduren idazkari nagusia harritu. Dena den, haren ustez, fokua Ameriketako Estatu Batuekiko eta Israelekiko harremanetan jarri behar da.
81 biktima politiko gehiago aitortu ditu Nafarroak
Foru Gobernuak biktimei errekonozimendua eta erreparazioa emateko hirugarren ekitaldia egin du, eta, guztira, 122 biktima aitortu ditu. Ana Ollok "giza eskubideen errespetuaren eta defentsaren" alde egin du, "zoru etikoa" hor dagoela aldarrikatuz.
Pardo de Verak deklaratu du Aldama Garraio Ministerioan noiznahi ikusten zuela atzera eta aurrera
Auzitegi Gorenean egin duen deklarazioan, Adifeko presidente ohiak ukatu egin du inolako presiorik jasan izana musukoak erosteko edo inor entxufatzeko.
Asironek esan du Aranzadiko etxegabetuei Udalak "behin behineko" irtenbidea eman ahal diela
Joseba Asiron Iruñeko alkateak Aranzadiko eraikina hustea beharrezkoa zela defendatu du, arrazoi humanitarioak eta segurtasun arrazoiak direla eta. Ziurtatu du aterperik gabe geratu diren 98 lagunen kasuak banan-banan aztertzen ari direla, behin-behineko irtenbidea emateko. Udalak behin betiko irtenbiderik ezin duela eskaini esan du, ez duelako horretarako eskumenik. "Irtenbidea erregularizazioa da".
Marlaskak esan du espazio publikoetan arma zurien erabilerari aurre egiteko neurriak "ahalik eta lasterren" hartuko dituela
Pasa den martxoaren 27an aldebiko batzordean arma zuriak eramateari buruzko zigor araubidea zorroztea eta indartzea adostu zuten Espainiako Gobernuak eta Eusko Jaurlaritzak. Ildo horretan, arazoari "modu egoki eta koordinatuan" heltzeko lege erreformak egitearen eta gizartea sentsibilizatzearen beharra azpimarratu du Fernando Grande-Marlaska Barne ministroak.
Voxen diputatu bat Kongresuko Osoko Bilkuratik kanporatu egin dute, Presidentetzako kideei aurre egiteagatik
Voxen Konstituzio Batzordearen bozeramaileak, José María Sánchez Garcíak, Kongresuko presidenteordeari eta letratu bati aurre egin die astearte honetan. Hainbat aldiz abisu eman diote, eta, azkenean, kanporatu egin dute. Sánchez García kexu zen ERCren diputatu batek, Jordi Salvadorrek, irain larriak egin zizkiola, hala nola “hiltzailea”, “ezjakina” eta “kriminala” esanez.
Torresek iragarri du Parte hartze Instituzionalari buruzko euskal Legean "parte hartu" nahi ez duten sindikatuen aurrean "diskriminazioak" ezarriko dituztela
Lehendakariordeak adierazi duenez, etorkizuneko legeak "eragile sozialen parte-hartze faltaren ondorioak" arautuko ditu, "derrigor" parte har dezaten.
Espainiako Gobernuak migratzaileen erregularizazioa onartu du, baldintza gisa jarririk aurrekari penalik ez edukitzea
Erregularizazioak milioi erdi migratzaile ingururi eragingo die, eta apirilaren 16tik aurrera eskatu ahal izango dute. Testuak baldintza gisa ezartzen du aurrekari penalik ez edukitzea, bai eta "ez izatea ordena zein segurtasun publikorako mehatxu" ere.
Gerren aurkako eta askatasunaren aldeko deiak Eibartik, gaur Memoria Demokratikoaren Leku izendatua
Unzaga plazan, udaletxea dagoen lekuan eta duela 95 urte Alfonso XIII.aren plazaren ordez Errepublika plaza izendatu zuten lekuan, ekitaldia egin dute gaur, Espainiako Gobernuak Eibar Memoria Demokratikoaren Leku izendatu duela egiaztatzen duen plaka agerian uzteko. Herritar ugariz gain, bertan izan dira erakundeetako ordezkariak, tartean Pablo Bustinduy Eskubide Sozialen, Kontsumoaren eta 2039 Agendaren ministroa.
Enplegu Publikoaren Legea eztabaidatzeko epea bi aste luzatzea onartu du Eusko Legebiltzarreko Mahaiak
EAJk eskatu du epea luzatzea, negoziaziorako "denbora gehiago behar" duela eta. Jeltzaleek esan dutenez, akordio "errealista" bilatuko du, batzuen "maximalismoaren" eta besteen "immobilismoaren" aurrean. EH Bilduk, berriz, dio borondatea dela behar dela, ez denbora.