Euskadi Lagunkoiak hamar urte bete ditu udalerriak "gero eta inklusiboagoak eta lagunkoiagoak" izan daitezen
Euskadi Lagunkoia mugimenduak, euskal auzo, herri eta udalerrien hobekuntzarako herritarren partehartzea sustatzea helburu duenak, hamar urte bete ditu "gero eta udalerri inklusibo, irisgarri eta lagunkoiagoak" lortzeko helburuarekin.
Ekitaldian, Iñigo Urkullu lehendakariak adierazi du mugimendu horrek "gainerako herritarren inplikazioa bultzatzen duela, udalerriak gune lagunkoiagoak izan daitezen lortzeko lan komun batean".
Lehendakariak azpimarratu duenez, "bizitza aktiboa eta autonomoa luzatzea, neurri handi batean, hiri-espazioen eta etxeko inguruneen diseinuaren, segurtasunaren eta egokitzapenaren mende dago", garraioa, etxebizitza, gizarte- eta osasun-zerbitzuak, eraikinak edo aire zabaleko espazioak bezalako esparruetan. Ildo horretan, adinekoak "aldaketaren eragile, arduradun eta Euskadi Lagunkoia ekimenaren protagonista" direla adierazi du.
Urkulluk, Beatriz Artolazabal Berdintasun, Justizia eta Gizarte Politiketako sailburuarekin batera, ospakizun-ekitaldian parte hartu du asteazken honetan. Hitzorduan, Artolazabalek eskerrak eta zorionak eman dizkie "azken hamarkadan, modu pertsonalean eta konprometituan, Euskadiko udalerriak espazio irisgarri eta adiskidetsuago bihurtzeko ezinbesteko zereginean inplikatu direnei", eta nabarmendu du "horrelako sendotasuna duen gizarte-sarea izateak" harrotasuna eragiten duela.
Horrela, sailburuak helburu nagusiak bete direla esan du: "Herritarren eta sektore publiko, pribatu eta sozialaren partehartzea sustatzea, Euskadin lagunkoitasun-mugimendu bat garatzeko; adinekoen herritartasun aktiboa sustatzea, erabakiak hartzen eta inguruneak hobetzen parte hartuz, eta Euskadiko herri eta hirietako bizitzan, ongizatea sortzen duten aldetik, duten potentziala aprobetxatzea".
Euskadi Lagunkoia Sareak gaur egun Euskadi osoko 70 udalerri biltzen ditu: 25 Gipuzkoan, 27 Bizkaian eta 18 Araban. Laguntasunaren aldeko mugimendua 2009an hasi zen EAEn, Donostia OMEren Munduko Sarean sartu zenean. Ondoren, Bilbok, Gasteizek eta Durangok bat egin zuten ekimenarekin.
Hitzaldian, Artolazabalek "beste bultzada bat" hartzeko nahia adierazi du, "orainean eta etorkizunean udalerriak eta haietako zokoak gero eta leku inklusiboagoak, irisgarriagoak eta lagunkoiagoak izateko haietan bizi diren guztientzat".
Ildo horretan, lehendakariak "erakunde publiko eta pribatuak, profesionalak, unibertsitate eta zientzia-elkarteak, adinekoak ordezkatzen dituzten erakundeak, boluntarioak, zerbitzu-hornitzaileak eta komunikabideak lagunkoitasunaren mugimenduarekin bat egitera" gonbidatu ditu.
Ospakizunarekin batera, erakusketa ibiltaria egingo dute uztailaren 11tik aurrera, Donostian, eta, ondoren, EAEko beste udalerri batzuetan izango da.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.